Friday, September 21, 2018

நல்லாட்சியை வீட்டுக்கு அனுப்பும் வரை ரூபாவின் பெறுமதி வீழ்ச்சியடையும் - கூட்டு எதிர்க்கட்சி

நல்லாட்சியை வீட்டுக்கு அனுப்பும் வரை ரூபாவின் பெறுமதி வீழ்ச்சியடையும் - கூட்டு எதிர்க்கட்சி

ரூபாவின் பெறுமானம் தொடந்து வீழ்ச்சி கண்டு வருகின்றமை தொடர்பில் கூட்டு எதிர்க்கட்சியில் அங்கம் வகிக்கும் பாராளுமன்ற உறுப்பினர் தாரக பாலசூரியவிடம் இன்று வினவியபோதே அவர் இதனைத் தெரிவித்தார். 

அவர் மேலும் குறிப்பிடுகையில்,

நல்லாட்சி அரசாங்கம் ஆட்சிக்கு வந்தது முதல் ரூபாவின் பெறுமானம் தொடர்ந்து வீழ்ச்சி கண்டு வருகிறது. அதனை பேணுவதற்கு அரசாங்கத்தால் முடியாதுள்ளது. அதனாலேயே அடிக்கடி பொருட்களின் விலை அதிகரிக்கப்படுகிறது. 

மக்கள் மூன்று வேளை உண்டு வாழ முடியாத நிர்கதி நிலைக்குத் தள்ளப்பட்டுள்ளனர். இருந்தபோதிலும் அரசாங்கம் அது தொடர்பில் கவனம் செலுத்துவதாக இல்லை. அத்துடன் தேசிய வளங்களை விற்பனை செய்தாவது ஆட்சியை முன்னெடுத்துச் செல்வதற்கே அரசாங்கம் எதிர்பார்ப்பதாகவும் அவர் மேலும் தெரிவித்தார்.
173 ஓட்டத்துடன் பதுங்கியது பங்களாதேஷ் ; வெற்றியிலக்கு 174

173 ஓட்டத்துடன் பதுங்கியது பங்களாதேஷ் ; வெற்றியிலக்கு 174

14 ஆவது ஆசியக் கிண்ணத் தொடரின் 'சுப்பர் 4' சுற்றின் முதல் போட்டியில் ரவீந்திர ஜடேஜா வீழ்த்திய நான்கு விக்கெட்டுக்களின் துணையுடன் இந்திய அணி பங்களாதேஷ் அணியை 173 ஓட்டத்துக்குள் கட்டுப்படுத்தியது.
அதன்படி நாணய சுழற்சியில் வெற்றியீட்டிய இந்திய அணியின் தலைவர் ரோஹித் சர்மா முதலில் களமிறங்கி ஆடுமாறு மொஷ்ரபி மோர்டாசாவை பணித்தார்.

அதற்கிணங்க முதலாவதாக துடுப்பெடுத்தாட பங்களாதேஷ் அணி சார்பில் லிட்டான் தாஸ், ஹுசைன் ஷான்டோ ஆகியோர் களமிறங்கி ஆடிவர 4.3 ஆவது ஓவரில் பங்களாதேஷுக்கு இராகுகாலம் ஆரம்பித்தது.

அதன்படி 4.3 ஆவது ஓவரில் லிட்டான் தாஸ் ஏழு ஓட்டத்துடன் புவனேஷ்வர் குமாரின் பந்து வீச்சில் கேத்தர் யதவ்விடம் பிடிகொடுத்து ஆட்டமிழக்க அவருடன் இணைந்து களறிங்கிய ஹுசைன் ஷான்டோ 7 ஓட்டத்துடன் பும்ராவின் பந்துவீச்சில் ஆட்டமிழக்க பங்களாதேஷ் அணியின் விக்கெட்டுக்கள் அடுத்தடுத்து விழத் தொடங்கியது.

ஷகிப் அல் ஹசன், ஜடேஜாவின் முதல் ஓவரில் 2 நான்கு ஓட்டங்களை பெற்றுக் கொண்டு 17 ஓட்டத்துடனும், மொஹமட் மிதுன் 9 ஓட்டத்துடன் ஓரளவு நிதானமாக ஆடி வந்த ரஹிம் 21 ஓட்டத்துடனும் ஜடேஜாவின் பந்து வீச்சினை எதிர்கொண்டு ஆட்டமிழந்தனர்.

இதனால் பங்களாதேஷ் அணி 17 ஆவது ஓவரின் முடிவில் 5 விக்கெட்டுக்களை பறிகொடுத்து 65 ஓட்டங்களை பெற்று தடுமாறி வந்தது.

இதையடுத்து மாமதுல்லாவும், மொசாடெக் ஹுசேனும் ஜோடி சேர்ந்து ஆடிவர பங்களாதேஷ் அணி 30 ஓவருக்கு 90 ஓட்டத்தை பெற்றது. மாமதுல்லா 17 ஓட்டத்தையும் ஹுசேன் 9 ஓட்டத்துடனும் நிதானமாக ஆடி வர 32 ஆவது ஓவரில் 100 ஓட்டங்களை பங்களாதேஷ் பெற்றுக் கொண்டது.

அதைத் தொடர்ந்து மாமதுல்லா 25 ஓட்டத்துடன் ஆட்டமிழக்க அவருடன் இணைந்து ஆடி வந்த ஹுசேனும் 12 ஓட்டத்துடன் ஜடேஜாவின் சுழலில் சிக்கி தோனியிடம் பிடிகொடுத்து வெளியேறினார்.

44.3 ஆவது ஓவரில் பங்களாதேஷ் அணி 7 விக்கெட்டுக்களை இழந்து 150 ஓட்டத்தை பெற்று துடுப்பெடுத்தாடி வந்தது. ஆடுகளத்தில் அணித் தலைவர் மொஷ்ரபி மோர்டாசாவும் மெய்டி ஹசானும் ஜோடி சேர்ந்து ஆடிவர 46.3 ஆவது ஓவரில் புவனேஸ்வர் குமாரின் பந்து வீச்சில் மோர்டாசா 26 ஓட்டத்துடனும், மெய்டி ஹசான் பும்ராவின் பந்து வீச்சில் தவானிடம் பிடிகொடுத்து 42 ஓட்டத்துடனும் ஆட்டமிழந்தனர்.

இறுதியாக பங்களாதேஷ் அணி 49.1 ஓவரில் சகல விக்கெட்டுக்களையும் 173 ஓட்டங்களை மாத்திரம் பெற்றுக் கொண்டது. இதன் மூலம் இந்திய அணிக்கு வெற்றியிலக்காக 174 ஓட்டம் நிர்ணயிக்கப்பட்டது.

பந்து வீச்சில் இந்திய அணி சார்பில் ஜடேஜா 4 விக்கெட்டுக்களையும், புவனேஸ்வர் குமார் மற்றும் பும்ரா தலா மூன்று விக்கெட்டுக்களையும் வீழ்த்தினர்.
பாகிஸ்தான் அணிக்கு வெற்றியிலக்கு 258

பாகிஸ்தான் அணிக்கு வெற்றியிலக்கு 258

பாகிஸ்தான் அணிக்கு எதிரான 14 ஆவது ஆசியக் கிண்ணத் தொடரின் 'சுப்பர் 4' சுற்றின் இரண்டவது போட்டியில் ஷஹாதி மற்றும் அஸ்கர் காட்டிய அதிரடியினால் ஆப்கானிஸ்தான் அணி நிர்ணயிக்கப்பட்ட 50 ஓவர்களில் 257 ஓட்டங்களை பெற்றுக் கொண்டது.

போட்டியில் நாணய சுழற்சியில் வெற்றியீட்டிய ஆப்கானிஸ்தான் அணியின் தலைவர் ஆஸ்கர் ஆப்கான் முதலில் களமிறங்க தீர்மானித்தார்.

அதன்படி மொஹமட் ஷஹ்சாதும், இஷ்சனுல்லா ஜனாத்தும் ஆரம்ப துடுப்பாட்டக்காரர்களாக களமிறங்கி ஆடி வர 8.6 ஓவர்களில் ஆப்கானிஸ்தான் அணி 26 ஓட்டங்களை பெற்றுக் கொண்டபோது தனது முதல் விக்கெட்டை பறிகொடுத்தது.

அதற்கிணங்க இஷ்சனுல்லா ஜனாத் 10 ஓட்டத்துடன் மொஹமட் நவாஸின் பந்து வீச்சில் ஆட்டமிழந்து வெளியேற, ரஹ்மத் ஷா களமிறங்கி துடுப்பெடுத்தாடி வந்தார். இதனால் ஆப்கானிஸ்தான் அணி 10 ஓவர்களுக்கு ஒரு விக்கெட்டினை இழந்து 31 ஓட்டங்களை பெற்றுக்கொண்டது. 

எனினும் 10.1 ஆவது ஓவரில் மொஹமட் நவாஸின் பந்து வீச்சில் மொஹமட் ஷஹ்சாத்தும் 20 ஓட்டத்துடன் ஆட்டமிழக்க, ரஹ்மத் ஷாத்துடன் ஜோடி சேர்ந்தாட ஷஹதி களமிறங்கினார்.

இவர்கள் இருவரும் பாகிஸ்தான் அணி பந்து வீச்சாளர்களின் பந்துகளை நான்கு திசைகளிலும் அடித்தாட 13.5 ஓவரில் அணி 50 ஓட்டங்களை பெற்றுக் கொண்டது. ஷஹதி 19 ஓட்டத்துடனும் ரஹ்மத் ஷா 23 ஓட்டத்துடனும் துடுப்பெடுத்தாடி வந்தனர்.

இந் நிலையில் அணியின் ஓட்ட எண்ணிக்கை 94 ஆக இருக்கும்போது மீண்டும் மொஹமட் நவாஸ் பந்து பறிமாற்றம் மேற்கொள்ள ரஹ்மத் ஷா 36 ஓட்டத்துடன் ஆட்டமிழந்தார்.

இவரையடுத்து களம் நுழைந்த அணியித் தலைவர் அஸ்கர் ஆப்கான் தான் எதிர்கொண்ட முதல் பந்திலே ஒரு 6 ஓட்டத்தை விளாச அணியின் ஓட்ட எண்ணிக்கை 26 ஆவது ஓவரில் 100 ஐ கடந்தது. அதன் பின்னர் இவர்கள் இருவரும் நிதானமான ஆட்டத்தை வெளிப்படுத்த 35 ஆவது ஓவரில் ஆப்கான் அணி 132 ஓட்டத்தை பெற்றது.

36 ஆவது ஓவருக்காக மொஹமட் நவாஸ் பந்து வீச அஸ்கர் ஆப்கான் அடுத்தடுத்து ஒரு 4 நான்கு ஓட்டத்தையும் ஒரு 6 ஓட்டத்தையும் பெற்று அதிரடி காட்ட 37.2 ஆவது ஓவரில் அணி மூன்று விக்கெட் இழப்பிற்கு 150 ஓட்டத்தை பெற்றது.

இதையடுத்து ஷஹதி 86 பந்துகளில் அரைசதம் கடக்க, மறுமுணையில் 45 பந்துகளை எதிர்கொண்ட அஸ்கர் ஆப்கன் 45 பந்துகளில் 8 ஆவது அரைசதத்தை விளாசினார்.

எனினும் மைதானத்தில் தொடர்ந்தும் அதிரடி காட்டி வந்த அஸ்கர் 56 பந்துகளை எதிர்கொண்டு 5 ஆறு ஓட்டங்கள் 2 நான்கு ஓட்டங்கள் அடங்கலாக 67 ஓட்டத்துடன் ஷாஹீன் அப்ரீடியின் பந்து வீச்சில் ஆட்டமிழக்க இவரையடுத்து களமிறங்கிய மொஹமட் நபி 7 ஓட்டத்துடனும் நஜிபுல்லா ஸத்ரான் 5 ஓட்டத்துடனும் ஆட்டமிழக்க‍ ஆப்கான் அணி 46.2 ஆவது ஓவருக்கு 6 விக்கெட்டினை இழந்து 212 ஓட்டத்துடன் துடுப்பெடுத்தாடி வந்தது.

ஷஹதி தொடர்ந்தும் மைதானத்தை அதிர விட இறுதியாக ஆப்கானிஸ்தான் அணி நிர்ணயிக்கப்பட்ட 50 ஓவர்களுக்கு 6 விக்கெட்டினை இழந்து 257 ஓட்டத்தை பெற்றுக் கொண்டது. இதன் மூலம் பாகிஸ்தான் அணிக்கு வெற்றியிலக்காக 258 ஓட்டங்கள் நிர்ணயிக்கப்பட்டது.

ஷஹதி 97 ஓட்டத்துடனும், நைய்ப் 10 ஓட்டத்துடனும் ஆட்டமிழக்காதிருந்தனர்.

பாகிஸ்தான் அணி சார்பாக பந்து வீச்சில் மெஹமட் நவாஸ் 3 விக்கெட்டுக்களையும், அப்ரீடி 2 விக்கெட்டுக்கயைும், ஹசன் அலி 1 விக்கெட்டினையும் வீழ்த்தினர்.
சவப்பெட்டியில் பலரை உயிரோடு புதைத்த மர்மநபரால் அதிர்ச்சி..!!

சவப்பெட்டியில் பலரை உயிரோடு புதைத்த மர்மநபரால் அதிர்ச்சி..!!

உக்ரைனில் சைக்காலஜி மருத்துவர் ஒருவர் தனது மருத்துவத்தின் ஒரு பகுதியாக நோயாளிகளை சவப்பெட்டியில் வைத்து மண்ணில் புதைப்பதை வழக்கமாக கொண்டுள்ளார்.
Kiev நகரில் உள்ள காட்டுப்பகுதியில் நபர் ஒருவர் சவப்பெட்டியில் வைத்து சிலரை உயிரோடு புதைத்துள்ளார்.

அவரருகில் 12 காலியான சவப்பெட்டிகள் இருந்துள்ளன.

இதை பார்த்து அதிர்ச்சியடைந்த ஊர் மக்கள் பொலிசுக்கு தகவல் கொடுத்தனர்.

பொலிசார் வந்து விசாரித்து போது தான் புதைத்த நபர் சைக்காலஜி மருத்துவர் என்பதும் இந்த விடயத்தை தன்னுடைய நோயாளிகளுக்கு அவர் தொடர்ந்து செய்வதும் தெரியவந்தது.

அதாவது, சவப்பெட்டியில் படுக்க வைத்து இரண்டு மணி நேரத்துக்கு நோயாளிகள் புதைக்கப்படுகிறார்கள்.

பெட்டியில் சிறிய ஓட்டை போட்டு ஒரு பைப் சொருகப்படுகிறது. இதன் மூலம் சவப்பெட்டியில் இருப்பவர்கள் சுவாசிக்க முடியும்.

இரண்டு மணி நேரங்கள் கழித்து வெளியில் வந்தால் தங்களின் மனது புத்துணர்ச்சி பெற்று புதுமனிதர்களாக மாறிவிடுகிறோம் என நோயாளிகள் கூறுகிறார்கள்.

இந்த விடயத்தில் முறைதவறிய செயல்கள் எதுவும் பின்பற்றப்படாத நிலையில் பொலிசார் குறித்த மருத்துவர் மீது நடவடிக்கை எதுவும் எடுக்கவில்லை.
முதலை, பாம்பு, உள்ளிட்ட 400 விலங்குகளுடன் வாழும் விசித்திர மனிதர்

முதலை, பாம்பு, உள்ளிட்ட 400 விலங்குகளுடன் வாழும் விசித்திர மனிதர்

உலகிலேயே விசித்திரமான விலங்குகளுடன் வாழ்கிறார் ஒரு பிரெஞ்சுக்காரர். பிரான்சின் லூரி நதிக்கரையில் உள்ள கிராமத்தில் வசிக்கும் 67 வயதான பிலிஃப் விலங்குகளின் காதலர். அவரது வீட்டில் அலி, கேட்டர் என இரு முதலைகள், ராட்சத ஆமை, நல்ல பாம்பு, கொடிய விசம் கொண்ட காட்டு வீரியன் என வித்தியாசமான 40 வகை விலங்குகள் உள்ளன. 

அவற்றுக்கு தேவையான உணவு, அவற்றை பராமரிப்பது என இதையே தன் வாழ்வாக்கி கொண்டுள்ளார் பிலிஃப். சிறுவயது முதலே ஊர்வன இன பிராணிகளோடு பிரியம் கொண்டவர். அதனால் தனது வீட்டையே பிராணிகளின் புகலிடமாக மாற்றிக் கொண்டு வாழ்ந்து வருகிறார்.
அமெரிக்க டொலர் ஒன்றுக்கான இலங்கை ரூபா 170.65 !! வீழ்ச்சி

அமெரிக்க டொலர் ஒன்றுக்கான இலங்கை ரூபா 170.65 !! வீழ்ச்சி

இலங்கை மத்திய வங்கியினால் வெளியிடப்பட்டுள்ள அமெரிக்க டொலர் ஒன்றுக்கான விற்பனை மற்றும் கொள்வனவு பெறுமதிப்படி இலங்கை ரூபா மேலும் வீழ்ச்சியடைந்துள்ளது. 

அதன்படி இன்றைய தினம் அமெரிக்க டொலர் ஒன்றின் விற்பனை விலை 170.65 ரூபாவாக பதிவாகியுள்ளது. 

அமெரிக்க டொலருக்கு நிகரான இலங்கை ரூபாவின் பெறுமதி அண்மைய நாட்களில் தொடர்ந்து வீழ்ச்சியடைந்து கொண்டே செல்கின்றமை குறிப்பிடத்தக்கது.
Jet Airways பயணிகளுக்கு மூக்கிலும், காதிலும் ரத்தம் வர விமானிகளே காரணம்!

Jet Airways பயணிகளுக்கு மூக்கிலும், காதிலும் ரத்தம் வர விமானிகளே காரணம்!

Jet Airways விமானத்தில் ஒரு சுவிட்சை அழுத்த மறந்ததால் பெரிய பிரச்சனை ஏற்பட்டு இருக்கிறது. மிக சிறிய இடைவெளியில் 170 பேர் அதிர்ஷ்டவசமாக உயிர் பிழைத்து இருக்கிறார்கள்.

Jet Airways நிறுவனம் தற்போது பெரிய சர்ச்சையில் சிக்கி உள்ளது. அந்த நிறுவனத்திற்கு சொந்தமான பி737 விமானம் மும்பையில் இருந்து ஜெய்ப்பூர் நோக்கி சென்றுள்ளது. அதில் பயணித்த 30 பயணிகளுக்கு திடீர் என்று காது மற்றும் மூக்கில் இருந்து ரத்தம் கொட்டி இருக்கிறது.

இதில் மொத்தம் 170 பேர் பயணம் செய்து இருக்கிறார்கள். இது குறித்த வீடியோக்கள் வெளியாகி உள்ளது. ஆனால் Jet Airways நிறுவனம் இதற்கு இன்னும் மன்னிப்பு கேட்கவில்லை என்று கூறப்படுகிறது.

இத்தனை பிரச்சனையும் ஒரே ஒரு சுவிட்ச் சரியாக வேலை செய்யாத காரணத்தால்தான் ஏற்பட்டு இருக்கிறது. ஆம் விமானிகள் இருக்கும் காக்பீட்டில் உள்ள கேபின் பிரஷர் கன்ரோலர் (அழுத்த கட்டுப்பாடு) சுவிட்சை போட்டு இருந்தால் இவ்வளவு பெரிய பிரச்சனை நிகழ்ந்து இருக்காது என்று கூறப்படுகிறது. இதை போடாததால் உள்ளுக்கு உள்ள அழுத்தத்தில் மாறுபாடு ஏற்பட்டு மக்களுக்கு அதிக அழுத்தம் காரணமாக ரத்தம் வந்துள்ளது.

இந்த நிலையில் உள்ளே நடந்த விஷயம் அத்தனையும் வீடியோவாக பதிவாகி உள்ளது. அங்கு உள்ளே இருந்த பயணி ஒருவர் இந்த வீடியோவை படம்பிடித்து வெளியிட்டு இருக்கிறார். இந்த வீடியோ இணையம் முழுக்க வைரலாகி உள்ளது.

இந்த வீடியோவில் பயணிகள் எல்லோரும் ஆக்சிஜன் மாஸ்க் மாட்டி இருக்கிறார்கள். உள்ளே ஆக்சிஜன் அளவு வேகமாக குறைந்த காரணத்தால் இந்த மாஸ்க் மாட்டி இருக்கிறார்கள். இதில் மொத்தமாக 30 பேருக்கு காது, மூக்குகளில் ரத்தம் வந்தது குறிப்பிடத்தக்கது.

இதில் ரத்தம் அதிகமாக வந்தது சிறுவர்களுக்கும், வயதானவர்களுக்கும்தான் என்று கூறப்படுகிறது. சிறுவர்களுக்கு சிலருக்கு மூக்கில் இருந்து ரத்தம் வந்துள்ளது. தன்னுடைய மகனுக்கு ரத்தம் வந்ததை இவர் புகைப்படம் எடுத்து வெளியிட்டு ஜெட் ஏர்வேஸுக்கு கண்டனம் தெரிவித்துள்ளார்.


2019 ஆண்டின் உலகக் கிண்ணம் இலங்கையில்

2019 ஆண்டின் உலகக் கிண்ணம் இலங்கையில்

 கிரிக்கெட் உலகக் கிண்ணத் தொட­ருக்­கான வெற்றிக் கிண்ணம் இலங்­கைக்கு கொண்டு வரப்­பட்­டுள்­ளது.

எதிர்­வரும் 2019 ஆம் ஆண்டு இங்­கி­லாந்தில் நடை­பெ­ற­வுள்ள உலகக் கிண்ணத் தொடரை முன்­னிட்டு வெற்றிக் கிண்ணம் உலகம் முழுக்க எடுத்­துச்­செல்­லப்­ப­டு­கின்­றது.

அதன் ஒரு கட்­ட­மாக உலகக் கிண்ணம் மேற்­கிந்­தியத் தீவு­க­ளி­லி­ருந்து இலங்­கைக்கு கொண்­டு­வ­ரப்­பட்­டது. இலங்­கைக்கு கொண்­டு­வ­ரப்­பட்­டுள்ள உலகக் கிண்­ணத்தை வர­வேற்கும் நிகழ்வு நேற்று சுதந்­திர சதுக்­கத்தில் நடை­பெற்­றது.

இதன்­போது விளை­யாட்­டுத்­துறை அமைச்சர் பைஸர் முஸ்­தபா, இலங்­கைக்கு உலகக் கிண்­ணத்தை வென்­று­கொ­டுத்த முன்னாள் அணித் தலைவர் அர்­ஜுன ரண­துங்க, இலங்கை கட்­பு­ல­னற்ற கிரிக்கெட் அணி வீரர்கள், பாட­சாலை மாண­வர்கள் மற்றும் ஓரிரு தேசிய கிரிக்கெட் அணி வீரர்கள் ஆகியோர் கலந்­து­கொண்­டனர்.
பிரான்ஸ் அரசாங்கத்தினால் சந்திரிக்காவிற்கு கிடைத்த அதியுயர் விருது

பிரான்ஸ் அரசாங்கத்தினால் சந்திரிக்காவிற்கு கிடைத்த அதியுயர் விருது

பிரான்ஸ் அரசாங்கத்தினால் முன்னாள் ஜனாதிபதி சந்திரிக்கா பண்டாரநாயக்க குமாரதுங்கவுக்கு அதியுயர் விருது வழங்கப்பட்டுள்ளது.

பிரான்ஸ் அரசாங்கத்தினால் வழங்கப்படும் அதியுயர்ந்த விருதான (Commander of the Legion of Honour) என்ற விருதே இவ்வாறு வழங்கப்பட்டுள்ளது.

இதன் உடாக, இந்த விருதினை பெற்று முதலாவது இலங்கையர் என்ற பெருமையை முன்னாள் ஜனாதிபதி சந்திரிக்கா பண்டாரநாயக்க பெற்றுக்கொண்டுள்ளார்.

இலங்கைக்கான பிரான்ஸ் தூதுவர் ஜீன்மெரீன் இந்த விருதினை பிரன்ஸ் அரசாங்கத்தின் சார்பில் முன்னாள் ஜனாதிபதியிடம் வழங்கியுள்ளார்.

இந்நிகழ்வில் அமைச்சர்களான மங்கள சமரவீர, மலிக் சமரவிக்கிரம உள்ளிட்ட பலர் கலந்துகொண்டனர்.


ஷிராந்தியின் வாகனத்திலே தாஜுதீன் கடத்தப்பட்டார் ; CID பரபரப்பு தகவல்

ஷிராந்தியின் வாகனத்திலே தாஜுதீன் கடத்தப்பட்டார் ; CID பரபரப்பு தகவல்

பிர­பல றக்பி வீரர் வஸீம் தாஜுதீன், மஹிந்த ராஜ­ப­க்ஷவின் பாரியார் ஷிராந்தி ராஜ­ப­க்ஷவின் டிபெண்டர் வண்­டியில் கடத்­தப்பட்டு கொலை செய்யப்பட்டுள்ளார் என சி.ஐ.டி.க்கு கிடைத்­துள்ள தகவலை அடிப்படையாக கொண்டு விசா­ர­ணைகள் ஆரம்பிக்கப்பட்டுள்ளதாக கொழும்பு மேலதிக நீதிவானுக்கு அறிவிக்கப்பட்டுள்ளது.
பிரதி சொலி­சிட்டர் ஜெனரால் டிலான் ரத்­னா­யக்க, வசீம் தாஜுதீன் விவ­கா­ரத்தை விசா­ரணை செய்யும் சி.ஐ.டி.யின் மனிதப் படு­கொலை குறித்த விசா­ரணைப் பிரிவின் உதவி பொலிஸ் அத்­தி­யட்சர் இந்­திக லொக்­கு­ஹெட்டி, பிர­தான பொலிஸ் பரி­சோ­தகர் ரஞ்ஜித் முன­சிங்க, சார்ஜன் ரத்னப் பிரிய ஆகி­யோ­ருடன் மேல­திக விசா­ரணை அறிக்­கையை மன்றில் தாக்கல் செய்து இந்த விட­யத்தை நீதி­வா­னுக்கு அறி­வித்தார்.

அத்­துடன் முன்னாள் ஜனா­தி­பதி மஹிந்த ராஜ­பக்ஷ உள்­ளிட்ட அவ­ரது குடும்ப உறுப்­பி­னர்­க­ளுக்கு பாது­காப்­ப­ளித்த கடற்­படை வீரர்கள் தொடர்­பி­லான விப­ரங்­களை வழங்க கடற்­படை தள­பதி மறுப்­பா­ராயின், அவ­ருக்கு எதி­ராக தண்­டனை சட்டக் கோவையின் 173 மற்றும் 174 ஆவது அத்­தி­யா­யங்­களின் கீழ் செயற்­பட்டு நட­வ­டிக்கை எடுக்­கு­மாறும் இதன்­போது நீதிவான் இசுரு நெத்தி குமார சட்ட மா அதிபர் திணைக்­க­ளத்­துக்கும், சி.ஐ.டி.க்கும் ஆலோ­சனை வழங்­கினார். 

மேலும் இந்த கடற்­படை வீரர்கள் தொடர்பில் தக­வல்கள் மறைக்­கப்­ப­டு­வது தொடர்பில் அத்­த­க­வல்­க­ளுக்கு பொறுப்­பான உயர் கடற்­படை அதி­காரி ஒரு­வரை விசா­ர­ணைக்கு அழைத்­துள்­ள­தா­கவும் அவ­ரிடம் எதிர்­வரும் 25 ஆம் திகதி விசா­ர­ணை­களை முன்­னெ­டுக்­க­வுள்­ள­தா­கவும் பிரதி சொலி­சிட்டர் ஜெனரால் டிலான் ரத்­னா­யக்க நீதி­வா­னுக்கு அறி­வித்தார்.

இன்றைய தினம் வஸீம் தாஜுதீன் கொலை வழக்கு விசா­ர­ணைக்கு வந்தபோது, இந்த விவ­கா­ரத்தில் கைதாகி பிணையில் உள்ள நார­ஹேன்­பிட்டி பொலிஸ் நிலைய முன்னாள் குற்­ற­வியல் பொறுப்­ப­தி­காரி பொலிஸ் பரி­சோ­தகர் சுமித் சம்­பிக்க பெரேரா , முன்னாள் சிரேஷ்ட பிரதிப் பொலிஸ் மா அதிபர் அனுர சேன­நா­யக்க , முன்னாள் கொழும்பு பிர­தான சட்ட வைத்­திய அதி­காரி ஆனந்த சம­ர­சே­கர ஆகியோர் மன்றில் ஆஜ­ரா­கி­யி­ருந்­தனர்.

இதன்போது வஸீம் தாஜுதீன் படுகொலை விவ­கார விசா­ர­ணைகள் மிக நீண்­ட­கா­ல­மாக பல்­வேறு கார­ணங்­க­ளுக்­காக இழுத்­த­டிக்­கப்­ப­டு­வ­தாக சுட்­டிக்­காட்­டிய நீதிவான், 

குறித்த விசா­ர­ணை­களை உட­ன­டி­யாக நிறைவு செய்­யு­மாறும், விசா­ர­ணைகள் தாம­த­ம­டை­வ­தற்­கான காரணம் மற்றும் தற்­போது கைது செய்­யப்­பட்டு பிணையில் உள்ள மூன்று சந்­தேக நபர்­க­ளுக்கும் எதி­ரான சாட்­சிகள் மற்றும் குற்­றச்­சாட்­டுக்கள் என்­ப­வற்றை உள்­ள­டக்கி விரி­வான அறிக்­கையை மன்றில் சமர்ப்­பிக்­கவும் உத்­த­ர­விட்­ட­துடன் வழக்கை எதிர்­வரும் நவம்பர் 29 ஆம் திக­திக்கு ஒத்தி வைத்தமை குறிப்பிடத்தக்கது.
புலமைப்பரிசில் பரீட்சை பெறுபேறுகள் வெளியாகும் திகதி அறிவிப்பு !

புலமைப்பரிசில் பரீட்சை பெறுபேறுகள் வெளியாகும் திகதி அறிவிப்பு !

2018 ஆம் ஆண்டுக்கான தரம் ஐந்து புலமைப்பரிசில் பரீட்சை பெறுபேறுகள் எதிர்வரும் ஒக்டோபர் மாதம் முதல் வாரத்தில் வெளியாகும் என கல்வி அமைச்சு அறிவித்துள்ளது.

கடந்த வருடம் நடைபெற்ற தரம் ஐந்து புலமைப் பரிசில் பரீட்சையில் தமிழ்மொழி மூலம் 156 புள்ளிகளும், சிங்கள மொழிமூலம் 164 புள்ளிகளும் சித்தி அடைவதற்கான புள்ளிகளாக வழங்கப்பட்டிருந்தமை குறிப்பிடத்தக்கது.
இலங்கை அணியில் யாழ். வீரர்கள்

இலங்கை அணியில் யாழ். வீரர்கள்

எதிர்வரும் 29 ஆம் திகதி ஆரம்பமாகி ஒக்டோபர் 07 ஆம் திகதி வரை பங்களாதேஷில் ஆரம்பாகவுள்ள 19 வயதுக்குட்பட்டோருக்கான ஆசியக் கிண்ணத் தொடரில் விளையாடவுள்ள இலங்கை அணி குழாமில் யாழ். மத்திய கல்லூரி மாணவன் செல்வராசா மதுசன் இடம்பிடித்துள்ளார்.
இவர் அண்மையில் இலங்கையில் நடைபெற்ற 19 வயதுக்குட்பட்ட அணிக்கெதிரான டெஸ்ட் தொடருக்கான இலங்கையின் பயிற்சிக் குழுவில் இடம்பெற்றிருந்தார்.

எனினும் உடற்றகுதிச் சோதனையில் தோல்வியடைந்தமை காரணமாக இவர் அப்போது குழாமில் சேர்க்கப்படவில்லை. அதன் பின்னர் உடற்றகுதிச் சோதனையில் வெற்றியடைந்த நிலையிலேயே தற்போது இலங்கை அணிக்குழாமில் உள்வாங்கப்பட்டுள்ளார்.

இந்நிலையில், குறித்த இந்தியாவுக்கெதிரான டெஸ்ட் தொடரில் விளையாடிய யாழ். மத்திய கல்லூரியின் விஜயகாந்த் வியாஸ்காந்த், ஆசியக் கிண்ணத் தொடருக்கான தயார் நிலை வீரர்களில் காணப்படுகின்றமையும் குறிப்பிடத்தக்கது.
வாய்வழியாக நெருப்புவிட்ட மாணவன் பலி!

வாய்வழியாக நெருப்புவிட்ட மாணவன் பலி!

காஞ்சிபுரம் மாவட்டம் ஊரம்பாக்கத்தில் வாய்வழியாக நெருப்புவிடும் பயிற்சியில் ஈடுபட்ட 10ம் வகுப்பு மாணவன் ஜெபின் உயிரிழந்துள்ள சம்பவம் அப்பகுதியில் பெரும் சோகத்தை ஏற்படுத்தியுள்ளது. 

வாயில் மண்ணெண்ணெய் ஊற்றி பற்ற வைத்த போது உடலில் தீ்ப்பற்றியதில் ஜெபின் சம்பவம் இடத்திலேயே உயிரிழந்துவிட்டதாக விசாரணையில் தெரியவந்துள்ளது. இதுகுறித்து போலீஸார் வழக்குப்பதிவு செய்து விசாரணை நடத்தி வருகின்றனர்.
பாண்ட்யாவுக்கு பதிலாக ஜடேஜா!

பாண்ட்யாவுக்கு பதிலாக ஜடேஜா!

ஆசிய கோப்பை தொடரின் வங்கதேச அணிக்கு எதிரான இன்றைய போட்டியில் இந்திய அணியில் மாற்றம் இருக்கும் என சொல்லப்படுகிறது. 

குறிப்பாக ஹர்திக் பாண்டாவுக்கு பதிலாக ஜடேஜா அல்லது மணீஷ் பாண்டேவுக்கு வாய்ப்பு அளிக்கப்படலாம் என கூறப்படுகிறது. 

காயம் காரணமாக ஹர்திக் பாண்டா, சித்தார்த் கவுல், தீபக் சஹார் ஆகியொர் அணியில் இருந்து விலகி இருக்கின்றனர்.
அடுத்த சசிகலா-வாக உருவெடுக்கும் வரலட்சுமி சரத்குமார்...!

அடுத்த சசிகலா-வாக உருவெடுக்கும் வரலட்சுமி சரத்குமார்...!

மறைந்த முன்னாள் முதல்வர் ஜெயலலிதாவின் வாழ்க்கை வரலாற்று படத்தில் சசிகலா கதாபாத்திரத்தில் வரலட்சுமி சரத்குமார் நடிப்பதாக திரைப்பட குழுவினர் அறிவித்துள்ளனர்! 

தமிழகத்தின் முன்னாள் முதலமைச்சர் ஜெயலலிதா உடல்நலக் குறைவு காரணமாக கடந்த வருடம் செப்டம்பர், 22-ம் தேதி சென்னை அப்போலோ மருத்துவமனையில் அனுமதிக்கப்பட்டார். இவர் தொடர்ந்து சுமார் 75 மருத்துவ மனையில் சிகிச்சை பெற்றார். சிகிச்சை பலனின்றி டிசம்பர் 5-ஆம் தேதி இரவு உயிரிலாந்தார். 

இந்நிலையில், இயக்குநர் பிரியதர்ஷினி வரலட்சுமி சரத்குமாரை வைத்தி சக்தி என்ற படத்தை இயக்கி இருந்தார். இந்தப் படம் இன்னும் வெளியாகவில்லை. இயக்குநர் மிஷ்கினிடம் உதவியாளராக பணியாற்றிய பிரியதர்ஷினி மறைந்த முதல்வர் ஜெயலலிதாவின் வாழ்க்கை வரலாற்றை படமாக இயக்கி தயாரிக்கப் போவதாக அறிக்கையை ஏற்கனவே வெளியிட்டிருந்தனர். 

இதையடுத்து, நேற்று The Iron Lady என பெயரிடப்பட்டுள்ள இப்படத்தை, இயக்குநர் மிஷ்கினிடம் உதவியாளராக பணியாற்றிய பிரியதர்ஷினி இயக்குகிறார். ஜெயலலிதா வாழ்க்கை வரலாற்று படத்தின் ஃபர்ஸ்ட் லுக் போஸ்டரை, பிரபல இயக்குநர் ஏ.ஆர்.முருகதாஸ், தனது டுவிட்டர் பக்கத்தில், வியாழக்கிழமை மாலை வெளியிட்டார்.

இதை தொடர்ந்து, இந்நிலையில் படத்தின் தலைப்பை படக்குழுவினர் வெளியிட்டுள்ளனர். `தி அயர்ன் லேடி' என்று தலைப்பிடப்பட்டுள்ள இந்தப் படத்தில் ஜெயலலிதா கதாபாத்திரத்தில் நடிகை நித்யா மேனனும், சசிகலாவின் கதாபாத்திரத்தில் வரலட்சுமி சரத்குமாரும் நடிக்கின்றனர்.

இது குறித்து இயக்குநர் ஏ.ஆர்.முருகதாஸ் தனது கருத்தை அவரது ட்விட்டர் பக்கத்தில் வெளியிட்டுள்ளார் அதில் வரலட்சுமி சரத்குமார் உள்ளிட்ட படக்குழுவினருக்கு தனது வாழ்த்துக்களை பதிவிட்டுள்ளார்.
பயங்கரவாதிகளால் கடத்தப்பட்ட 3 போலீசாரின் உடல்கள் மீட்பு..!

பயங்கரவாதிகளால் கடத்தப்பட்ட 3 போலீசாரின் உடல்கள் மீட்பு..!

காஷ்மீரில் சோபியான் மாவட்டத்தில் கடத்தப்பட்ட 3 போலீசார் தீவிரவாதிகளால் சுட்டுக்கொல்லப்பட்டனர். 

காஷ்மீர் எல்லையில் தீவிரவாதிகள் தொடர்ந்து தாக்குதல் நடத்தி வருகின்றனர். பதிலுக்கு இந்திய ராணுவமும் தகுந்த பதிலடி கொடுத்து வருகிறது. நேற்று பந்திப்போரா பகுதியில் நடைபெற்ற தாக்குதலில் 2 தீவிரவாதிகள் இந்திய பாதுகாப்பு படையினரால் சுட்டுக்கொல்லப்பட்டனர். 

அதைத்தொடர்ந்து இன்று காவல்துறை அதிகாரிகள் 3 பேர் தீவிரவாதிகளால் சுட்டுக்கொல்லப்பட்டனர். காஷ்மீர் சோபியான் மாவட்டத்தில் 3 பேரின் உடல்களும் கைப்பற்றப்பட்டுள்ளன. 

முன்னதாக ஆகஸ்ட் 30 ஆம் தேதி தீவிரவாதிகளின் உறவினர்கள் 8 பேரை போலீசார் கைது செய்துள்ளனர்.அவர்களை விடுவிக்கும்படி ஹிஸ்புல் முஜாகிதீன் அமைப்பு கோரிக்கை வைத்துள்ளது. காவல்துறை அதற்கு மறுக்கவே, 3 போலீசாரை கடத்தியதாக கூறப்படுகிறது. 


விராட் கோலியின் முதல் திரைப்பட Poster வெளியானது!

விராட் கோலியின் முதல் திரைப்பட Poster வெளியானது!

கிரிக்கெட் மற்றும் பாலிவுட் ரசிகர்களுக்கு எதிர்பாராத வெள்ளிகிழமையாக இன்று அமைந்துள்ளது!

ஆம்... பிரபல கிரிக்கெட் வீரரான விராட் கோலி இன்று காலை தனது ட்விட்டர் வாயிலாக தனது ரசிகர்கள் அனைவரையும் வியப்பில் ஆழ்த்தியுள்ளார். ஆசிய கோப்பை போட்டிகள் தற்போது பிஸியாக நடைப்பெற்று வரும் நிலையில் இந்த தொடரில் இருந்து ஓய்வு பெற்றுள்ள

அணித்தலைவர் விராட் கோலி, தனது ட்விட்டர் பக்கத்தில் பிஸியாகியுள்ளார். ட்விட்டர் பக்கத்தில் மட்டும் பிஸியாகவில்லை, திரைதுறையிலும் பிஸியாகிவிடார் என இவரது ட்விட்டர் பதிவு தெரிவிக்கின்றது.

ஆக்ஷன் ஹீரோவாக விராட் கோலி இருப்பது போன்ற ஒரு புகைப்படத்தினை கோலி இந்த பதிவில் பகிர்ந்துள்ளார். மேலும் "10 ஆண்டுகளுக்கு பின்னர் தற்போது மீண்டும் புது வடிவில் வருகின்றேன் #TrailerTheMovie " என குறிப்பிட்டு பதிவிட்டுள்ளார்.

இந்த பதிவானது விராட் கோலியின் பாலிவுட் என்ட்ரிக்கான பதிவாக கருதப்படுகிறது., இல்லையேல் ஒருவேலை இது குறும்படமாகவும் இருக்கலாம், அல்லது தான் பிராண்ட் அம்பேஸிடராக இருந்த வரும் நிறுவனத்திற்கான படப்பிடிப்பில் ஈடுபட்டிருக்கலாம் எனவும் கருதப்படுகிறது.

இந்த பதிவில் கோலி இணைத்துள்ள வலைதள இணைப்பில் TrailerTheMovie 28.09.2018 என மட்டும் தற்போதைக்கு காட்சிப்படுத்தப்பட்டுள்ளது, இந்த பதிவிற்கான விடை வரும் 28.09.2018 அன்று தெரியும் என எதிர்பார்க்கப்படுகிறது!..
வெள்ளிக்கிழமையான இன்றைய உங்கள் நாள் எப்படி இருக்கும் என தெரிந்துக்கொள்ள (21-09-2018)

வெள்ளிக்கிழமையான இன்றைய உங்கள் நாள் எப்படி இருக்கும் என தெரிந்துக்கொள்ள (21-09-2018)

மேஷம்:
இன்று எந்த ஒரு விஷயத்திலும் முடிவு எடுப்பது தாமதமாகும். அடுத்தவர் பிரச்சனைகளில் தலையிடுவதை தவிர்ப்பதும் நல்லது. பணவரத்து எதிர்பார்த்த நேரத்தை விட தாமதமாக வந்து சேரும். ஆனால் பூர்வீக சொத்துக்களில் இருந்து பிரச்சனைகள் தீரும்.
அதிர்ஷ்ட நிறம்: ஆரஞ்சு
அதிர்ஷ்ட எண்: 4, 5

ரிஷபம்:
இன்று தொழில் வியாபாரத்தில் எதிர்பாராத குறுக்கீடுகள் ஏற்பட்டு பின்னர் விலகும். வியாபாரம் தொடர்பான பிரச்சனைகளை கையாளும் போது கவனம் தேவை. பாக்கிகள் வசூலாவது தாமதமாகும். உத்தியோகத்தில் இருப்பவர்கள் மிகவும் கவனமாக தங்களது வேலைகளை செய்வது நல்லது.
அதிர்ஷ்ட நிறம்: நீலம், பச்சை
அதிர்ஷ்ட எண்: 5

மிதுனம்:
இன்று கணவன், மனைவிக்கிடையே அனுசரித்து செல்வதன் மூலம் குடும்பத்தில் அமைதி ஏற்படும். விருந்தினர்கள் வருகை இருக்கும். உறவினர்கள், நண்பர்களிடம் கோபத்தை காண்பிக்காமல் பேசுவது நல்லது. எதிர்பார்த்த உதவிகள் கிடைப்பதில் தாமதமாகலாம். 
அதிர்ஷ்ட நிறம்: சிவப்பு, அடர் நீலம்
அதிர்ஷ்ட எண்: 2, 3

கடகம்:
இன்று எந்த ஒரு விஷயத்திலும் முடிவு எடுப்பதில் தாமதம் உண்டாகும். கவனமாக வேலைகளை செய்வது நல்லது. பணவரத்து தாமதமாகலாம். உத்தியோகத்தில் மட்டும் கவனம் செலுத்துவது வெற்றிக்கு உதவும். சகஊழியர்கள், நண்பர்கள் பிரச்சனைகளில் தலையிடுவதை தவிர்ப்பது நல்லது.
அதிர்ஷ்ட நிறம்: வெளிர் மஞ்சள்
அதிர்ஷ்ட எண்கள்: 3, 9

சிம்மம்:
இன்று தடை தாமதம் உண்டாகலாம். புதிய காரியங்களை தள்ளிபோடுவதும் எதிலும் கவனமாக இருப்பதும் நல்லது. ஆனாலும் ராசிநாதன் சஞ்சாரத்தால் மனதில் மகிழ்ச்சி உண்டாகும். வீண் செலவுகள் உண்டாகும். எதிர்பார்த்த இடமாற்றம் உண்டாகலாம். வரவேண்டிய நிலுவைத் தொகை சம்பந்தமான காரியங்கள் முடிவதில் தாமதபோக்கு காணப்படும். 
அதிர்ஷ்ட நிறம்: பச்சை, மஞ்சள், நீலம்
அதிர்ஷ்ட எண்கள்: 2, 5, 7

கன்னி:
இன்று தேவையற்ற மன சஞ்சலம் உண்டாகலாம். யாரையும் நேருக்கு நேர் எதிர்க்காமல் அனுசரித்து செல்வது நன்மைதரும். கெட்ட கனவுகள் தோன்றலாம். வயிறு தொடர்பான நோய்கள் ஏற்பட்டு நீங்கும்.
அதிர்ஷ்ட நிறம்: வெள்ளை, இளஞ்சிவப்பு, நீலம்
அதிர்ஷ்ட எண்கள்: 3, 6, 9

துலாம்:
இன்று தொழில் வியாபாரம் மெத்தனமாக காணப்பட்டாலும் பணவரவு இருக்கும். புதிய வாடிக்கையாளர்களிடம் நிதானமாக பேசி வியாபாரம் செய்வது நல்லது. போட்டிகளை கண்டு கொள்ளாமல் தவிர்ப்பது நல்லது. உத்யோகத்தில் இருப்பவர்களுக்கு வீண் அலைச்சலும், டென்ஷனும் ஏற்பட்டு நீங்கும். வீண் வாக்கு வாதங்களை தவிர்ப்பது நல்லது.
அதிர்ஷ்ட நிறம்: மஞ்சள், நீலம், வெள்ளை
அதிர்ஷ்ட எண்கள்: 2, 6, 9

விருச்சிகம்:
இன்று கணவன், மனைவிக்கிடையே தேவையில்லாத ஒரு விஷயத்தால் கருத்து வேற்றுமை உண்டாகலாம். எனவே கவனமாக இருப்பது நல்லது. பிள்ளைகளால் திடீர் செலவு உண்டாகலாம். யாரையும் எதிர்த்துக் கொள்ளாமல் அனுசரித்து செல்வது நன்மை தரும். வீண் மனக்கவலை, காரிய தாமதம் உண்டாகலாம் கவனம் தேவை.
அதிர்ஷ்ட நிறம்: மஞ்சள், பச்சை, வெள்ளை
அதிர்ஷ்ட எண்கள்: 5, 9

தனுசு:
இன்று எதிலும் கூடுதல் கவனம் தேவை. தடை தாமதம் உண்டாகலாம். புதிய முயற்சிகளை தள்ளிபோடுவதும் நல்லது. பணவரத்து அதிகரிக்கும். வாக்கு வன்மை ஏற்படும். உங்கள் பேச்சுக்கு மற்றவர்கள் செவிசாய்ப்பார்கள். புதிய நண்பர்கள் கிடைப்பார்கள். தொலைதூரத்தில் இருந்து நல்ல தகவல்கள் வந்துசேரும்.
அதிர்ஷ்ட நிறம்: பச்சை, ஊதா
அதிர்ஷ்ட எண்கள்: 1, 4, 6

மகரம்:
இன்று தொழில் வியாபாரத்தில் முன்னேற்றம் காணப்படும். லாபம் கூடும். பழைய பாக்கிகள் வசூலாகும். வியாபாரம், தொழில் தொடர்பான கடிதபோக்கு சாதகமான பலன் தரும். புதிய ஆர்டர்கள் கிடைக்க பெறுவீர்கள். பணியாளர்கள் மூலம் நன்மை உண்டாகும். 
அதிர்ஷ்ட நிறம்: மஞ்சள், சிவப்பு
அதிர்ஷ்ட எண்கள்: 1, 6, 9

கும்பம்:
இன்று உத்தியோகத்தில் இருப்பவர்கள் திறமையாக எதையும் செய்து முடித்து பாராட்டு பெறுவார்கள். கவுரவம் கூடும். நிலுவை தொகை வந்து சேரும். பதவி உயர்வு கிடைக்கலாம்.கணவன், மனைவிக்கிடையே நெருக்கம் அதிகரிக்கும். குடும்பத்தில் குதூகலம் உண்டாகும். வாகனம் வாங்கும் அல்லது புதுப்பிக்கும் பணியில் ஈடுபடுவீர்கள். 
அதிர்ஷ்ட நிறம்: நீலம், சிவப்பு
அதிர்ஷ்ட எண்கள்: 3, 5, 7

மீனம்:
இன்று பயணம் மூலம் சாதகமான பலன் கிடைக்கும். குடும்பத்தில் சுப காரியங்கள் நடைபெறும். உங்களது வார்த்தைகளுக்கு மதிப்பு கூடும். தொலை தூர தகவல்கள் நல்ல தகவல்களாக வரும். எதிர்பார்த்த பணம் வரும் வாய்ப்பு உள்ளது.
அதிர்ஷ்ட நிறம்: மஞ்சள், சிவப்பு
அதிர்ஷ்ட எண்கள்: 2, 6, 9
136 ரன்கள் வித்தியாசத்தில் ஆப்கானிஸ்தான் அபார வெற்றி..!

136 ரன்கள் வித்தியாசத்தில் ஆப்கானிஸ்தான் அபார வெற்றி..!

ஆப்கானிஸ்தான் அணிக்கு எதிரான 14 ஆவது ஆசியக் கிண்ணத் தொடரின் லீக் போட்டியில் பங்களாதேஷ் அணி ஆப்கானிஸ்தானின் புயலில் சிக்கி 119 ஒட்டங்களுக்குள் அனைத்து விக்கெட்டுக்களையும் பறிகொடுத்து 136 ஓட்டத்தினால் தோல்வியை தழுவியது.
நாணய சுழற்சியில் வெற்றியீட்டிய ஆப்கானிஸ்தான் முதலில் துடுப்பெடுத்தாட களமிறங்கி, நிர்ணயிக்கப்பட்ட 50 ஓவர்களுக்கு 7 விக்கெட்டுக்களை இழந்து 255 ஓட்டங்களை பெற்றுக்கொண்டது. 

ஆப்கான் அணி சார்பாக ஹஷ்மத்துல்லா ஷஹதி 58 ஓட்டத்தையும், ரஷித் கான் 57 ஓட்டத்தையும், குல்பாடின் நைய்பி 42 ஓட்டத்தையும் பெற்றுக் கொண்டனர்.

256 என்ற வெற்றியிலக்கை நோக்கி துடுப்பெடுத்தாட ஆரம்பித்த பங்களாதேஷ் அணி சார்பில் லிட்டான் தாஸும், ஹுசைன் ஷான்டோவும் துடுப்பெடுத்தாட களமிறங்கிய நிலையில் ஷான்டோ 7 ஓட்டத்துடனும் லிட்டான் தாஸ் 6 ஓட்டத்துடனும் அடுத்தடுத்து ஆட்டமிழக்க பங்களாதேஷ் அணி 4.5 ஓவர்களில் 17 ஓட்டங்களுக்குள் முதல் இரண்டு விக்கெட்டுக்களையும் பறிகொடுத்தது.

இவர்களின் வெளியேற்றத்தை தொடர்ந்து ஷகிப் அல் ஹசனும் மெமனுள் ஹாக்கும் ஜோடி சேர்ந்து ஆடி வர அணியின் ஓட்ட எண்ணிக்கை 39 ஆக அதிகரித்தபோது மெமனுள் ஹாக் 9 ஓட்டத்துடன் ஆட்டமிழக்க இவரையடுத்து களம்புகுந்த மெஹமட் மிதுன் 2 ஓட்டத்துடன் போல்ட் முறையில் ஆட்டமிழந்தார்.

இதனால் பங்களாதேஷ் அணி 14.1 ஓவரில் 43 ஓட்டங்களுக்குள் நான்கு விக்கெட்டுக்களை பறிகொடுத்தது. இதற்கடுத்தபடியாக களமிறங்கிய பங்களாதேஷ் அணி வீரர்களும் ஆப்கானிஸ்தான் சுழலில் சிக்கி அடுத்தடுத்து வெளியேறினர்.

அதன்படி ஷகிப் அல் ஹசன் 32 ஓட்டத்துடனும், மாமதுல்ல 27 ஓட்டத்துடனும் ஆட்டமிழக்க பங்களாதேஷ் அணி 90 ஓட்டங்களுக்கு 6 விக்கெட்டுக்களை இழந்தது.

மேலும் 32.5 ஆவது ஓவரில் அணி 100 ஓட்டங்களை பெற்றுக் கொள்ள ஹுசேன் 11 ஓட்டத்துடனும் மெய்டி ஹசான் 4 ஓட்டத்துடன் ஆட்டமிழக்காது துடுப்பெடுத்தாடி வந்தனர். இருந்தபோதும் 33.1 ஆவது ஓவரில் மெய்டி ஹசான் 4 ஓட்டத்துடன் ஆட்டமிழந்து வெளியேற அடுத்து களமிறங்கிய அணித் தலைவர் மொஷ்ரபி மோர்டாசாவும் எதுவித ஓட்டமுமின்றி ஆட்டமிழந்தார்.

இறுதியாக பங்களாதேஷ், ஆப்கானிஸ்தானின் பந்துகளை சமாளிக்க முடியாது திக்குமுக்காடி 42.1 ஒவரில் சகல விக்கெட்டுக்களையும் இழந்து 119 ஓட்டங்களை மாத்திரம் பெற்றுக் கொண்டது. இதனால் ஆப்கானிஸ்தான் அணி 136 ஒட்டத்தால் வெற்றி பெற்றது. 

பந்து வீச்சில் ஆப்கானிஸ்தான் சார்பில் ரஷித் கான், குல்பாடின் நைய்பி, முஜிபுர் ரஹ்மான் ஆகியோர் தலா இரண்டு விக்கெட்டுக்களையும் அத்தாப் ஆலம், ரஹ்மத் ஷா மற்றும் மெஹமட் நைய்பி ஆகியோர் தலா ஒரு விக்கெட்டினையும் வீழ்த்தினர்.

Thursday, September 20, 2018

CBK, first Sri Lankan to receive France’s Highest National Order

CBK, first Sri Lankan to receive France’s Highest National Order

Former President Chandrika Bandaranaike Kumaratunga became the first Sri Lankan to be awarded the Prestigious Medal of Commander in the National Order of the Legion of Honour, the highest rank of the National Order of France, the Government Information Department said.

French Ambassador in Sri Lanka Jean-Marin Schuh presented the Medal of “Commandeur de la Légion D'Honneur” on behalf of Emmanuel Macron, President of the French Republic, at a special function held at the Residence of the Ambassador of France.

She holds a Degree in Political Science from the prestigious Political Science Institute (Science Po) of the University of Paris and completed a Ph.D. Programme in Development Economics at the École Pratique des Hautes Études, University of Paris.

At present President Kumaratunga holds numerous Honorary positions including being a Member of Club de Madrid (the premier global forum of former democratic Presidents and Prime Ministers), a Member of the Global Leadership Foundation (led by former President of South Africa F. W. de Klerk) and is the Chairperson of the South Asian Policy and Research Institute and the Office for National Unity and Reconciliation in Sri Lanka.



Ministry mulls holding O/L, A/L exams in December

Ministry mulls holding O/L, A/L exams in December

The Education Ministry said discussions are underway to hold the G.C.E. Ordinary Level and Advanced Level Examinations in December and to release their results by the end of December before the start of the new school term.

Speaking to the media at the Ministry, Education Minister Akila Viraj Kariyawasam said after the end of the A/L examinations, the University entrance will commence and after the O/L examinations the A/L classes will begin in January.

“Preparations for changing the examination dates would be done after discussions with the Department of Examinations. The Ministry is planning to save the children’s waiting time for the examinations and to help the children to get their degrees and post graduate degrees at the age of 25 years. Due to the late issuance of exam results, Advanced Level students are not in a position to apply for foreign university programmes,” the minister said.

Thus, he had instructed the Examination Commissioner General to issue the results on fixed dates.

Earlier the Education Ministry had issued fixed dates for the release of Grade Five Scholarship Examination, the G.C.E. Ordinary Level Examination and the G.C.E Advance Level examination results each year.

Accordingly, the release dates of examination results are as follows: G.C.E. A/L on December 27, G.C.E. O/L on March 28 and Grade Five Scholarship exam on October 5.

கோட்டை தந்தால் மக்களின் கனிகளை விடுவோம் - யாழில் இராணுவ தளபதியின் சர்ச்சை

கோட்டை தந்தால் மக்களின் கனிகளை விடுவோம் - யாழில் இராணுவ தளபதியின் சர்ச்சை

யாழ்ப்பாண கோட்டையை இராணுவத்தினருக்கு கையளித்தால் யாழில் பல காணிகளை இராணுவம் மீள கையளிக்க தயாராக உள்ளது என யாழ்.மாவட்ட இராணுவ தளபதி தர்சன ஹெட்டியாராச்சி தெரிவித்துள்ளார்.

பலாலி இராணுவ தலைமையகத்தில் இன்று (வியாழக்கிழமை) நடைபெற்ற ஊடகவியலாளர் சந்திப்பின் போதே அதனை தெரிவித்தார்.

அவர் அங்கு மேலும் தெரிவிக்கையில், “யாழில் நிலை கொண்டுள்ள இராணுவத்தின் பல ஏக்கர் காணிகளை மீள அதன் உரிமையாளர்களிடம் கையளித்து வருகின்றோம். இன்னமும் கையளிக்கவுள்ளோம்.

யாழ் கோட்டை பகுதியை இராணுவத்தினருக்கு கையளித்தால் யாழில் உள்ள இராணுவத்தினர் அங்கு நிலை கொண்டு ஏனைய பகுதிகளை அதன் உரிமையாளர்களிடம் கையளிக்க தயாராக உள்ளோம்.

இதற்காக ஜனாதிபதி , பிரதமர், தொல்லியல் திணைக்களம் ஆகியோரிடம் கோரிக்கைகளை விடுத்துள்ளோம். அதற்கு சாதகமான பதில் வரும் என எதிர்பார்க்கிறோம்” என தெரிவித்தார்.
ஒருநாள் முதல்வர் போல ஒரு நாள் எதிர்க்கட்சி பதவியை கோரும் சங்கரி

ஒருநாள் முதல்வர் போல ஒரு நாள் எதிர்க்கட்சி பதவியை கோரும் சங்கரி

தமிழ் தேசிய கூட்டமைப்பின் தலைவர் இரா.சம்பந்தன் எவ்வித பதவிகளையும் வகிக்க தகுதியற்றவர் என தமிழர் விடுதலை கூட்டணியின் செயலாளர் நாயகம் ஆனந்தசங்கரி குற்றம் சுமத்தியுள்ளார்.
எனவே, அவர் வகிக்கும் பதவிகளை ஒரு நாள் மாத்திரம் தன்னிடம் ஒப்படைத்தால் அதனூடாக எவற்றை செய்ய முடியும் என்பதை நிரூபித்து காட்டுவதாகவும் அவர் கூறினார்.

கிளிநொச்சியில் இன்று (வியாழக்கிழமை) இடம்பெற்ற ஊடகவியலாளர் சந்திப்பிலேயே அவர் இது தொடர்பான சவாலை விடுத்தார்.

மேலும் கடந்த 2004 ஆம் ஆண்டு தேர்தலில் தமிழ் தேசிய கூட்டமைப்பு தமது விஞ்ஞாபனத்தில், “விடுதலை புலிகள் தான் தமிழ் மக்களின் ஏகபிரதிநிதிகள் அவர்களை தான் தமிழ் மக்கள் ஏற்றுக்கொண்டுள்ளதாக” தெரிவித்துள்ளனர்.

அவ்வாறு அன்று அந்த தேர்தலில் வெற்றி பெற்று 22 பேர் நாடாளுமன்றத்திக்கு சென்றனர். ஆனால் அவர்கள் துளியேனும் இனப்பிரச்சினை பற்றி பேசவில்லை எனவும் அவர் சுட்டிக்காட்டியிருந்தமை குறிப்பிடத்தக்கது.
யாழில் இரண்டு நாட்களுக்குள் அடக்குவோம்... அவா குழுவிற்கு இராணுவம் சவால்...!

யாழில் இரண்டு நாட்களுக்குள் அடக்குவோம்... அவா குழுவிற்கு இராணுவம் சவால்...!

நாட்டின் சட்டம் ஒழுங்கை மதித்தே பொறுமையாக இருக்கின்றோம். 

இல்லையேல் ஆவா குழுவை இரண்டு நாட்களுக்குள் அடக்குவோம் என யாழ். மாவட்ட இராணுவ தளபதி மேஜர் ஜெனரல் தர்சன ஹெட்டியாராச்சி தெரிவித்துள்ளார்.

பலாலி இராணுவ தலைமையகத்தில் இன்று (வியாழக்கிழமை) நடைபெற்ற ஊடகவியலாளர் சந்திப்பின்பொன்றின் போதே இவ்வாறு தெரிவித்தார்.

அங்கு தொடர்ந்து தெரிவித்த அவர், ”நாட்டில் தற்போது சட்டம் ஒழுங்கு என்பன பொலிஸாரிடம் உள்ளன. அதனால் அவற்றில் நாம் தலையிடுவதில்லை. யாழில் உள்ள ஆவா குழு போன்ற கோஷ்டிகளை அடக்குவது எமக்கு பெரிய சவால் இல்லை இரண்டு நாட்களுக்குள் அடக்கி விடுவோம்.

பொலிஸாரினால் அவர்களை அடக்க முடியாது என இராணுவத்தின் உதவியை நாடினால் உதவ நாம் தயாராக உள்ளோம்.

தற்போதைய சூழ்நிலையில் வன்முறையில் ஈடுபடும் இளைஞர்களை இராணுவத்தினர் கைது செய்து பொலிஸாரிடம் ஒப்படைத்தால், இராணுவம் தமிழ் இளைஞர்களை கைது செய்கிறார்கள் என இராணுவத்தின் மீது குற்றச்சாட்டுக்களை முன்வைப்பார்கள். அதனால் பொறுமையாக இருக்கின்றோம்.

அதற்காக தொடர்ந்து இவ்வாறான வன்முறை சம்பவங்களை நாம் பொறுமையாக பார்த்துக்கொண்டிருக்க முடியாது.

ஜனாதிபதியிடம் யாழில் நடக்கும் வன்முறைகளை கட்டுக்குள் கொண்டுவர இராணுவத்தினருக்கு அனுமதியளிக்க வேண்டும் என, அதற்கான அனுமதிக்காக காத்திருக்கிறோம்” எனக் குறிப்பிட்டார்.
இலங்கை அணி ரசிகர்களுக்கு மஹேலவின் வேண்டுகோள் !

இலங்கை அணி ரசிகர்களுக்கு மஹேலவின் வேண்டுகோள் !

இலங்கை அணியை சிக்கலில் இருந்து ரசிகர்களாகிய நாம் முன்னோக்கிக்கொண்டு செல்வதற்கு தேவையான தீர்வுகளை ஆராய வேண்டுமென இலங்கை கிரிக்கெட் அணியின் முன்னாள் தலைவரும் நட்சத்திர வீரருமான மஹேல ஜெயவர்தன டுவிட்டரில் பதிவிட்டுள்ளார். 
இடம்பெற்றுவரும் ஆசியக் கிண்ணத் தொடர்ரில் இலங்கை அணி பங்களாதேஷ் அணியிடமும் ஆப்கானிஸ்தான் அணியிடமும் படு மோசமாக தோல்வியடைந்தது.

இந்நிலையில் இலங்கை அணி மீதும் வீரர்கள் மீதும் ரசிகர்கள் சமூகவலைத்தளங்களில் மிக மோசமாக விமர்சனங்களை வெளியிட்டு வருகின்றனர்.

இந்நிலையில் இலங்கை அணியின் முன்னாள் தலைவரும் நட்சத்திரவீரருமான மஹேல ஜெயவர்தன தனது டுவிட்டர் பக்கத்தில் மேற்கண்டவாறு பதிவிட்டுள்ளார்.

இதுதொடர்பில் மஹேலவின் டுவிட்டரில் மேலும் குறிப்பிடப்பட்டுள்ளதாவது,

“இலங்கை அணி ரசிகர்களின் ஏமாற்றத்தை நான் புரிந்துகொள்கின்றேன். அந்த ஏமாற்றமடைந்த ரசிகர்களுள் நானும் ஒருவன். 

சமூகவலைத்தளங்களில் இலங்கை கிரிக்கெட் அணிக்கெதிராக வெளிவரும் பல விமர்சனங்களை காணக்கூடியதாகவுள்ளது.



உண்மையில் வீரர்கள் வெறுக்கத்தக்கவிதமாகவே விளையாடினார்கள். ஆனாலும் இது விளையாட்டு என்பதால் அவர்கள் மீது தனிப்பட்ட விமர்சனங்களை வைக்க முடியாது.

இதேவேளை, இலங்கை அணியை இவ்வாறான சிக்கலில் இருந்து நாம் முன்நோக்கி கொண்டு செல்வதற்கு தேவையான தீர்வுகளை ஆராய்ந்து வீரர்கள் வெற்றிக்காக கடினமாக உழைக்க ஊக்கப்படுத்த வேண்டும்.” என டுவிட்டரில் பதிவிட்டுள்ளார்.
கொழும்பு - கட்டுநாயக்க அதிவேக வீதிக்கு தற்காலிக பூட்டு

கொழும்பு - கட்டுநாயக்க அதிவேக வீதிக்கு தற்காலிக பூட்டு

கொழும்பு - கட்டுநாயக்க அதிவே நெடுஞ்சாலையில் ஒருபகுதி தற்காலிகாமாக மூடப்படவுள்ளதாக பொலிஸார் தெரிவித்தனர்.

புதிய களனிப் பால திருத்தப்பணிகள் காரணமாகவே குறித்த கொழும்பு - கட்டுநாயக்க அதிவேக நெடுஞ்சாலையின் ஒரு பகுதி இன்றிலிருந்து எதிர்வரும் ஒக்டோபர் மாதம் 4 ஆம் திகதி வரை மூடப்படவுள்ளதாக பொலிஸார் மேலும் தெரிவித்தனர்.

இதன் காரணமாக சாரதிகளும் குறித்த வீதியைப் பயன்படுத்துவோரும் மாற்று வீதியை பயன்படுத்துமாறு பொலிஸார் வேண்டுகோள் விடுத்துள்ளனர்.
பணத்திற்காக பிக்பாஸில் போலி VOTE – புதிய சர்ச்சை

பணத்திற்காக பிக்பாஸில் போலி VOTE – புதிய சர்ச்சை

பிக்பாஸ் நிகழ்ச்சி தொடர்ந்து பல்வேறு சர்ச்சைகளில் சிக்கி வருகிறது. அதில் தற்போது தெலுங்கு பிக்பாஸ் நடத்தும் வாக்கெடுப்பில் நடந்துள்ள மோசடி பற்றி புதிய சர்ச்சை வெடித்துள்ளது.

இந்த நிகழ்ச்சியில் பங்கேற்றுள்ள தீப்தி என்ற போட்டியாளருக்கு ஆதரவாக போலியான வாக்குகள் பதிவிட Ram IT soultions என்ற நிறுவனம் பணம் பெற்றுக்கொண்டு செயல்பட்டதாக சர்ச்சை எழுந்துள்ளது.

அதனால் தீப்தியை ரெட் கார்டு காட்டி வெளியேற்றவேண்டும் என ரசிகர்கள் ட்விட்டரில் பிரச்னை செய்து வருகின்றனர்.

இருப்பினும் அந்த நிறுவனம் தொடர்ந்து அந்த குற்றச்சாட்டுகளை மறுத்து வருகிறது.
சீனி விலையை அதிகரிக்க இடமளிக்கப் போவதில்லை

சீனி விலையை அதிகரிக்க இடமளிக்கப் போவதில்லை

சீனி மீதான வரிகள் காரணமாக அதன் சில்லறை விலையை அதிகரிப்பதற்கு சிலர் எதிர்பார்த்திருந்தார்கள். 

ஆனால் உலக சந்தையில் கூடுதலான சீனி உற்பத்தி செய்யப்பட்டதைத் தொடர்ந்து அதன் விலையில் வீழ்ச்சி தென்படுவதாக நிதி மற்றும் ஊடக அமைச்சு அறிவித்துள்ளது. 

இந்தியா, தாய்லாந்து, பிரேசில் முதலான நாடுகளில் பெருமளவு கரும்பு அறுவடை செய்யப்பட்டது. இதன் காரணமாக இலங்கை இறக்குமதி செய்யும் சீனிக்கான செலவினம் கிலோ ஒன்றுக்கு 75 ரூபாவிலிருந்து 55 ரூபா வரை குறைந்துள்ளது. 

இந்த விலை வீழ்ச்சி உள்ளூர் சீனி உற்பத்தியாளர்களுக்கு பாதகமான நிலையை ஏற்படுத்தக்கூடும் என்பதால், சீனிக்காக விதிக்கப்பட்டிருந்த 31 ரூபா விசேட வர்த்தகப் பண்ட வரியை நீக்கி, இறக்குமதி செய்யப்படும் சீனியை பொதுவான வரிக் கட்டமைப்பிற்குள் கொண்டுவர நடவடிக்கை எடுக்கப்பட்டுள்ளது. 

இதன் பிரகாரம் நேற்று தொடக்கம் அமுலாகும் வகையில், இறக்குமதி வரி, துறைமுக கட்டணங்கள், தேசத்தைக் கட்டியெழுப்பும் வரி போன்றவையைச் சேர்த்து ஒரு கிலோ சீனிக்கு 42 ரூபா வரையான வரி அறவிடப்படும். 

அரசாங்க தகவல் திணைக்களம்
வெப்பம், காலநிலை மாற்றத்தால் இலங்கைக்கு பெரும் அச்சுறுத்தல் - உலக வங்கி புதிய அறிக்கை

வெப்பம், காலநிலை மாற்றத்தால் இலங்கைக்கு பெரும் அச்சுறுத்தல் - உலக வங்கி புதிய அறிக்கை

அதிகரித்துவரும் வெப்பநிலையும் மாற்றமடைந்துவரும் மழைவீழ்ச்சி காலங்களும் இலங்கைக்கு அச்சுறுத்தலாக அமைந்துள்ளதுடன், அதன் மொத்த உள்நாட்டு உற்பத்தியையும் வாழ்க்கைத் தரத்தையும் குறைத்துவிடக்கூடும் என உலக வங்கியின் புதிய அறிக்கையொன்றில் தெரிவிக்கப்பட்டுள்ளது.
தெற்காசியாவில் அபாய வலயங்கள் தொடர்பாக உலக வங்கி விடுத்த அறிக்கையிலேயே மேற்கண்டவாறு குறிப்பிட்டுள்ளது. அந்த அறிக்கையில் மேலும் தெரிவிக்கப்பட்டுள்ளதாவது,

வெப்பநிலை மற்றும் மழைவீழ்ச்சி மாற்றங்கள் வாழ்க்கைத் தரத்தில் ஏற்படுத்தும் தாக்கம், தெற்காசியாவின் சனத்தொகையில் ஏறத்தாழ அரைவாசி அளவிலானோர் அபாய வலயங்கள் எனப்படும் மிகவும் பாதிக்கப்படக்கூடிய பகுதிகளிலே வாழ்ந்துவருகின்றனர்.

இப் பகுதிகளில் பயிர்விளைச்சல் குறைவடைதல், குறைவடையும் தொழிலாளர் உற்பத்தி வினைத்திறன் அல்லது தொடர்புடைய சுகாதார தாக்கங்கள் ஆகியன காரணமாக அங்குவாழும் மக்களின் வாழ்க்கைத்தரம் வீழ்ச்சியடையக்கூடும், மோசமான இணைப்புக்களைக் கொண்டிருத்தல் மற்றும் நீர் பற்றாக்குறை பிரச்சனைகளுக்கு முகங்கொடுத்திருப்பதனால் இந்த அபாயவலயங்களில் உள்ள மக்கள் சில ஏற்கனவே பாதிக்கப்பட்டுள்ளனர்.

அத்துடன் இலங்கையை பொறுத்தவரையில், 2050 ஆம் ஆண்டளவில் இலங்கையின் வடக்கு மற்றும் வடமேற்கு மாகாணங்களில் அதிகரித்த சராசரி வெப்பநிலையையும் அதிகமான மழைவீழ்ச்சி மாற்றத்தையும் அனுபவிக்கக்கூடிய அதிகமான சாத்தியக்கூறுகளை எதிர்நோக்கியிருப்பதாக சுட்டிக்காட்டப்பட்டுள்ளது.

இதேவேளை 2015 ஆம் ஆண்டு பரிஸ் உடன்படிக்கையில் பரிந்துரைக்கப்பட்டதற்கு அமைவாக காபன் வெளியேற்றத்தை குறைப்பதற்கான நடவடிக்கைகள் எடுக்கப்படினும் இலங்கையின் சராசரி வருடாந்த வெப்பநிலையானது 2050 ஆம் ஆண்டளவில் 1.0°C பாகை செல்சியஸ் முதற்கொண்டு 1.5°C செல்சியஸ் வரையில் அதிகரிக்கக்கூடும் என பகுப்பாய்வுகளில் இருந்து தீர்மானத்திற்கு வரமுடிந்துள்ளது. எந்தவொரு நடவடிக்கையும் எடுக்கப்படாவிடின் இலங்கையின் சராசரி வெப்பநிலை 2.0°Cபாகை செல்சியஸ் வரை அதிகரிக்கும் சாத்தியமுள்ளது.

அத்துடன் காலநிலை மாற்றங்கள் குறைவான தனி நபர் வருமானத்திற்கு வழிகோலுவதுடன் அது தெற்காசியா முழுவதிலும் வறுமை மற்றும் சமத்துவமின்மையை அதிகரிக்கும் எனவும் சுட்டிக்காட்டியுள்ளது.
நீங்க பாத்தீங்களா? அவெஞ்சர்ஸை மீட்க வரும் கேப்டன் மார்வெல் தமிழ் Trailer!

நீங்க பாத்தீங்களா? அவெஞ்சர்ஸை மீட்க வரும் கேப்டன் மார்வெல் தமிழ் Trailer!

கேப்டன் மார்வெல் படத்தின் டீசர் தமிழ், தெலுங்கு, ஹிந்தி மற்றும் ஆங்கில மொழிகளில் வெளியாகி உலகம் முழுக்க வைரலாகி வருகிறது....! 

மார்வெல் காமிக்சின் மிக முக்கிய பெண் கதாபாத்திரம் கேப்டன் மார்வெல். அவெஞ்சர்ஸ் இன்பினிட்டி வாரில் மாயமான சூப்பர் ஹீரோக்களை மீட்டெடுக்க வருவது இவர்தான். ஏற்கனவே Marvel Studios தயாரிப்பில் இறுதியாக வெளியான Ant man and the wasp திரைப்படத்தின் க்ளைமேக்சில் காணாமல் போன அவெஞ்சர்ஸ் வீரர்கள் உயிரோடு தான் இருக்கிறார்கள், ஆனால் எங்கு இருக்கிறார்கள் என்பதை கண்டுபிடிக்க வேண்டும் என்பதைப் போன்ற க்ளூ கொடுத்திருந்தார்கள். 

இதையடுத்து தற்போது கேப்டன் மார்வெல் அடுத்த வருடம் மார்ச் மாதம் வெளியாக உள்ளது. இதற்கு அடுத்த மாதம் அவெஞ்சர்ஸ் இன்பினிட்டி வாரின் இறுதி பாகம் வெளியாகவுள்ளது. எனவே கண்டிப்பாக அவெஞ்சர்ஸை எப்படி மீட்கப் போகிறார்கள் என்பது குறித்து இந்த படத்தில் காட்டுவார்கள் என ரசிகர்கள் ஆவலுடன் எதிர்பார்த்துக் கொண்டிருக்கின்றனர். 

இந்நிலையில் நேற்று கேப்டன் மார்வெல் படத்தின் டீசர் தமிழ்,தெலுங்கு,ஹிந்தி மற்றும் ஆங்கில மொழிகளில் வெளியாகி உலகம் முழுக்க வைரலாகி வருகிறது. இதோ தமிழ் டீசர் கீழே இணைக்கப்பட்டுள்ளது..!




8 விக்கெட் வித்தியாசத்தில் பாகிஸ்தானை பறக்கவிட்ட இந்தியா..!

8 விக்கெட் வித்தியாசத்தில் பாகிஸ்தானை பறக்கவிட்ட இந்தியா..!

ஆசிய கோப்பை குரூப் போட்டியில் பாகிஸ்தானுக்கு எதிரான ஆட்டத்தில் 8 விக்கெட்டுக்கள் வித்தியாசத்தில் இந்திய அணி மிக எளிதாக வெற்றி பெற்றது...!

ஆசிய கோப்பை கிரிக்கெட் தொடரில் அனைத்து ரசிகர்களும் எதிர்பார்த்த இந்தியா – பாகிஸ்தான் இடையிலான குரூப் பிரிவு ஆட்டம் நேற்று மாலை 5 மணிக்கு தொடங்கியது. டாஸ் வென்ற பாகிஸ்தான் அணி முதலில் பேட்டிங்கைத் தேர்வு செய்தது. இந்திய அணியில் ஷர்துல் தாகூர், கலீல் அகமது நீக்கப்பட்டு ஹர்திக் பாண்டியா, பும்ரா சேர்க்கப்பட்டனர்.

துவக்க வீரர்களான இமாம் உல்-ஹக், பஹார் ஜமானை ஆகியோரை உடனடியாக வெளியேற்றி புவனேஷ்வர் குமார் பாகிஸ்தானுக்கு அதிர்ச்சி வைத்தியம் அளித்தார். அதைத்தொடர்ந்து களமிறங்கிய பாபர் அசாம், சோயிப் மாலிக்கும் இந்தியாவின் பந்துவீச்சுக்கு போட்டியாக ரன் கணக்கை தொடங்கினர். 4 வது ஓவரில் தொடங்கிய இவர்களுடைய கூட்டணி 21.2வது ஓவர் வரையில் நீடித்தது. இடைப்பட்ட ஓவர்களில் பாகிஸ்தானுக்கு நேர்த்தியான ரன் கணக்கை இருவரும் சேர்த்தனர். கூட்டணி வலுப்பெற்ற நிலையில் பாபர் அசாமை 47(62) ரன்களில் குல்தீப் யாதவ் வெளியேற்றினார்.

இதற்கிடையே பந்து வீசும்போது முதுகு பகுதியில் ஏற்பட்ட வலி காரணமாக ஹர்திக் பாண்டியா கீழே விழுந்தார். பின்னர் அவர் ஸ்ட்ரெச்சரில் தூக்கிச் செல்லப்பட்டார்.

பாகிஸ்தானின் நட்சத்திர ஆட்டக்காரர் சோயிப் மாலிக் 43(67) ரன்களில் ரன் அவுட் ஆனார். இதனையடுத்து பாகிஸ்தானின் விக்கெட்டுகளை கேதர் ஜாதவ் வரிசையாக வெளியேற்றினார். அப்போது பாகிஸ்தான் அணி 33.4 வது ஓவரில் 7 விக்கெட்டுகளை இழந்து 126 ரன்கள் எடுத்து திணறியது.

தனையடுத்து மோசமான நிலையை மேம்படுத்த பாகிஸ்தானின் பிற்பாதி ஆட்டக்காரர்கள் முயற்சி செய்தார்கள். இந்தியாவின் அபாரமான பந்துவீச்சுக்கு இடையே மெதுவாக ரன் சேர்த்து 150 ரன்களை கடந்தனர்.

இறுதியில் பாகிஸ்தான் அணி அடுத்தடுத்த விக்கெட்டுகளை பறிகொடுத்த நிலையில், 43.1 ஓவர்களில் அனைத்து விக்கெட்டுகளையும் இழந்து 162 ரன்களில் சுருண்டது. 

அதிகபட்சமாக அந்த அணியில் பாபர் ஆசம் 47 மற்றும் சோயப் மாலிக் 43 ரன்கள் அடித்தனர். இந்திய அணி தரப்பில் புவனேஷ்குமார் மற்றும் கேதர் ஜாதவ் சிறப்பாக பந்து வீசி தலா 3 விக்கெட்டுக்களை கைப்பற்றினர். பும்ரா 2 விகெகெட்டுக்களையும், குல்தீப் யாதவ் ஒரு விக்கெட்டையும் கைப்பற்றினர்.

இதைத்தொடர்ந்து, 163 ரன்கள் எடுத்தால் வெற்றி என்ற எளிய இலக்குடன் இந்தியா களமிறங்கியது. ரோகித் சர்மா, தவான் தொடக்க ஆட்டக்காரர்களாக விளையாடினர். இருவருமே நல்ல தொடக்கம் கொடுத்தனர். 13.1 ஓவரில் ரோகித் சர்மா 52 ரன்களில் ஆட்டமிழந்தார். அதனை அடுத்து தவான் 46 ரன்கள் எடுத்த நிலையில் பஹீம் பந்தில் கேட்ச் கொடுத்து வெளியேறினார்.

இதனை அடுத்து களமிறங்கிய ராயுடு, தினேஷ் கார்த்திக் ஜோடி மேற்கொண்டு விக்கெட்டுக்களை இழக்காமல் ரன்களை சேர்த்தது. இவர்கள் இருவரின் நிதானமான ஆட்டத்தினால் இந்திய அணி வெற்றியை நோக்கி முன்னேறியது.

இதனால், இந்திய அணி 29 ஓவர்களில் 2 விக்கெட்டுக்களை மட்டுமே இழந்து 164 ரன்களை குவித்து வெற்றி பெற்றது.ராயுடு 31 ரன்களுடனும் தினேஷ் கார்த்திக் 31 ரன்களுடனும் கடைசி வரை ஆட்டமிழக்காமல் களத்தில் இருந்தனர். பாகிஸ்தான் அணி தரப்பில் அஷ்ரப் மற்றும் சதாப் கான் ஆகியோர் தலா ஒரு விக்கெட்டை கைப்பற்றினர்.

இதற்கு முன்பு இந்தியா - பாகிஸ்தான் அணிகள் மோதியதில், கடந்த 2017 ஆம் ஆண்டு சாம்பியன்ஸ் கோப்பை இறுதி போட்டியில் 180 ரன்கள் வித்தியாசத்தில் பாகிஸ்தான் வென்றது குறிப்பிடத்தக்கது...!
வியாழக்கிழமையான இன்றைய உங்கள் நாள் எப்படி இருக்கும் (20-09-2018)

வியாழக்கிழமையான இன்றைய உங்கள் நாள் எப்படி இருக்கும் (20-09-2018)

வியாழக்கிழமையான இன்றைய உங்கள் நாள் எப்படி இருக்கும் என தெரிந்துக்கொள்ள


















மேஷம்:
இன்று குடும்பத்தில் இருந்த குழப்பம் நீங்கி அமைதி உண்டாகும். கணவன், மனைவிக்கிடையே மகிழ்ச்சி காணப்படும். பிள்ளைகள் நலனில் கூடுதல் கவனம் செலுத்துவீர்கள். வாகனங்கள், சொத்துக்கள் வாங்க ஆர்வம் காட்டுவீர்கள். 
அதிர்ஷ்ட நிறம்: சிவப்பு, அடர் நீலம்
அதிர்ஷ்ட எண்: 2, 3

ரிஷபம்:
இன்று மற்றவர்களால் இருந்து வந்த பிரச்சனைகள் குறையும். குடும்பத்தில் மதிப்பும், மரியாதையும் அதிகரிக்கும். பணவரத்து திருப்தி தரும். மாணவர்களுக்கு கல்வியில் இருந்த போட்டிகள் நீங்கும். பாடங்கள் படிப்பதில் முழுகவனம் செலுத்துவீர்கள். 
அதிர்ஷ்ட நிறம்: வெளிர் மஞ்சள்
அதிர்ஷ்ட எண்கள்: 3, 9

மிதுனம்:
இன்று மன அமைதி கிடைக்கும். காரிய அனுகூலம் உண்டாகும். துன்பங்கள் வந்தாலும் அதனை மனதுக்குள் மறைத்து வெளியில் மகிழ்ச்சியைக் காண்பிப்பீர்கள். தெய்வபக்தி அதிகரிக்கும். 
அதிர்ஷ்ட நிறம்: பச்சை, மஞ்சள், நீலம்
அதிர்ஷ்ட எண்கள்: 2, 5, 7

கடகம்:
இன்று பயணங்கள் மகிழ்ச்சி தரும். மனதில் சுய நம்பிக்கை அதிகரிக்கும். கவனமாக பேசுவது நல்லது. வீண்பழி உண்டாகலாம். குடும்பத்தில் வேலையில் மாற்றம் உண்டாகலாம். மருத்துவ செலவு உண்டாகலாம். 
அதிர்ஷ்ட நிறம்: வெள்ளை, இளஞ்சிவப்பு, நீலம்
அதிர்ஷ்ட எண்கள்: 3, 6, 9

சிம்மம்:
இன்று தொழில் வியாபாரத்தில் எதிர்பாராத சிக்கலை சந்திக்க வேண்டி இருக்கலாம். ஆர்டர்கள் மற்றும் பொருட்கள் சப்ளை செய்வதில் கவனம் தேவை. பணவரத்து தாமதப்படலாம். 
அதிர்ஷ்ட நிறம்: மஞ்சள், நீலம், வெள்ளை
அதிர்ஷ்ட எண்கள்: 2, 6, 9

கன்னி:
இன்று உத்தியோகத்தில் இருப்பவர்கள் கூடுதல் பணி சுமையை ஏற்க வேண்டி இருக்கும். குடும்பத்தில் இருப்பவர்களால் ஏதாவது மனம் நோகும்படியான நிலை உருவாகலாம். 
அதிர்ஷ்ட நிறம்: மஞ்சள், பச்சை, வெள்ளை
அதிர்ஷ்ட எண்கள்: 5, 9

துலாம்:
இன்று கணவன், மனைவி ஒருவரை ஒருவர் மனம் விட்டு பேசி எடுக்கும் முடிவுகள் நன்மை தரும். பிள்ளைகளின் கல்வியில் கவனம் தேவை. தன்னம்பிக்கை அதிகரிக்கும். பயணங்கள் மூலம் காரிய அனுகூலம் உண்டாகும். எச்சரிக்கையாக பேசுவது நல்லது. 
அதிர்ஷ்ட நிறம்: பச்சை, ஊதா
அதிர்ஷ்ட எண்கள்: 1, 4, 6

விருச்சிகம்:
இன்று மாணவர்களுக்கு கல்விக்காக செலவு உண்டாகும். கல்வியில் வெற்றி பெறுவோம் என்ற நம்பிக்கை அதிகரிக்கும். காரிய தடைகள் நீங்கும். எதிர்பார்த்த வெற்றி கிடைக்கும். காரிய தடை ஏற்படலாம். 
அதிர்ஷ்ட நிறம்: மஞ்சள், சிவப்பு
அதிர்ஷ்ட எண்கள்: 1, 6, 9

தனுசு:
இன்று மனதில் ஏதாவது குழப்பம் ஏற்பட்டு நீங்கும். சாமர்த்தியமான பேச்சு கை கொடுக்கும். பணவரத்து திருப்தியாக இருக்கும். வீண் பிரச்சனைகள் நீங்கும். மரியாதை அந்தஸ்து உயரும். வெளிநாட்டு பயணங்கள் கைகூடும்.
அதிர்ஷ்ட நிறம்: நீலம், சிவப்பு
அதிர்ஷ்ட எண்கள்: 3, 5, 7

மகரம்:
இன்று தொழில் வியாபார சிக்கல்கள் நீங்கி நன்கு நடைபெறும். கூடுதல் லாபம் கிடைக்க பெறுவீர்கள். தொழில் வியாபாரம் விரிவாக்கம் செய்ய முயற்சி மேற்கொள்வீர்கள். உத்தியோகத்தில் இருப்பவர்களுக்கு பதவி உயர்வு கிடைக்கும். 
அதிர்ஷ்ட நிறம்: மஞ்சள், சிவப்பு
அதிர்ஷ்ட எண்கள்: 2, 6, 9

கும்பம்:
இன்று புதிய பதவி கூடுதல் பொறுப்புகள் கிடைக்கலாம். குடும்பத்தில் மகிழ்ச்சி காணப்படும். உறவினர், நண்பர்கள் மத்தியில் மதிப்பு உயரும். வீட்டிற்கு தேவையான பொருட்கள் வாங்கி மகிழ்வீர்கள். 
அதிர்ஷ்ட நிறம்: நீலம், இளஞ்சிவப்பு
அதிர்ஷ்ட எண்கள்: 2, 5

மீனம்:
இன்று கணவன், மனைவிக்கிடையே நெருக்கம் அதிகரிக்கும். பிள்ளைகள் மூலம் சந்தோஷம் உண்டாகும். திறமையான பேச்சின் மூலம் சாதகமான பலன் கிடைக்கும். காரிய தடைகள் நீங்கும்.
அதிர்ஷ்ட நிறம்: மஞ்சள், நீலம்
அதிர்ஷ்ட எண்கள்: 1, 3, 9