Saturday, October 20, 2018

15 வயதான மாணவிக்கு காதலனால் பிறந்த நாளில் காத்திருந்த அதிர்ச்சி !

15 வயதான மாணவிக்கு காதலனால் பிறந்த நாளில் காத்திருந்த அதிர்ச்சி !

பிறந்த நாளில் பாடசாலை மாணவி ஒருவரை துஷ்பிரயோகம் செய்த மாணவனை பொலிஸார் தேடி வருகின்றனர்.

காதல் தொடர்பில் இருந்த மாணவியே இவ்வாறு துஷ்பிரயோகத்திற்கு உட்படுத்தப்பட்டுள்ளதாக தம்பல்ல பொலிஸார் தெரிவித்துள்ளனர்.

15 வயதான மாணவியின் பிறந்த நாள் அன்று, அவரை கதிர்காமத்தில் உள்ள தனியார் விடுதிக்கு அழைத்து சென்ற மாணவன் அவரை துஷ்பிரயோகம் செய்துள்ளார்.

துஷ்பிரயோகத்திற்கு உள்ளான மாணவி பிறந்த நாள் அன்று பாடசாலைக்கு செல்வதாக வீட்டில் இருந்து சென்றுள்ளார். எனினும் அவர் பாடசாலைக்கு செல்லாமல் காதலனுடன் கதிர்காமத்திற்கு சென்றுள்ளார்.

காதலியை குறித்த மாணவன் கதிர்காமம் பிரதேசத்தில் உள்ள விடுதிக்கு அழைத்து சென்று அவரை துஷ்பிரயோகம் செய்துவிட்டு வீட்டிற்கு அனுப்பி வைத்துள்ளார்.

எனினும் சம்பவம் தொடர்பில் மாணவி தனது தாயாரிடம் தெரிவித்துள்ளார். இது குறித்து தாய் தம்பகல்ல பொலிஸ் நிலையத்தில் முறைப்பாடு செய்துள்ளார்.

இந்த குற்றச் செயலில் ஈடுபட்ட இளைஞனை கைது செய்வதற்கு பொலிஸார் விசாரணைகளை ஆரம்பித்துள்ளனர்.
பெண்ணை நம்பி வந்த வெளிநாட்டு நபருக்கு இறுதியில் நடந்தது என்ன - பெண் செய்த கொடுமை...! யாழில் சம்பவம்!

பெண்ணை நம்பி வந்த வெளிநாட்டு நபருக்கு இறுதியில் நடந்தது என்ன - பெண் செய்த கொடுமை...! யாழில் சம்பவம்!

வெளிநாட்டில் இருந்து இலங்கைக்கு வந்த நபரை ஏமாற்றி, அவரிடம் இருந்து நகைகள் மற்றும் பணத்தை கொள்ளையடித்த பெண்ணை ஒரு இலட்சம் ரூபாய் பெறுமதியான இரண்டு சரீரப் பிணையில் செல்ல அனுமதி வழங்கப்பட்டுள்ளது.

குறித்த உத்தரவை பருத்தித்துறை நீதிவான் நளினி சுபாகரன் நேற்று முன்தினம் பிறப்பித்துள்ளார். மேலும் இந்த வழக்கை 29 ஆம் திகதிக்கு ஒத்திவைத்தார்.

இது தொடர்பில் தெரியவருவதாவது,

வெளிநாட்டில் இருந்து இலங்கைக்கு வந்திருந்த மருதங்கேணி தாளையடி பகுதியைச் சேர்ந்த ஒருவருக்கு குறித்த பெண் தொலைபேசி மூலம் அறிமுகமாகியுள்ளார்.

அவரை சந்திக்க வேண்டும் எனக்கூறி கொடிகாமத்திற்கு வரவழைத்துள்ளார். கொடிகாமம் வந்த அவரிடம் “உங்களுக்காக காத்திருந்து விட்டு இப்போது தான் கிளிநொச்சிக்கு வந்தேன், அங்கு வருமாறு” கூறியுள்ளார்.

அந்த பெண் கூறிய இடத்திற்கு குறித்த நபர் வந்துள்ளார். இதன் போது இரண்டு ஆண்கள் மூலம் குறித்த நபரை யாரும் இல்லாத இடத்தில் வைத்து அச்சுறுத்தி நகை மற்றும் பணம் என்பவற்றை அப்பெண் அபகரித்துச் சென்றுள்ளார்.

குறித்த பெண்ணை நம்பி வந்த வெளிநாட்டு நபர், எல்லாவற்றையும் இழந்த நிலையில் கடைசியில் நெல்லியடி பொலிஸ் நிலையத்தில் முறைப்பாடு செய்து இருந்தார்.

முறைப்பாட்டின் அடிப்படையில் குறித்த தொலைபேசி இலக்கத்தின் மூலம் விசாரணைகளை ஆரம்பித்த நெல்லியடி பொலிஸார் வரணி வடக்கு பகுதியைச் சேர்ந்த பெண்ணையும் அவருடன் சேர்த்து மேலும் ஒருவரையும் புதன் கிழமை கைது செய்திருந்தனர்.

இவர்களை வியாழக்கிழமை பருத்தித்துறை நீதிமன்றில் முற்படுத்திய போது வழக்கை விசாரித்த நீதிவான் பெண்ணை பிணையில் செல்ல அனுமதி வழங்கினார்.

இந்த கூட்டுக் கொள்கைக்கு உடன்பட்ட வரணி வடக்கு பகுதியைச் சேர்ந்த மற்றைய நபரை விளக்கமறியலில் வைக்க உத்தரவிடப்பட்டது.

அத்துடன் குறித்த பெண்ணின் கணவனையும் கைது செய்ய நெல்லியடி பொலிஸாருக்கு நீதிவான் கட்டளையிட்டார்.
மே.தீவுகள் அணிக்கெதிரான முதல் ஒருநாள் போட்டிக்கான இந்தியா அணி அறிவிப்பு

மே.தீவுகள் அணிக்கெதிரான முதல் ஒருநாள் போட்டிக்கான இந்தியா அணி அறிவிப்பு

மேற்கிந்திய தீவுகள் அணிக்கு எதிரான முதல் ஒருநாள் போட்டிக்கான இந்தியா அணி அறிவிக்கப்பட்டுள்ளது.

12 பேர் கொண்ட இந்திய அணியில், முதல் ஒருநாள் போட்டியில் ரிஷப் பந்த் அறிமுக வீரராக களமிறங்குகிறார்.

அண்மையில், டெஸ்ட் போட்டியில் அறிமுகமான ரிஷப் பந்த் இங்கிலாந்துடனான கடைசி டெஸ்டில் சதம், மேற்கிந்திய தீவுகள் அணியுடனான டெஸ்ட் போட்டியில் இரண்டு முறை 90 ஓட்டங்களுக்கு மேல் குவித்து தேர்வாளர்களின் கவனத்தை ஈர்த்தார். இதன்மூலம், மேற்கிந்திய தீவுகளுக்கு எதிரான முதல் 2 ஒருநாள் போட்டிகளுக்கான 14 பேர் கொண்ட இந்திய அணியில் அவர் இடம்பிடித்தார்.

தற்போது, இந்தியக் கிரிக்கெட் சபை, அறிவித்துள்ள 12 பேர் கொண்ட அணியிலும் அவர் இடம்பிடித்துள்ளார். இதில், நிச்சயம் பந்துவீச்சாளர் யாரேனும் ஒருவரே நீக்கப்பட இருப்பதால் ரிஷப் பந்த் முதல் ஒருநாள் போட்டியில் களமிறங்கவுள்ளார்.

எனினும், டோனி தான் விக்கெட் காப்பாளர் பணியை தொடருவார் என குறிப்பிடப்பட்டுள்ளது. துடுப்பாட்ட வரிசையில் முதல் 4 துடுப்பாட்ட வீரர்களுக்கான இடத்துக்கு ரோஹித், தவான், கோஹ்லி, ராயுடு ஆகியோர் இருக்கின்றனர். அதனால் இவர் 5ஆவது வீரராக களமிறங்க வாய்ப்புள்ளது. ஒருவேளை 5ஆவது வீரராக டோனி களமிறங்கினால், இவரை 6ஆவது வீரராக களமிறக்கி ஃபினிஷிங்குக்கு தயார்படுத்தப்படலாம்

விராட் கோஹ்லி தலைமையிலான அணியில், ஷிகர் தவான், ரோஹித் சர்மா, அம்பதி ராயுடு, ரிஷப் பந்த், எம்எஸ் டோனி (விக்கெட் காப்பாளர்), ரவீந்திர ஜடேஜா, குல்தீப் யாதவ், யுஸ்வேந்திர சாஹல், உமேஷ் யாதவ், மொஹமட் ஷமி, சையத் கலீல் அஹமட் ஆகியோர் இடம்பெற்றுள்ளனர்.

இரு அணிகளுக்கிடையிலான முதலாவது ஒருநாள் போட்டி, நாளை (ஞாயிற்றுக்கிழமை) குவாஹத்தியில் நடைபெறவுள்ளது.
ஸ்கொட்லாந்தில் கரும் சிறுத்தை நடமாட்டம்: மக்களுக்கு எச்சரிக்கை

ஸ்கொட்லாந்தில் கரும் சிறுத்தை நடமாட்டம்: மக்களுக்கு எச்சரிக்கை

ஸ்கொட்லாந்தில் கரும் சிறுத்தை நடமாட்டம் தென்படுவதால் நாய்களுடன் நடந்து செல்பவர்கள் எச்சரிக்கையாக இருக்கும்படி வன பாதுகாப்பு துறையினர் கோரிக்கை விடுத்துள்ளனர்.

கோல்ஹல் மற்றும் ட்ரோன்கன் ஆகிய புறநகர் பகுதியில் கருஞ்சிறுத்தை ஒன்று நடமாடியது சி.சி.டி.வி. கமராவில் பதிவானது.

கரும் சிறுத்தை வளர்ப்பு நாய்களை அதிகம் வேட்டையாடும் வழக்கம் கொண்டதால் காலை மற்றும் மாலை நேரத்தில் நாயுடன் நடைப்பயிற்சி செல்பவர்கள் எச்சரிக்கையாகவும், பாதுகாப்பாகவும் இருக்க வேண்டும் என ஸ்காட்லாந்து பொலிஸார் தெரிவித்துள்ளனர்.

அமிர்தசரஸ் ரயில் விபத்தில் சொந்தங்களை இழந்தவர்களுக்கு கனேடிய பிரதமர் ஆறுதல்!

அமிர்தசரஸ் ரயில் விபத்தில் சொந்தங்களை இழந்தவர்களுக்கு கனேடிய பிரதமர் ஆறுதல்!

பஞ்சாப் மாநிலம் அமிர்தசரஸில், ரயில் விபத்தில் உயிரிழந்தவர்களுக்கு, கனேடிய பிரதமர் ஜஸ்டின் ரூடோ இரங்கல் வெளியிட்டுள்ளார்.

அவர் வெளியிட்டுள்ள இரங்கல் செய்தியில், “ரயில் விபத்தில் தங்களது சொந்தங்களை இழந்தவர்களுக்கு ஆழ்ந்த அனுதாபத்தை தெரிவித்துக் கொள்கின்றேன். அத்தோடு காயமடைந்தவர்கள் மீண்டுவரவேண்டுமென பிரார்த்திக்கின்றேன்” என குறிப்பிட்டுள்ளார்.

அத்தோடு, ஐக்கிய நாடுகளின் செயலாளர் நாயகம் ஆன்டானியோ குட்ரெசும், இந்த விபத்திற்கு இரங்கல் வெளியிட்டுள்ளார்.

பஞ்சாப் மாநிலம் அமிர்தசரஸில், இன்று (சனிக்கிழமை) தசர விழா கொண்டாட்டத்தின் போது நேரிட்ட ரயில் விபத்தில், 61 பேர் உயிரிழந்தனர்.

அத்தோடு படுகாயமடைந்த நிலையில் 71 பேர், வைத்திய சாலையில் சிகிச்சை பெற்று வருகின்றனர்.
யாழில் வீட்டுக்குள் புகுந்த மர்மநபர்கள்! பெண்கள் உட்பட பலர் மீது தாக்குதல்

யாழில் வீட்டுக்குள் புகுந்த மர்மநபர்கள்! பெண்கள் உட்பட பலர் மீது தாக்குதல்

உந்­து­ரு­ளி­யில் வந்த 15க்கும் மேற்­பட்­ட­வர்­கள் வீடொன்­றுக்­குள் புகுந்து அங்­கி­ருந்த பெண்­க­ளைக் கடு­மை­யா­கத் தாக்­கி­யுள்­ள­னர்.

அந்­தச் சத்­தம் கேட்­டுக் காப்­பாற்­றச் சென்ற அயல் வீட்­டுக்­கா­ர­ரை­யும் கொட்­டன்­கள், வாள் கொண்டு தாக்­கி­யுள்­ள­னர். இந்­தச் சம்­பத்­தில் 7 பேர்காய­ம­டைந்­த­னர் என்று கூறப்­ப­டு­கின்­ற­போ­தும் இரு­வர் சாவ­கச்­சேரி மருத்­து­வ­ம­னை­யில் சேர்க்­கப்­பட்­டுள்­ள­னர்.

இந்­தச் சம்­ப­வம் நேற்று மாலை சாவ­கச்­சேரி, கச்­சாய் வீதி­யில் உத­ய­சூ­ரி­யன் கிரா­மத்­தில் நடந்­துள்­ளது.7க்கு மேற்­பட்ட உந்­து­ரு­ளி­க­ளில் வந்த 15க்கும் மேற்­பட்­ட­வர்­கள் இந்­தத் தாக்­கு­தலை நடத்­தி­னர் என்று கூறப்­ப­டு­கின்­றது. வீட்­டுக்­குள் நுழைந்து பெண்­க­ளைத் தாக்கி வீதிக்கு இழுத்து வந்­துள்­ள­னர்.

அந்­தச் சத்­தம் கேட்­டுத் திரண்ட அய­ல­வர்­கள் மீது கற்­க­ளைக் கொண்டு தாக்­கு­தல் நடத்­தி­யுள்­ள­னர். அவர்­களை நெருங்­கிச் சென்ற இரு­வர் மீது கொட்­டன்­கள், வாளால் தாக்­கு­தல் நடத்­தி­யுள்­ள­னர். அதில் இரு­வ­ருக்­குத் தலை­யில் காயம் ஏற்­பட்­டுள்­ளது. அதன்­பின்­னர் தாக்­கு­த­லா­ளி­கள் தப்­பிச் சென்­றுள்­ள­னர்.

நேற்­று­முன்­தி­னம் இரு இளை­ஞர்­க­ளுக்கு இடையே மோதல் நடந்தது என்­றும், அதில் ஒரு­வர் சிறு காய­ம­டைந்­தார் என்­றும் தெரி­விக்­கப்­பட்­டது. அதன்­தொ­டர்ச்­சி­யா­கவே நேற்­றைய தாக்­கு­தல் நடந்­துள்­ளது என்று அந்­தப் பகு­தி­யைச் சேர்ந்­த­வர்­கள் தெரி­வித்­த­னர்.தாக்­கு­தல் சம்­ப­வம் தொடர்­பில் பொலி­ஸார் விசா­ர­ணை­களை மேற்­கொண்டு வரு­கின்­ற­னர்.
புதுச்சேரி கவர்னரை மக்கள் திருத்துவார்கள் : முதல்வர் நாராயணசாமி பேச்சு

புதுச்சேரி கவர்னரை மக்கள் திருத்துவார்கள் : முதல்வர் நாராயணசாமி பேச்சு

புதுச்சேரி: சிஎஸ்ஆர் நிதி தொடர்பாக கவர்னர் அதிகார துஷ்பிரயோகம் செய்திருக்கிறார். இதை நாங்கள் சும்மா விடமாட்டோம். 

கவர்னர் இனி திருந்துவார் என நினைக்கிறோம். இல்லையென்றால் புதுச்சேரி மக்கள் அவரை திருத்துவார்கள் என புதுச்சேரி முதல்வர் நாராயணசாமி கூறியுள்ளார்.

புதுச்சேரி மாநில மாணவர் காங்கிரஸ் நிர்வாகிகள் பதவியேற்பு விழா மற்றும் மத்திய பாஜக அரசின் ரபேல் போர் விமான ஊழலை கண்டிக்கும் பொதுக்கூட்டம் செஞ்சி சாலை திடலில் நடந்தது.

இந்நிகழ்ச்சியில் முதல்வர் நாராயணசாமி பேசியதாவது: புதுச்சேரியில் மக்கள் வளர்ச்சி திட்டங்களுக்கு கவர்னர் கிரண்பேடி என்ன செய்திருக்கிறார்? பல திட்டங்களுக்கு அவர் முட்டுக்கட்டைதான் போட்டுள்ளார். இதுகுறித்து பலமுறை நாங்கள் பேசிவிட்டோம். 

சுதேசி மில், பாரதி மில் உள்ளிட்ட மில் தொழிலாளிகளுக்கு மானியம் கொடுப்பது தொடர்பாக பட்ஜெட்டில் முடிவெடுத்து கவர்னர் ஒப்புதலுக்கு அனுப்பினோம். 

இதில் எனக்குதான் அதிகாரம் இருக்கிறது என கூறி மானியம் கொடுக்க அனுமதி கொடுக்காமல் தொழிலாளர்களை நடுத்தெருவில் நிறுத்த வழிவகுத்திருக்கிறார். காங்கிரஸ் எந்த மாநிலத்திலும் ஆளக்கூடாது என கூறி செயல்படும் பாஜகவுக்கு ஆதரவாக புதுவை அரசுக்கு களங்கம் விளைவிக்கிறார். 

சிஎஸ்ஆர் நிதி தொடர்பாக கவர்னர் அதிகார துஷ்பிரயோகம் செய்திருக்கிறார். நிதி யாரெல்லாம் கொடுத்தார்கள், கான்ட்ராக்ட் விட்டது யார், என பல பதில்களை அவர் கூற வேண்டும். 

இதை நாங்கள் சும்மா விடமாட்டோம். கவர்னர் இனி திருந்துவார் என நினைக்கிறோம். இல்லையென்றால் புதுச்சேரி மக்கள் அவரை திருத்துவார்கள் என்றார்.
வைரமுத்து மீது வழக்கு தொடுப்பேன்; ஆதாரமான பாஸ்போர்ட்டைத் தேடி வருகிறேன்: சின்மயி பேட்டி

வைரமுத்து மீது வழக்கு தொடுப்பேன்; ஆதாரமான பாஸ்போர்ட்டைத் தேடி வருகிறேன்: சின்மயி பேட்டி

வைரமுத்து மீது வழக்கு தொடுப்பேன். ஆனால் அதற்கான ஆதாரமான பாஸ்போர்ட் கிடைக்கவில்லை. அது கிடைத்தவுடன் வழக்கு தொடுப்பேன் என்று சின்மயி தெரிவித்துள்ளார்.

மீ டூ விவகாரத்தை ஒட்டி தென்னிந்திய திரைத்துறை பெண்கள் மையம் என்ற அமைப்பு சென்னையில் இன்று செய்தியாளர்களைச் சந்திதத்து. இதில் திரைப்பட பின்னணிப் பாடகி சின்மயி கலந்துகொண்டு செய்தியாளர்களின் கேள்விகளுக்குப் பதிலளித்தார்.

வைரமுத்து விவகாரத்தில் வேறொரு அரசியல் உள்ளது என்கிறார்கள், அதன் பின்னர் திருமணத்துக்கு அழைத்து காலில் ஏன் விழுந்தீர்கள் என்று கேள்வி முன் வைக்கப்படுகிறது?

2005, 06 க்கு பிறகு அவரது புத்தக வெளியீட்டு விழாவில் தமிழ்த்தாய் வாழ்த்து பாட அழைத்தார். அதில் முதல்வர் சிறப்பு விருந்தினர் என்பதால் போகாமல் இருந்தால் நன்றாக இருக்காது என்பதால் சென்றேன்.

எனது திருமணத்துக்கு வைரமுத்துவுக்கு பத்திரிகை வைத்ததற்குக் காரணம் கார்க்கி எனது நண்பர். அப்பாவுக்கு பத்திரிகை வைத்தீர்களா? என்கிற அவரின் கேள்விக்காக சங்கடப்பட்டுக்கொண்டு சென்று பத்திரிகை வைத்தேன்.

திருமணத்தில் வாழ்த்திய அனைவர் காலிலும் விழுந்தேன். வைரமுத்து காலில் விழுந்ததற்குக் காரணம் எனது மாமியார், மாமனாருக்கு இந்த விவகாரம் தெரியாது. ஆகவே காலில் விழாமல் தவிர்ப்பதற்குக் காரணம் சொல்ல முடியாததால் அது நடந்தது.

அதன் பின்னர் திருமணம் ஆகி சில மாதங்கள் கழித்து புத்தக வெளியீட்டு விழாவுக்கு என்னை வைரமுத்து அழைத்தார். என்னால் வரமுடியாது என்று மறுத்தேன். காரணம் எனக்குத் திருமணமாகி இருந்தது. என் பக்கம் மாமனார் மாமியார் துணை இருந்ததால் வரமுடியாது என்று மறுத்தேன். அன்று எனக்கு கணவர் வீட்டார் துணை இருந்ததால் தைரியமாக நின்றேன்.

என்னுடன் இருக்கும் சக மாணவி வைரமுத்து பற்றி என்னை இப்படிச் செய்தார் என்று பொதுவில் வந்து பேசத் தயங்குகிறார். சொன்னால் கணவர் வீட்டைவிட்டு வெளியே துரத்தி விடுவாரோ என்று பயப்படுகிறார். இதுதான் நிலைமை.

2012-ல் ட்விட்டரில் மிரட்டினார் என்று புகார் அளிக்கும் தைரியம் இருக்கும்போது ஏன் வைரமுத்து மீது புகார் அளிக்கவில்லை?

2012-ல் என்னை மிரட்டினார்கள். 2010, 11, 12 மூன்று ஆண்டுகளாக நடந்த விவகாரம். நான் போடாத ட்வீட்டை போட்டதாக இன்னமும் தமிழ் சமுதாயத்தில் நான் சொன்னேன் என்று நம்புகிறார்கள். எனக்கு மிரட்டல் வருகிறது. முகத்தில் ஆசிட் வீசுவேன் என்று மிரட்டுகிறார்கள். கச்சேரியைக் குலைத்துவிடுவேன் என்று மிரட்டுகிறார்கள்.

பாலியல் புகார் வேறு, மிரட்டல் புகார் வேறு. மிரட்டல் புகாரில் போலீஸிடம் தொடர்ந்து கூறும்போது, போலீஸாரே நீங்கள் முறைப்படி புகார் அளித்தால் தான் நடவடிக்கை எடுக்க முடியும் என்று கூறியதால் புகார் அளித்தேன்.

ஆண்டாள் சர்ச்சை வைரமுத்து மீதான புகாரின் பின்னால் உள்ளதா?

அந்த ஆண்டாள் சர்ச்சை குறித்து நான் ஒரு ட்வீட் கூட போடவில்லை. நான் ஒரு விஷயமும் சொல்லவில்லை. மற்றவர்கள் என்னை வைத்து அரசியல் நடத்தினால் என் தப்பு இல்லை. என் பிரச்சினை எனக்கு நடந்த விஷயம் அது. நான் என்ன செய்ய முடியும். எனக்கு இது ஏன் என்று புரியவில்லை. இதற்கும் எனக்கும் சம்பந்தமில்லை.

‘மீ டூ’ 2006-ல் வந்தது. இது உலகம் முழுதும் வெடிக்கிறது. அதன் பின்னர் உலகம் முழுவதும் இது பெரிய பிரச்சினையாக மாறுகிறது. மத்திய இணை அமைச்சர் எம்.ஜே.அக்பர் மீதே வருகிறது. அவர் பாஜக அமைச்சர் இதில் ஒரு கான்செப்ட்டே இல்லையே? அவர் பாஜக அமைச்சர் நான் பாஜக இல்லையே?

உங்களை ஆதரிப்பவர்கள் இங்கு வைரமுத்து மீது புகார் பேசுகிறார்கள், ஆனால் எம்.ஜே.அக்பர் பற்றி பேச மறுக்கிறார்கள்?

அவர்தான் ராஜினாமா செய்துவிட்டாரே? எங்களுக்கு அரசியலே வேண்டாம், எங்கள் பிரச்சினையில் அரசியல் சாயம் பூசாதீர்கள். இதில் வலது, அதி தீவிர வலது, இடது, அதி தீவிர இடது, பொதுவில் இருப்பவர்கள் அத்தனை ஆண்களும் இதில் சிக்கியுள்ளனர். அனைவர் மீதும் புகார் வருகிறது. இதில் அமைச்சர், பத்திரிகையாளர்கள், சினிமாத் துறையில் உள்ளவர்கள் அனைவரும் இலக்காகியுள்ளனர். ஆகவே இதை அரசியல் ஆக்காதீர்கள். பெண்கள் தங்கள் பிரச்சினைக்காக வெளியே வந்தால் அவரை அனைவரும் பின்னோக்கித் தள்ளும் வேலையைத்தான் செய்கிறார்கள்.

நீங்கள் மற்ற பெண்களைவிட சற்று முதிர்ச்சியுள்ளவர்? உங்கள் பிரச்சினையை பேச வேண்டிய இடம் திரைத்துறையில் உள்ள சங்கத்தினரிடம். அதை ஏன் செய்யவில்லை?

மீ டூ பெண்கள் எல்லோருக்குமே ஒரு தைரியத்தைக் கொடுத்தது. இது மாதிரி சமூகத்தில் நடக்கும் விவகாரத்தை வெளியே கொண்டுவரும் இயக்கமாக அதைப் பார்க்கிறோம்.

இது மாதிரி விவகாரங்களுக்கு யாரிடம் போவது என்று தெரியாமல்தான் இருக்கிறோம். மும்பையில், கர்நாடகாவில் பல மாநிலங்களில் ஆரம்பித்து விட்டார்கள். ஆனால் இங்கு யாரிடம் புகார் கொடுப்பது என்பதுதான் பிரச்சினை.

வைரமுத்துமீது வழக்கு தொடுப்பீர்களா?

வைரமுத்து பற்றி பொதுவெளியில் இப்போதுதான் சொல்கிறேன். ஆனால் எனது தோழிகளிடம் எப்போதோ சொல்லிவிட்டேன். அவர் சரியான ஆள் கிடையாது, தவறான ஆள் என்று பெண்களான எங்களுக்கு நன்றாகத் தெரியும். ஆனால் உங்களுக்குத்தான் தெரியாது. வைரமுத்து மீது கண்டிப்பாக வழக்கு தொடுப்பேன்.

2004 அல்லது 05-ம் ஆண்டா என்பது குறித்த சரியான தகவல் எனது ஞாபகத்தில் இல்லை. நான் போய் வந்த பாஸ்போர்ட்டில் ஸ்டாம்ப் உள்ளது. அந்த நிகழ்ச்சி நடந்ததற்கு ஆதாரம் அந்த பாஸ்போர்ட்டில் உள்ளது. அது எங்கே இருக்கிறது என்று வீட்டில் தேடுகிறேன். அதை வீட்டில் பத்திரமாக வைத்துள்ளதாக என் தாயார் தெரிவித்துள்ளார். அதன் பின்னர் 10 வீடுகள் மாறிவிட்டோம்.

அது எனது வழக்குக்கு ஆதாரம். அதனால்தான் இதுவரை நான் வழக்கு தொடுக்கவில்லை. எனது வழக்கறிஞரிடம் இதுகுறித்து பேசிக்கொண்டுத்தான் இருக்கிறோம். அதற்கான வேலையைச் செய்து வருகிறோம். இது ஏதோ நான் சும்ம ஹேஷ்டேக் போட்டுவிட்டுப் போகும் விஷயம் அல்ல. நான் சட்டபூர்வ நடவடிக்கை எடுப்பேன்.

பத்திரிகைத் துறையிலேயே விசாகா கமிட்டி அமைக்கவில்லை. ஆனால், சினிமாத் துறை மிகப்பெரியது. இப்போது விஷால் மூன்று பேர் கொண்ட கமிட்டி அமைப்பதாகச் சொல்லியிருக்கிறார். அது சினிமா, சின்னத்திரை என்று யோசிக்கவேண்டும்''.

இவ்வாறு சின்மயி கூறினார்.
இன்விக்டஸ் விளையாட்டு போட்டிகளை ஆரம்பித்து வைத்த இளவரசர் ஹரி!

இன்விக்டஸ் விளையாட்டு போட்டிகளை ஆரம்பித்து வைத்த இளவரசர் ஹரி!

பிரித்தானிய இளவரசர் ஹரி மற்றும் அவரது பாரியார் மேகன் மேர்க்கல் ஆகியோர் சிட்னி – ஒபேரா இல்லம் அமைந்துள்ள துறைமுக நகரில் இன்விக்டஸ் 2018 விளையாட்டு போட்டிகளை ஆரம்பித்து வைத்துள்ளனர்.

இன்று (சனிக்கிழமை) ஆரம்பமாகும் குறித்த போட்டிகள் எதிர்வரும் 27 ஆம் திகதிவரை நடைபெறவுள்ளது.

சேவையின் போது ஊனமுற்ற படையினருக்கு கௌரவம் வழங்கும் நோக்கில் இடம்பெறும் இந்த நிகழ்வை நிவ் சவுத் வேல்ஸின் முதல் மந்திரி க்ளேடிஸ் பெரெஜிகிலியன் தலைமையேற்று நடத்துகிறார்.

எனினும், இந்த நிகழ்வு சீரற்ற காலநிலை காரணமாக சற்று தாமதமாகியே ஆரம்பித்தது. முன்னதாக இளவரசர் ஹரி மற்றும் சீமாட்டி மேகன் ஆகியோர். அவுஸ்ரேலிய மற்றும் நியுஸிலாந்து போர் நாயகர்களுக்கு தமது அஞ்சலியை செலுத்தினர்.

அதனையடுத்து அங்கு கூடியிருந்த பிரமுகர்களுடன் அரச தம்பதிகள் அலவலாவி மகிழ்ந்தனர். இதுதவிர, கொக்காடு தீவில் இடம்பெற்ற முதலாவது இன்விக்டஸ் விளையாட்டு நிகழ்விலும் பார்வையாளர்களாக கலந்து கொண்டனர்.

இளவரசர் ஹரியினால் நிறுவப்பட்ட விளையாட்டு அமைப்புகளின் ஊடாக, மோதல்களின் போது காயமடைந்த இராணுவ அதிகாரிகளுக்கு சர்வதேச பாராலிம்பிக்-பாணியில் நடத்தப்படும் நிகழ்வாக இது திகழ்கிறது.
விஜய் மல்லையாவின் கார்கள் லண்டனில் விற்பனைக்கு

விஜய் மல்லையாவின் கார்கள் லண்டனில் விற்பனைக்கு

இந்திய தொழிலதிபர் விஜய் மல்லையா பல வங்கிகளில் மோசடி செய்த கடன் பணத்தை மீளப்பெறும் வகையில், லண்டனில் அவரது 6 அதிநவீன சொகுசு கார்கள் விற்பனைக்கு விடப்படவுள்ளன.

பிரித்தானிய உயர் நீதிமன்றத்தின் அமுலாக்கல் அதிகாரி இந்த நடவடிக்கையை மேற்கொள்வார் என அறிவிக்கப்பட்டுள்ளது. மினி கண்ட்ரிமேன் (2016 மாதிரி), மேபாக் (2012), ஃபெராரி எஃப் 430 ஸ்பைடர்(2006), ரேஞ்ச் ரோவர் (2014), பெராரி எஃப் 512 எம் மற்றும் போர்சே கெய்னே ஆகிய அதிசொகுசு கார்கள் விற்பனைக்கு வருகின்றன.

இந்த விற்பனையை குறைந்தபட்சம் இந்திய பெறுமதியின் படி ரூ.3.86 கோடிகளுக்கு மேல் மேற்கொள்ள வேண்டும் என்றும், அதற்கு பெறுமதி சேர்க்கப்பட்ட வரி விதிக்கப்பட வேண்டும் என்றும் நீதிமன்றம் அறிவுறுத்தியுள்ளது.

இந்திய வங்கிகளில், மல்லையாவின் கிங்பிஷர் ஏர்லைன்ஸ் நிறுவனம் சார்பில் ரூ.9,500 கோடி வரையில் கடன் பெறப்பட்டது. எஸ்.பி.ஐ, ஃபெடரெல் வங்கி, ஐ.டி.பி.ஐ, பரோடா வங்கி, கோர்ப்பரேசன் வங்கி, இந்தியன் ஓவர்சீஸ் வங்கி, யுகோ வங்கி உட்பட இன்னும் சில வங்கிகள் மல்லையாவுக்கு கடன் வழங்கியிருந்தன.

ஆனால், கடன் பணத்தை திருப்பிச் செலுத்தாமல் மோசடி செய்த மல்லையா, நாட்டை விட்டு வெளியேறி பிரித்தானியாவில் தஞ்சமடைந்தார்.

இந்த நிலையில், மல்லையாவிடம் கடன் பணத்தை வசூலிப்பது தொடர்பாக, பிரித்தானிய உயர் நீதிமன்றத்தில் இந்திய வங்கிகள் சார்பில் வழக்கு தொடுக்கப்பட்டது.

அந்த வழக்கை நீதிபதி சாரா காக்ரில் கடந்த 11 ஆம் திகதி விசாரணைக்கு எடுத்துக் கொண்டார். அப்போது கடன் பணத்தை மீட்டெடுக்கும் வகையில், மல்லையாவின் கார்களை விற்பனை செய்ய, நீதிமன்றத்தின் அமுலாக்க அதிகாரிக்கு நீதிபதி அனுமதியளித்து உத்தரவிட்டார்.

இதன்படி, மல்லையாவின் கார்களை பறிமுதல் செய்து விற்பனை செய்யும் பணியை அமுலாக்கல் அதிகாரி விரைவில் ஆரம்பிப்பார் என எதிர்பார்ப்பதாக, இந்திய வங்கிகளின் வழக்கை ஏற்று நடத்தும் டி.எல்.டி. சட்ட நிறுவனத்தின் பங்குதாரர் பெளல் கெய்ர் தெரிவித்தார்.
காதலனுடன் செல்ல அடம்பிடித்த திருமணமான பெண்: பொலிஸாருக்கு அதிர்ச்சி!

காதலனுடன் செல்ல அடம்பிடித்த திருமணமான பெண்: பொலிஸாருக்கு அதிர்ச்சி!

இராமநாதபுரம் மாவட்டம், ஏர்வாடி அருகே இதம்பாடல் என்ற பகுதியை சேர்ந்த முருகேசன், இவர் 8 வருடங்களுக்கு முன்பாக, பிரியா (வயது 29) என்ற பெண்ணைத் திருமணம் செய்து கொண்டார். இவர்களுக்கு, இரண்டு ஆண் குழந்தைகள் உள்ளன.

பிரியாவிற்கும், அதே பகுதியைச் சேர்ந்த விஜய் (வயது 27) என்பவருக்கும் கள்ளத் தொடர்பு ஏற்பட்டது. கடந்த ஓகஸ்ட் மாதம் 10-ஆம்திகதிஇருவரும் மாயமானார்கள். இது தொடர்பாக, ஏர்வாடி பொலிஸ் நிலையத்தில், முருகேசன் முறைப்பாடு பதிவு செய்யப்பட்டது.

தவிரவும், மதுரை உய்ரநீதிமன்றத்தில், ஆட் கொணர்வு மனு தாக்கல் செய்திருந்தார், முருகேசன். அதன் பேரில், ஏர்வாடி இன்ஸ்பெக்டர் சத்யபிரியா தலைமையில், தனிப்படை அமைத்து பிரியாவைத் தேடி வந்தது.

இந்த நிலையில், பிரியா கோவை பொள்ளாச்சியில், உள்ள கோட்டூரில், தன் கள்ளக் காதலனுடன் தங்கியிருந்தது தெரிய வந்தது. அங்கு சென்ற பொலிஸார், பிரியாவை மட்டும் மீட்டு, ஏர்வாடி பொலிஸ் நிலையத்திற்கு கொண்டு வந்தனர்.

ஆனால், பிரியா, தான் கள்ளக் காதலனுடன் தான் வாழ்வேன், என்று அடம் பிடித்தார். இதனால் பொலிஸார் திகைத்தனர். அவரை மதுரை காப்பகத்தில் சேர்த்தனர். பிரியாவின் கள்ளக் காதலனைத் தேடி வருகின்றனர்.

இதே போல், ஏர்வாடி அருகே, வேளானுாரைச் சேர்ந்தவர் சத்யராஜ். சிங்கப்பூரில் வேலை செய்கிறார். இவரது மனைவி லிங்கக்கனியையும் காணவில்லை, என்று முறைப்பாடு வழங்கப்பட்டுள்ளது. இதற்கும் கள்ளக் காதல் தான் காரணம் என்று தெரிய வந்துள்ளது.
இந்திய அணியின் வேகப்பந்து வீச்சாளர் சர்வதேச கிரிக்கெட்டில் இருந்து ஓய்வு

இந்திய அணியின் வேகப்பந்து வீச்சாளர் சர்வதேச கிரிக்கெட்டில் இருந்து ஓய்வு

இந்திய கிரிக்கெட் அணியின் வேகப்பந்து வீச்சாளரான பிரவீன் குமார் அனைத்து சர்வதேச கிரிக்கெட்டில் இருந்து ஓய்வு பெறுவதாக இன்று (சனிக்கிழமை) அறிவித்துள்ளார்.

32 வயதான பிரவீன் குமார் உத்தரபிரதேச மாநிலம் மீரட்டைச் சேர்ந்தவர். 2007 ஆம் ஆண்டு பாகிஸ்தானுக்கு எதிரான ஒருநாள் போட்டியில் அறிமுகமானார்.

இறுதியாக அவர் 2012-ம் ஆண்டு மார்ச் மாதம் தென் ஆபிரிக்காவுக்கு எதிரான 20 ஓவர் போட்டியில் விளையாடி இருந்தார்.

அதன் பின்னர் அவர் அணிக்கு தேர்வு செய்யப்படவில்லை. ஐ.பி.எல். போட்டியில் பஞ்சாப், பெங்களூர், ஐதராபாத் அணிகளில் விளையாடினார்.

இந்த நிலையில் அவர் தனது ஓய்வு முடிவை அறிவித்துள்ளார். பிரவீன்குமார் 6 டெஸ்டில் விளையாடி 27 விக்கெட்டும், 68 ஒருநாள் போட்டியில் 77 விக்கெட்களையும் கைப்பற்றியுள்ளார்.

“ஓய்வு பெறுவது பற்றி நான் வருத்தப்படவில்லை. உத்தரபிரதேச மாநிலத்தில் இருந்து திறமை வாய்ந்த பந்து வீச்சாளர்கள் காத்து கொண்டு இருக்கிறார்கள். அவர்களது வாழ்க்கைக்கு பாதிப்பு ஏற்படுத்த விரும்ப வில்லை.

எனது விளையாட்டு காலம் முடிந்து விட்டது. அதை நான் ஏற்றுக் கொண்டுள்ளேன். கடவுள் எனக்கு கொடுத்த இந்த வாய்ப்புக்காக நன்றி தெரிவித்துக் கொள்கிறேன்.

எதிர்காலத்தில் பந்து வீச்சு பயிற்சியாளராக பணியாற்ற விரும்புகிறேன்.” என கூறினார்.
நடிகர் அர்ஜூன் என்னிடம் அத்துமீறினார் - கன்னட நடிகை பரபரப்பு குற்றச்சாட்டு

நடிகர் அர்ஜூன் என்னிடம் அத்துமீறினார் - கன்னட நடிகை பரபரப்பு குற்றச்சாட்டு

நடிகர் அர்ஜூன் தன்னிடம் தவறாக நடந்து கொண்டதாக கன்னட நடிகை ஸ்ருதி ஹரிஹரன் பரபரப்பை கிளப்பியிருக்கிறார். 

மீ டூ இயக்கத்தின் மூலம் பாலியல் வன்முறைக்கு ஆளான பெண்கள் தங்களுக்கு நடந்த சம்பவங்களை சமூக வலைத்தளங்களில் பகிர்ந்து வருகின்றனர். 

தமிழ் திரையுலகில் வைரமுத்து, இயக்குநர் சுசி கணேசன் ஆகியோர் மீது குற்றச்சாட்டுகள் வைக்கப்பட்டது. 

இந்த நிலையில் விஸ்மயா என்ற படத்தில் நடித்த போது, நடிகர் அர்ஜூன் தன்னிடம் தவறாக நடந்து கொண்டதாக கேரள நடிகை ஸ்ருதி ஹரிஹரன் குற்றச்சாட்டு முன்வைத்துள்ளார். 

இதனிடையே தமது இணையதள பக்கத்தில் விளக்கம் அளித்துள்ள நடிகர் அர்ஜூன், தாம் எந்த பெண்ணிடமும் இதுவரை தவறாக நடந்ததில்லை எனவும், ஸ்ருதியின் குற்றச்சாட்டின் பின்னணியில் யாரோ இருப்பதாகவும் குறிப்பிட்டுள்ளார்.
விஜய் தேவரகொண்டாவின் அடுத்த படம் நவம்பரில்!

விஜய் தேவரகொண்டாவின் அடுத்த படம் நவம்பரில்!

அர்ஜுன் ரெட்டி என்ற தெலுங்கு படத்தின் மூலம் தமிழ் இளைஞர்களின் மனதில் இடம்பிடித்தவர் தான் விஜய் தேவரகொண்டா.

தமிழ் சினிமா ரசிகர்களிடையே பெரும் வரவேற்ப்பை பெற்ற அர்ஜுன் ரெட்டி படத்திற்கு பின்னர் நோட்டா எனும் அரசியல் பாணியை அடித்தளமாய் வைத்து வெளிவந்த படத்தில் சிறப்பாக நடித்து அனைவரது மனதிலும் நீங்கா இடம் பிடித்தார்.

தற்போது இவர் நடிப்பில் எதிர்வரும் நவம்பர் 16-ஆம் திகதி வெளியாகவிருக்கும் டாக்ஸிவாலா என்ற தெலுங்கு படம் மிகுந்த எதிர்பார்பில் உள்ளது.

ஜனாதிபதி செயலகத்தில் பெருகியுள்ள பூனைகளுக்கு குடும்ப கட்டுப்பாடு!

ஜனாதிபதி செயலகத்தில் பெருகியுள்ள பூனைகளுக்கு குடும்ப கட்டுப்பாடு!

ஜனாதிபதி செயலகத்தில் பெருகியுள்ள பூனைகளை அங்கிருந்து அகற்ற உடனடியாக நடவடிக்கை எடுக்குமாறு கொழும்பு மாநகர சபையிடம் (CMC) ஜனாதிபதி செயலகம் கோரிக்கை விடுத்துள்ளது.

கடந்த 3 வருடங்களாக ஜனாதிபதியின் செயலகத்தில் பூனைகள் வேகமாக வளர்ந்து வருவதாகக் கூறியே இந்த கோரிக்கை விடுக்கப்பட்டுள்ளது.

மேலும் இது தொடர்பில் கருத்து தெரிவித்த கொழும்பு மாநகர சபையின் தலைமை கால்நடை வைத்தியர் I.V.P. தர்மவர்த்தன, பூனைகளை அங்கிருந்து அகற்றுவது சாத்தியமில்லை என கூறியுள்ளார்.

அத்துடன் குறித்த பூனைகளை கொண்டு சென்று விடுவதற்கான நிலையங்கள் இல்லை என சுட்டிக்காட்டிய அவர், அடுத்த வாரமளவில் அந்த பூனைகளுக்கு குடும்ப கட்டுப்பாடு செய்ய நடவடிக்கை எடுக்கவுள்ளதாகவும் கூறியுள்ளார்.

பயங்கரவாத செயற்பாடு: ஆஸி. வீரரின் சகோதரருக்கு தொடர்பு?

பயங்கரவாத செயற்பாடு: ஆஸி. வீரரின் சகோதரருக்கு தொடர்பு?

அவுஸ்ரேலியாவில் பயங்கரவாத செயற்பாட்டு தொடர்பில் கைது செய்யப்பட்ட இலங்கையை சேர்ந்த இளைஞருடன் அவுஸ்ரேலிய கிரிக்கெட் வீரரின் சகோதரனும் தொடர்பு பட்டிருப்பதாக தகவல்கள் வெளியாகியுள்ளது.

அத்துடன் அவர் மீது நேற்று (வெள்ளிக்கிழமை) பொலிஸார் குற்றச்சாட்டுக்களை முன்வைத்துள்ளதாகவும் தெரிவிக்கப்பட்டுள்ளது.

மொஹமட் நிஸாம்தீன் என்ற 25 வயதுடைய இளைஞன் சிட்னி கென்ஸின்டன் (Kensington) பகுதியில் வைத்து ஓகஸ்ட் மதம் 30 ஆம் திகதி பயங்கரவாத குற்றத்தடுப்பு பிரிவினரால் கைது செய்யப்பட்டார்.

தீவிரவாத தாக்குதல் நடத்துவதற்கான திட்டங்கள் அடங்கிய குறிப்பேடு ஒன்று பல்கலைக்கழக ஊழியர் ஒருவரால் பொலிஸாரிடம் கையளிக்கப்பட்டதன் அடிப்படையில் குறித்த நபர் கைது செய்யப்பட்டார்.

முன்னாள் பிரதமர் மல்கம் டர்ன்பல் மற்றும் முன்னாள் வெளியுறவு மந்திரி ஜூலி பிஷப் ஆகியோரையே கொலை செய்ய திட்டம் தீட்டியமை குறித்த குறிப்பேட்டின் மூலம் தெரியவந்தது.

இந்நிலையில், அவுஸ்ரேலியா அணியின் ஆரம்ப துடுப்பாட்ட வீரர் உஷ்மன் கவாயாவின் சகோதரருக்கும் இதில் தொடர்பு இருப்பதாக அந்நாட்டு ஊடகம் செய்தி வெளியிட்டுள்ளது.
இலங்கையை சொந்த மண்ணில் வீழ்த்தியது இங்கிலாந்து!

இலங்கையை சொந்த மண்ணில் வீழ்த்தியது இங்கிலாந்து!

இலங்கைக்கு எதிரான நான்காவது ஒருநாள் போட்டியில் இங்கிலாந்து அணி டக்வத் லூவிஸ் முறைப்படி18 ஓட்டங்களால் வெற்றி பெற்றுள்ளது. இந்நிலையில் 5 போட்டிகள் கொண்ட ஒருநாள் தொடரை இங்கிலாந்து அணி 3-0 என கைப்பற்றியுள்ளது.

இலங்கை மற்றும் இங்கிலாந்து அணிகளுக்கிடையிலான நான்காவது ஒருநாள் போட்டி, இன்று (சனிக்கிழமை) அரம்பமானது.

கண்டி, பல்லேகல மைதானத்தில் அரம்பமான இப்போட்டியில், இலங்கை அணிக்கு தினேஷ் சந்திமாலும், இங்கிலாந்து அணிக்கு இயான் மோர்கனும் தலைமை தங்கியிருந்தனர்.

போட்டியின் நாணய சுழற்சியில் வென்ற இங்கிலாந்து அணி முதலில் களத்தடுப்பில் ஈடுபட தீர்மானித்தது. இதன் படி இலங்கை அணி முதலில் களமிறங்கியது.

இதில் சிறப்பான துடுப்பாட்டத்தை வெளிக்காட்டிய நிரோஷன் டிக்வெல்ல 52, டசுன் சனக 66, திசார பெரேரா 44, அகில தனஞ்சய அட்டமிழக்காமல் 32 ஓட்டங்களை பெற்றனர்.

இவர்களின் சிறப்பான ஆட்டத்தால் இலங்கை அணி 50 ஓவர்கள் நிறைவில் 7 விக்கெட்களை இழந்து 273 ஓட்டங்களை பெற்றது.

பந்துவீச்சில் மோஹின் அலி 2, அடில் ரஷீத், கிர்ஸ் வோக்ஸ் மற்றும் டொம் குர்ரான் ஆகியோர் தலா ஒரு விக்கெட்டுகளை வீழ்த்தியிருந்தனர்.

இந்நிலையில் 274 என்ற வெற்றி இலக்கை நோக்கி பதிலுக்கு துடுப்பெடுத்தாடிய இங்கிலாந்து அணி 27 ஓவர்கள் நிறைவில் 2 விக்கெட்களை இழந்து 132 ஓட்டங்களை பெற்ற போது மழை குறுக்கிட்டது.

இதன் பின்னர் டக்வத் லூவிஸ் முறைப்படி 18 ஓட்டங்களால் இங்கிலாந்து அணி வெற்றி பெற்றதாக அறிவிக்கப்பட்டது. அவ்வணி சார்பில் ஜேசன் றோய் 45, ஜோய் ரூட் 32, இவன் மோர்கன் 31 ஓட்டங்களை பெற்றுக்கொண்டனர்.

பந்துவீச்சில் அகில தனஞ்சய 2 விக்கெட்களை வீழ்த்தினார். இரு அணிகளுக்குமிடையிலான முதலாவது போட்டி மழை காரணமாக கைவிடப்பட்டது, 2 ஆவது போட்டியும் 31 ஓட்டங்களால் இங்கிலாந்து அணி வெற்றி பெற்றது.

பின்னர் 3 ஆவது போட்டியையும் 7 விக்கெட் வித்தியாசத்தில் கைப்பற்றிய நிலையில் தொடரை 3-0 என இங்கிலாந்து அணி கைப்பற்றி இலங்கை அணிக்கு அதிர்ச்சி கொடுத்துள்ளது.

Friday, October 19, 2018

பிறந்து ஒரு நாளே ஆன குழந்தையை அவரது தாயே தண்ணீரில் மூழ்கடித்து கொலை செய்த அதிர்ச்சி சம்பவம் !

பிறந்து ஒரு நாளே ஆன குழந்தையை அவரது தாயே தண்ணீரில் மூழ்கடித்து கொலை செய்த அதிர்ச்சி சம்பவம் !

சென்னையில் பிறந்து ஒரு நாளே ஆன குழந்தையை அவரது தாயே தண்ணீரில் மூழ்கடித்து கொலை செய்த சம்பவம் அதிர்ச்சியை ஏற்படுத்தியுள்ளது.

சென்னை வேளச்சேரி கன்னிகாபுரத்தை சேர்ந்தவர் வசந்தி. இவர் ஒரு தனியார் நிறுவனத்தில் வேலை செய்து வருகின்றார். அப்போது வசந்திக்கும் ஜெபராஜ் என்பவருக்கும் பழக்கம் ஏற்பட்டு பின் அது காதலாக மாறியது.

இருவரும் நெருங்கிப் பழகவே வசந்தி கர்ப்பமுற்றார். இதனை வசந்தி தன் பெற்றோரிடம் மறைத்துள்ளார். ஆனால் 7வது மாதத்தில் அவர் தனது தாயிடம் சிக்கிக்கொண்டார்.

இதனால் பேரதிர்ச்சிக்கு ஆளான அவரின் தாய் குழந்தை பிறந்தவுடன் கொன்றுவிடும்படி வனிதாவிடன் கூறியுள்ளார்.

அதன்படி இரண்டு தினங்களுக்கு முன்பு, வனிதா குழந்தையை பெற்றெடுத்தார். பின்னர் தனது தாய் மற்றும் காதலனின் உதவியோடு, அந்த பிஞ்சுக் குழந்தையை தண்ணீரில் மூழ்கடித்து கொடூரமாக கொலை செய்துள்ளார்.

பின்னர் ஒன்றும்தெரியாதது போல் குழந்தையை குப்பைத் தொட்டிக்குள் வீசியுள்ளார். இந்நிலையில் சி.சி.டி.வி. மூலம் பொலிஸார் இந்த கொடூர கொலையை செய்த மூவரையும் கைது செய்தனர்.

பிஞ்சுக்குழந்தயை பெற்றோர் கொலை செய்த சம்பவம் பெரும் அதிர்ச்சியை ஏற்படுத்தியுள்ளமை குறிப்பிடத்தக்கது.
14 வயது மாணவிக்கு ஆசை வார்த்தைகள் காட்டி பாலியல் துஷ்பிரயோகம் செய்த ஆசாமி!

14 வயது மாணவிக்கு ஆசை வார்த்தைகள் காட்டி பாலியல் துஷ்பிரயோகம் செய்த ஆசாமி!

மட்டக்களப்பு வெல்லாவெளி பொலிஸ் பிரிவிலுள்ள மண்டூர் பிரதேசத்தில் 14 வயது மாணவி ஒருவரை ஆசைவார்த்தைகள் காட்டி பாலியல் துஷ்பிரயோகம் செய்த குற்றச்சாட்டில் 32 வயதுடைய ஆசிரியர் ஒருவரை கைது செய்துள்ளதாக வெல்லாவெளி பொலிஸார் தெரிவித்துள்ளனர்.

மண்டூர் பிரதேசத்திலுள்ள பாடசாலை ஒன்றில் தரம் 11 கல்வி கற்றுவரும் மாணவியை அப்பாடசாலையில் கடமையாற்றிவரும் பெரியநீலாவளையைச் சேர்ந்த ஒரு பிள்ளையின் தந்தையான 32 வயதுடைய ஆசிரியர் நீண்ட நாட்களாக பாலியல் துஷ்பிரயோகம் மேற்கொண்டு வந்துள்ளர்.

இந்நிலையில் பாதிக்கப்பட்ட சிறுமி சம்பவதினமான நேற்று (வியாழக்கிழமை) பொலிஸ் நிலையத்தில் முறைப்பாடு செய்ததையடுத்து குறித்த ஆசிரியரை பொலிஸார் கைது செய்தனர்.

பாதிக்கப்பட்ட சிறுமியின் தாயார் வெளிநாட்டிற்கு வேலைவாய்ப்பு பெற்றுச்சென்றுள்ளதுடன் சிறுமி அம்மம்மாவுடன் வாழ்ந்துவருகின்றார்.

இந்த நிலையில்குறித்த ஆசிரியர் சிறுமிக்கு கையடக்க தொலைபேசி ஒன்றை வாங்கி கொடுத்து அதனூடாக சிறுமிக்கு ஆசை வார்த்தை காட்டியுள்ளார்.

மேலும் பாடசாலையில் சனி, ஞாயிறுகிழமைகளில் நடக்கும் பிரத்தியோக கல்வி நடவடிக்கையின்போது பாடசாலையில் வைத்தும் ஏனைய இடங்களுக்கு வரவழைத்தும் பாலியல் துஷ்பிரயோம் மேற்கொண்டுவந்துள்ளார் என பொலிஸாரின் ஆரம்ப விசாரணையில் தெரியவந்துள்ளது

அதேவேளை இதில் கைது செய்யப்பட்ட ஆசிரியரை நீதிமன்றத்தில் ஆஜராக்க நடவடிக்கை எடுக்கப்பட்டுள்ளதுடன் பாதிக்கப்பட்ட சிறுமி வைத்தியசாலையில் அனுமதிக்கப்பட்டுள்ளார் என பொலிஸார் தெரிவித்தனர்.
சர்ச்சை கருத்தை வெளியிட்ட விஜயகலாவிற்கு எதிரான வழக்கு விசாரணை டிசம்பரில்!

சர்ச்சை கருத்தை வெளியிட்ட விஜயகலாவிற்கு எதிரான வழக்கு விசாரணை டிசம்பரில்!

விடுதலைப் புலிகள் தொடர்பில் சர்ச்சை கருத்தை தெரிவித்த முன்னாள் இராஜாங்க அமைச்சர் விஜயகலா மகேஸ்வரனுக்கு எதிரான வழக்கு டிசம்பர் 07 ஆம் திகதி வரை ஒத்திவைக்கப்பட்டுள்ளது.

குறித்த வழக்கு விசாரணையானது கொழும்பு பிரதான நீதவான் ரங்க திசாநாயக்க முன்னிலையில் இன்று (வெள்ளிக்கிழமை) எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டது.

இந்த விசாரணையின் போது, குறித்த விடயம் தொடர்பாக விசாரணைகள் நிறைவு செய்யப்பட்டு அனைத்து அறிக்கைகளும் சட்டமா அதிபரிடம் ஒப்படைக்கப்பட்டுள்ளதாக திட்டமிட்ட குற்ற விசாரணைப் பிரிவு மன்றில் தெரிவித்தது.

அதன்படி வழக்கை ஒத்திவைத்த நீதிமன்றம் டிசம்பர் 7 ஆம் திகதியன்று முன்னேற்ற அறிக்கையை சமர்பிக்குமாறும் உத்தரவிட்டுள்ளது.

தமிழீழ விடுதலைப் புலிகளின் கை மேலோங்க வேண்டும் என சர்ச்சைக்குரிய கருத்தை வௌியிட்ட விஜயகலா மகேஸ்வரன் கடந்த 8 ஆம் திகதி கைதுசெய்யப்பட்டு பிணையில் விடுதலை செய்யப்பட்டமை குறிப்பிடத்தக்கது.
5 நிமிடம் 5 இலட்சம் ஆகியதால் ஏற்பட்ட பெரும் குழப்பம்!

5 நிமிடம் 5 இலட்சம் ஆகியதால் ஏற்பட்ட பெரும் குழப்பம்!

சிறுவன் ஒருவன் தனது தந்தையாரிடம் தொலைபேசியில் 5 நிமிடத்தில் வாருங்கள் என கூறியது 5 லட்சத்துடன் வாருங்கள் எனக்கேட்டதால் மகன் கடத்தப்பட்டுள்ளதாக பொலிஸில் முறைப்பாடுசெய்த சம்பவம் ஒன்று இடம்பெற்றுள்ளது.

உத்தர பிரதேசம், நொய்டா நகரின் சிஜார்சி பகுதியில் இச்சம்பவம் அண்மையில் இடம்பெற்றுள்ளது.

இது தொடர்பில் தெரியவருவதாவது, 6 ஆம் வகுப்பு படித்து வரும் சிறுவனை அவனது குடும்பத்தினர் அடிக்கடி திட்டி வந்துள்ளனர்.

அவனது தந்தை மளிகை கடை வைத்துள்ளார். அதனால் சிறுவனை கடையைப் பார்த்துக்கொள்ளுமாறு அவர் கூறுவார். அந்த சிறுவன் பணப்பெட்டியில் இருந்து பணம் எடுப்பது வழக்கம். இதேபோன்று சமீபத்தில் ரூ.100 பணம் எடுத்தது அறிந்து அவனது வீட்டில் திட்டியுள்ளனர்.

இந்நிலையில் அவன் பாடசாலைக்கு சென்றுள்ளான். அதன்போது, மோட்டார் சைக்கிளில் வந்த ஒருவரிடம் தன்னையும் ஏற்றிச்செல்லுமாறு கேட்டுள்ளான்.

அங்கு சிறிது நேரம் சுற்றி திரிந்த அவன் பசித்ததில் வீட்டை தொடர்பு கொள்ள விரும்பியுள்ளான். இதனையடுத்து குறித்த மோட்டார் சைக்கிள்காரரிடம் தொலைபேசியை கேட்டு வாங்கி வீட்டுக்கு தொடர்பு கொண்டுள்ளான்.

அவன் தனது தந்தையிடம், பிஸ்ராக் பகுதிக்கு வந்துள்ளேன். 5 நிமிடங்களில் இங்கு வந்து என்னை அழைத்து செல்லுங்கள் என கூறியுள்ளான்.

ஆனால் சிறுவனின் தந்தைக்கு 5 லட்சம் பணத்துடன் வாருங்கள் என கேட்டுள்ளது. இதனால் தந்தை பொலிஸாரிடம் முறையிட, அவர்களும் தொலைபேசி எண்ணை கண்காணித்துள்ளனர். ஆனால் அது வேலைசெய்யாத நிலையில் கடத்தல் என சந்தேகம் அதிகரித்தது.

இதனைத் தொடர்ந்து பிஸ்ராக் பகுதிக்கு பொலிஸ் குழு ஒன்று சென்றது. சில மணிநேரத்திற்கு பின்னர் குறித்த தொலைபேசி வேலைசெய்தது. இதையடுத்து அவர்களைக் கண்டுபிடித்தனர்.

அதன்பின் விவரம் அறிந்து, தவறான புரிதலால் இந்த சம்பவம் நடந்து விட்டது என சிறுவனின் தந்தை கூறி விட்டு சிறுவனை அழைத்துச் சென்றார்.
இந்தியாவுக்கு எதிரான தொடரில் அவுஸ்ரேலிய அணிக்கு மேலுமொரு பின்னடைவு!

இந்தியாவுக்கு எதிரான தொடரில் அவுஸ்ரேலிய அணிக்கு மேலுமொரு பின்னடைவு!

இடது முழங்காலில் ஏற்பட்ட காயத்தை தொடர்ந்து அறுவை சிகிச்சை செய்துகொள்ளவுள்ள உஸ்மன் கவாஜா, இந்தியாவுக்கு எதிரான மிக முக்கியமான தொடரில் விளையாடுவது சந்தேகமாகியுள்ளது.

இந்த அறுவை சிகிச்சைக்கு பின்னர் அவர் குறைந்தது 8 வாரங்கள் அவருக்கு ஓய்வு தேவைப்படும் என்பதாலேயே இந்திய தொடரில் விளையாடுவது கேள்விக்குறியாகியுள்ளது.

ஏற்கெனவெ டேவிட் வோர்னர், ஸ்மித், ஆகியோரை இழந்த அவுஸ்ரேலிய அணி, தற்போது பாகிஸ்தானுக்கு எதிராக முதல் டெஸ்ட் போட்டியில் சமநிலையில் முடிவடைய காரணமாக இருந்த உஸ்மன் கவாஜாவையும் இழந்துள்ளது.

இந்நிலையில் பாகிஸ்தானிடம் தோல்வியடைந்த 2 ஆவது டெஸ்ட் போடியின் 2 ஆவது இன்னிங்சில் காயம் காரணமாக உஸ்மன் கவாஜா களமிறங்கவில்லை.

மிகச்சிறந்த துடுப்பாட்டத்தை வெளிக்காட்டிய உஸ்மன் கவாஜாவின் கிரிக்கெட் வாழ்க்கையில் இந்த காயம் மீண்டும் ஒரு இடைவெளியை ஏற்படுத்தியுள்ளதால் அவர் கடும் சோகத்தில் இருப்பதாக அவுஸ்ரேலிய கிரிக்கெட் வட்டாரங்கள் தெரிவிக்கின்றன.
373 ஓட்டங்களினால் அபார வெற்றிபெற்று தொடரை கைப்பற்றியது பாகிஸ்தான்!

373 ஓட்டங்களினால் அபார வெற்றிபெற்று தொடரை கைப்பற்றியது பாகிஸ்தான்!

இரண்டாவது டெஸ்ட் போட்டியில் 373 ஓட்டங்களினால் வெற்றி பெற்ற பாகிஸ்தான் அணி, இரண்டு போட்டிகள் கொண்ட டெஸ்ட் தொரை 1-0 எனக் கைப்பற்றியது.

பாகிஸ்தானுக்கு எதிரான இரண்டாவது டெஸ்ட் போட்டியில் 538 என்ற வெற்றி இலக்கை நோக்கி தமது இரண்டாவது இன்னிங்சிற்காக துடுப்பெடுத்தாடிய அவுஸ்ரேலிய அணி, 164 ஓட்டங்களை மாத்திரம் பெற்று, 373 ஓட்டங்களினால் தோல்வியைத் தழுவிக் கொண்டது.

1 விக்கெட் இழப்பிற்கு 47 ஓட்டங்களைப் பெற்றிருந்த நிலையில் இன்றைய நான்காம் நாள் ஆட்டத்தினை, ஆரம்பித்த அவுஸ்ரேலிய அணி, 164 ஒட்டங்களில் சகல விக்கட்டுக்களையும் இழந்தது.

முன்னதாக தன் முதல் இன்னிங்சில் துடுப்பெடுத்தாடிய பாகிஸ்தான் அணி, 282 ஓட்டங்களைப் பெற்றுக் கொள்ள, அவுஸ்ரேலிய அணி வெறுமனே 145 ஓட்டங்களில் சகல விக்கட்டுக்களையும் இழந்தது.

தொடர்ந்து 137 ஓட்டங்கள் முன்னிலையுடன் தமது இரண்டாவது இன்னிங்சிற்காக துடுப்பெடுத்தாடிய பாகிஸ்தான் அணி, 9 விக்கட்டினை இழந்து 400 ஓட்டங்களைப் பெற்றிருந்த போது, ஆட்டத்தினை இடைநிறுத்திக் கொண்டது.

இதனால் அவுஸ்ரேலிய அணிக்கு 538 வெற்றி இலக்காக நிர்ணயிக்கப்பட்டது. இந்த இலக்கை நோக்கி துடுப்பெடுத்தாடிய அவுஸ்ரேலிய அணி, 164 ஓட்டங்களில் சுருண்டு தோல்வியடைந்தது.

பாகிஸ்தான் அணியின் சார்பில் சிறப்பாக பந்து வீசிய மொஹம்மட் அப்பாஸ் போட்டியின் நாயகனாகவும், தொடரின் நாயகனாகவும் தெரிவானார்.

இரு அணிகளுக்கிடையில் முன்னதாக நடைபெற்ற முதலாவது டெஸ்ட் போட்டி வெற்றி தோல்வியின்றி நிறைவடைந்தமையும் குறிப்பிடத்தக்கது.
ஒரு கோடி ரூபாய் பணம் கொடுக்கின்றேன் மகளை விட்டுவிடு: யாழில் சம்பவம்!

ஒரு கோடி ரூபாய் பணம் கொடுக்கின்றேன் மகளை விட்டுவிடு: யாழில் சம்பவம்!

யாழ்ப்பாணத்தில் தற்போது பெண்களை வெளிநாட்டுக்கு மாப்பிள்ளைக்கு திருமணம் செய்து கொடுப்பது ஒரு கலாச்சாரமாக மாறிவிட்டது.

இதன் காரணமாக பெண்கள் காதலிக்கின்றாரோ இல்லையோ, அல்லது அவருக்கு இஷ்டமா என்று கூட கேட்காமல் திருமணம் செய்து வைக்கப்படுகின்றது.

இந்நிலையில் யாழில் ஒரு வர்த்தகர், தனது பிள்ளையின் காதலனுக்கு ஒரு கோடி ரூபாய் பணம் கொடுத்துவிட்டு மகளை மறந்துவிடும்படி சினிமா பாணியில் கூறிய சம்பவம் ஒன்று இடம்பெற்றுள்ளது.

யாழில் உள்ள பிரபல வர்த்தகரின் மகள் குறித்த வர்த்தக நிலையத்தில் விற்பனைப் பொருள் ஒன்றின் முகவராக தொழிற்படும் இளைஞனுடன் ஓட்டம் பிடித்தார்.

குறித்த மகளை லண்டன் மாப்பிளைக்கு திருமணம் முடித்துக் கொடுப்பதற்கு ஆயத்தமான நிலையிலேயே வர்த்தகரின் மகள் இளைஞனுடன் தலைமறைவாகினார்.

இதனையடுத்து குறித்த வர்த்தகர் எடுத்த கடும் முயற்சியின் பயனாக இளைஞனும் மகளும் கண்டுபிடிக்கப்பட்டனர்.

இதன் பின்னர் குறித்த இளைஞனுடன் நடந்த பேரம் பேசலில் மகளுக்குப் பதிலாக ஒரு கோடி ரூபாய் பணம் குறித்த இளைஞனுக்கு வர்த்தகரால் வழக்கப்பட்டதாகத் தெரியவருகின்றது.
விடுதலைப் புலிகளின் ஆயுதங்களையே பலர் பயன்படுத்தி வருகின்றனர் – அம்பலப்படுத்தினார் கோட்டா

விடுதலைப் புலிகளின் ஆயுதங்களையே பலர் பயன்படுத்தி வருகின்றனர் – அம்பலப்படுத்தினார் கோட்டா

விடுதலைப் புலி இயக்கத்திற்காக கொண்டுவரப்பட்ட ஆயுதங்களைப் பலர் பெற்றுக் கொண்டுள்ளதுடன், அந்த ஆயுதங்களையே, பாதாள உலகக் குழுவினர் பயன்படுத்தி வருவதாகவும், முன்னாள் பாதுகாப்புச் செயலாளர் கோட்டாபய ராஜபக்ஷ தெரிவித்துள்ளார்.

பாதுகாப்பு அமைச்சின் முன்னாள் செயலாளர் கோட்டாபய ராஜபக்ஷ இன்று (வெள்ளிக்கிழமை) முற்பகல் மீண்டும் விஷேட மேல் நீதிமன்றத்தில் முன்னிலையானார்.

மெதமுலன டீ.ஏ. ராஜபக்ஷ நினைவு நூதனசாலை நிர்மாணத்தில், 33 மில்லியன் ரூபாய் முறைக்கேடு செய்யப்பட்டமை உட்பட ஏழு குற்றச்சாட்டுகள் குறித்து குற்றப்பத்திரிகை தாக்கல் செய்யப்பட்டிருந்த நிலையில், இன்றைய வழக்கு விசாரணை இடம்பெற்றது.

குறித்த வழக்கு விசாரணைக்காக நீதிமன்றில் முன்னிலையான கோட்டாபய ராஜபக்ஷவிடம், ஸ்ரீலங்கா சுதந்திரக் கட்சியின் உறுப்பினர் ஒருவர் ஆயுதங்களுடன் கைது செய்யப்பட்டமை குறித்து ஊடகவியலாளர்கள் கேள்வி எழுப்பினர்.

இதற்கு பதிலளித்த கோட்டா, விடுதலைப் புலி இயக்கத்திற்காக கொண்டுவரப்பட்ட ஆயுதங்களைப் பலர் பெற்றுக் கொண்டுள்ளதாகவும், அந்த ஆயுதங்களையே, பாதாள உலகக் குழுவினர் பயன்படுத்தி வருவதாகவும் கூறினார்.

இந்த விடயம் தொடர்பில், பொலிஸார் விசாரணைகளை நடத்த வேண்டும் என்றும் அவர் கேட்டுக் கொண்டார்.

கோட்டாபய ராஜபக்ஷ கடந்த செப்டம்பர் மாதம் 10ஆம் திகதி முதன் முறையாக மூன்று நிதிபதிகளைக் கொண்ட நிரந்தர நீதாய மேல் நீதிமன்றில் முன்னிலையானமையும் குறிப்பிடத்தக்கது.
பொருளாதார தடைகளை தவிர்க்க வட கொரியா முறைகேடாக செயற்படுவதாக குற்றச்சாட்டு!

பொருளாதார தடைகளை தவிர்க்க வட கொரியா முறைகேடாக செயற்படுவதாக குற்றச்சாட்டு!

அமெரிக்கா உள்ளிட்ட நாடுகளின் பொருளாதாரத் தடைகளை தவிர்க்கும் வகையில் வட கொரியா முறைகேடான வகையில் சட்டவிரோத வர்த்தகத்தில் ஈடுபட்டு வருவதாக குற்றம்சுமத்தப்பட்டுள்ளது.

அத்துடன் ஐக்கிய நாடுகள் சபையின் தடைகளையும் மீறும் வகையில் அந்த நாடு செயற்படுவதாக அரசியல் ஆர்வலர்கள் குறிப்பிட்டுள்ளனர். வடகொரியாவின் அணுவாயுத திட்டத்தை கைவிடுவதற்கு அழுத்தம் கொடுப்பதற்காக இந்த தடைகள் விதிக்கப்பட்டிருந்தன.

நிலக்கரி, எரிபொருள் போன்ற முக்கிய மூலவளங்களை கொள்வனவு செய்வதற்காக, வடகொரியா அரசாங்கம் இத்தகைய மாற்று வழிமுறைகளை கையாண்டு வருகின்றது. குறிப்பாக சர்வதேச கடல் எல்லையில் வைத்து சட்டபூர்வமற்ற பல வர்த்தகங்கள் இடம்பெறுகின்றன.

வௌிநாட்டு எரிபொருள் கப்பல்கள் மற்றும் வடகொரிய கப்பல்களுக்கு இடையில் சட்டவிரோதமாக பண்டங்கள் பரிமாற்றப்பட்டு வருகின்றன. கடந்த காலங்களில் எரிபொருள் மற்றும் நிலக்கரி பரிமாற்றங்களில் பெரும் அதிகரிப்பு ஏற்பட்டுள்ளதாக ஐக்கிய நாடுகள் சபை தெரிவித்துள்ளது.

சர்வதேச தடைகள் காரணமாக தடைப்பட்டுள்ள இந்த மூலவளங்களை இறக்குமதி செய்வதற்கு இந்த மாற்று வழிமுறைகள் வடகொரியாவுக்கு பெரிதும் உதவுகின்றன.

இந்தநிலையில், எரிபொருள் கடத்தலில் ஈடுபட்டதாக 20 க்கும் மேற்பட்ட வடகொரிய கப்பல்கள் ஐ.நா.வின் தடைப்பட்டியலில் சேர்க்கப்பட்டுள்ளன. எனினும், உண்மையான அடையாளத்தை மறைத்தும் இந்த முறைகேடான வர்த்தகம் தொடர்ந்தும் இடம்பெறுகிறது.

இந்த தடைகளை மீறி செயற்படும் நிறுவனங்களை அம்பலப்படுத்த அமெரிக்காவும் பிற நாடுகளும் முயற்சித்து வருகின்றன. அத்துடன், இவ்வாறான தடைகள் காரணமாக வடகொரியாவின் 2017 ஆம் ஆண்டுக்கான வருமானத்தில் ஒரு பில்லியன் டொலர் இழப்பு ஏற்பட்டது.

இருந்த போதும் சட்டபூர்வமற்ற வர்த்தகம் காரணமாக அந்த நாடு வருடாந்தம் 200 மில்லியன் டொலர் வருமானமாக ஈட்டுவதாக தெரிவிக்கப்பட்டுள்ளது.

இதனிடையே, வடகொரிய அதிபர் கிம் ஜோங் உன்னுடன் அமெரிக்கா மேற்கொண்ட பேச்சுவார்த்தைகளை அடுத்து இந்த தடைகள் எதிர்காலத்தில் நீக்கப்படலாம் என்று எதிர்பார்க்கப்படுகிறது.

அதற்கு ஈடாக வடகொரிய அணுவாயுத செயற்பாட்டை கைவிடுவதற்கான ஒப்பந்தத்திற்கு இசைய வேண்டும் என்று எதிர்பார்க்கப்படுகிறது.

கடுமையான தடைகள் இருக்கின்ற தருணத்திலும் அவற்றை சமாளிக்கும் வழிமுறைகளை வட கொரியா கண்டறிந்து வைத்துள்ளமை உலக நாடுகளை மூக்கின் மேல் விரலை வைக்கச் செய்துள்ளது.
கணவனைக் கொலை செய்த குற்றச்சாட்டில் மலேசியாவில் பிரித்தானியப் பெண் கைது

கணவனைக் கொலை செய்த குற்றச்சாட்டில் மலேசியாவில் பிரித்தானியப் பெண் கைது

மலேசியவின் லங்காவி தீவில் கணவனைக் கொலைசெய்த குற்றச்சாட்டின்பேரில் பிரித்தானிய பெண்ணொருவர் கைது செய்யப்பட்டுள்ளார்.

ஜோன் வில்லியம் ஜோன்ஸ் என்பவரின் சடலம் வியாழக்கிழமை அதிகாலை அவரது வீட்டிலிருந்து கண்டெடுக்கப்பட்டதைத் தொடர்ந்து சந்தேகத்தின்பேரில் அவரது மனைவியான 62 வயது சமந்தா ஜோன்ஸ் என்ற பெண்மணி கைது செய்யப்பட்டுள்ளார்.

பிரித்தானியர்களான இவர்கள் இருவரும் கடந்த பத்து ஆண்டுகளாக மலேசியத் தீவான லங்காவியில் வசித்து வருவதாகத் தெரிவிக்கப்பட்டுள்ளது.

மலேசியாவிலுள்ள பிரித்தானிய அதிகாரிகள் மலேசிய அதிகாரிகளோடு தொடர்பில் உள்ளதாகவும் இறந்தவரின் குடும்பத்துக்கு தேவையான உதவிகள் வழங்கப்படுமெனவும் என பிரித்தானிய வெளியுறவுத்திணைக்கள செய்தித்தொடர்பாளர் ஒருவர் தெரிவித்தார்
வாக்கெடுப்பு ஒத்திவைப்பு : பலம்மிக்க பொலிஸ் தலைவரின் கொலை காரணம்?

வாக்கெடுப்பு ஒத்திவைப்பு : பலம்மிக்க பொலிஸ் தலைவரின் கொலை காரணம்?

ஆப்கானிஸ்தானில் நாளை நாடாளுமன்ற தேர்தல் நடைபெறவுள்ள நிலையில், கந்தஹார் மாகாணத்திற்கான வாக்கெடுப்புகள் ஒரு வாரத்திற்கு ஒத்திவைக்கப்பட்டுள்ளன.

கந்தஹார் மாகாணத்தின் பலம்மிக்க உள்ளூர் பொலிஸ் தலைமை அலுவலரான ஜெனரல் அப்துல் ராஸிக் என்பவர் சுட்டுக் கொல்லப்பட்டதையடுத்து இந்த தீர்மானம் வௌியிடப்பட்டுள்ளது. அவரது மெய்ப்பாதுகாப்பாளரால் அவர் நேற்று (வியாழக்கிழமை) சுட்டுக்கொல்லப்பட்டார்.

உயர்மட்ட பாதுகாப்புக் கூட்டத்தை அடுத்து தலிபான்களே இந்த தாக்குதலை நடத்தியதாக குற்றம்சுமத்தப்பட்டுள்ளது. இந்த திடீர் தாக்குதலின் போது, அமெரிக்க பாதுகாப்பு படைத்தளபதி ஜெனரல் ஸ்கொட் மில்லர் மயிரிழையில் தப்பித்துள்ளார்.

அத்துடன், உள்ளூர் புலனாய்வுத் தலைவர் ஒருவர் கொல்லப்பட்டதோடு, ஆளுனர் கடுமையாக காயமடைந்துள்ளார். அவர்களுடன் இருந்த மூன்று அமெரிக்கர்களும் பலத்த காயமடைந்துள்ளனர்.

இதனையடுத்து மக்களின் வேண்டுகோளுக்கு அமைய கந்தஹார் மாகாணத்திற்கான தேர்தல் வாக்கெடுப்புகள் ஒரு வாரத்திற்கு ஒத்திவைக்கப்பட்டுள்ளதாக ஜனாதிபதி அஷ்ரப் கானியின் பேச்சாளர் தெரிவித்துள்ளார்.

ஆப்கானிஸ்தானில் நாளை நாடளாவிய ரீதியாக பொதுத் தேர்தல் நடைபெறவுள்ள நிலையில், பாதுகாப்பு படையினர் ஏற்கனவே அங்கு நிலைகொண்டுள்ளனர். சுமார் 50 ஆயிரத்திற்கும் மேற்பட்ட பாதுகாப்பு தரப்பினர் தேர்தல் தினத்தில் பணியில் ஈடுபடுவார்கள் என்று தெரிவிக்கப்பட்டுள்ளது.

‘கொடூரமான பொலிஸ் தலைவர்’ என்று தலிபான்களால் வர்ணிக்கப்படும் ஜெனரல் ராஸிக், தேர்தலை மக்கள் புறக்கணிக்கும் நோக்கில் கொலை செய்யப்பட்டிருக்கலாம் என்று புலனாய்வாளர்கள் சந்தேகம் வௌியிட்டுள்ளனர்.