Monday, July 30, 2018

ஜோதிகா பிறந்த நாளில் ஸ்பெஷல் ரீட் !

share :

வித்யாபாலன் நடித்து ஹிந்தியில் வெளியான துல்ஹாரி சூலு படம் தமிழில், காற்றின் மொழி என்ற பெயரில் ரீமேக் ஆகியுள்ளது. ராதாமோகன் இயக்கி உள்ளார். 

தனஞ்செயன் தயாரித்துள்ளார். வித்யாபாலன் நடித்த கேரக்டரில் ஜோதிகா நடித்துள்ளார். அவரது கணவர் கேரக்டரில் விதார்த் நடித்துள்ளார். லட்சுமி மஞ்சு, எம்.எஸ்.பாஸ்கர், மனோபாலா உள்பட பலர் நடித்துள்ளார்.

இந்த படத்தின் படப்பிடிப்புகள் திட்டமிட்டபடி ஒரே ஷெட்யூலில் முடிந்திருக்கிறது. கடந்த 25-ம் தேதியுடன் ஜோதிகா நடித்த போர்ஷன் முடிந்தது. 

28ந் தேதியுடன் படப்பிடிப்பு முழுவதும் முடிந்தது. தற்போது படப்பிடிப்புக்கு பிந்தைய பணிகள் நடந்து வருகிறது. படம் வருகிற அக்டோபர் 18ந் தேதி ஜோதிகா பிறந்த நாள் அன்று வெளிவருகிறது.

"எல்லா பணிகளும் ஏற்கெனவே முன் திட்டமிடப்பட்டிருந்ததால் படப்பிடிப்பு எந்த பிரச்சினையும் இல்லாமல் குறிப்பிட்ட காலக் கெடுவுக்குள் முடிவடைந்தது. 

படத்திற்காக பிரமாண்ட பொருட்ச்செலவில் ரேடியோ ஸ்டேஷன் செட் போட்டிருந்தோம். இது படத்தில் பேசப்படுவதாக இருக்கும். தற்போது போஸ்ட் புரொடக்ஷ்ன் பணிகள் மும்முரமாக நடந்து கொண்டிருக்கிறது. 

அக்டோபர் 18-ம் தேதி படத்தை வெளியிட திட்டமிட்டிருக்கிறோம்" என்கிறார் தயாரிப்பாளர் தனஞ்செயன்.
share :

0 comments: