Wednesday, September 19, 2018

சர்ச்சைகளை ஏற்படுத்திய முப்படைகளின் பிரதானி ரவீந்திர விஜேகுணரட்ன நாடு திரும்பினார்

முன்னாள் கடற்படைத் தளபதியும் தற்போதைய பாதுகாப்புப் பணியாளர்களின் பிரதானியுமான ரவீந்திர விஜேகுணரத்ன, இன்று (19) அதிகாலை, நாடு திரும்பினார்.

டோஹாவிலிருந்து கட்டுநாயக்கா நோக்கி வந்த கட்டார் விமானச் சேவைக்குச் சொந்தமாக கிவ்.ஆர் 668 ரக விமானத்தினூடாக, இன்று அதிகாலை 1.45 மணிக்கு, அவர் நாடு திரும்பினார்.


சி.ஜ.டி விசாரணையை எதிர்கொண்டிருந்த வேளையில் மெக்சிக்கோவிற்கு கடந்த வாரம் சென்றதன் மூலம் சர்ச்சைகளை ஏற்படுத்திய முப்படைகளின் பிரதானி ரவீந்திர விஜேகுணரட்ன நாடு திரும்பியுள்ளார்.

கொழும்பில் தமிழ் இளைஞர்கள் கடத்தப்பட்டமை தொடர்பில் முக்கிய குற்றவாளி என கருதப்படும் நபரிற்கு அடைக்கலம் கொடுத்தார் என முப்படைகளின் பிரதானி சி.ஐ.டி.யினரால் குற்றம்சாட்டப்பட்டுள்ளார்.

இந்நிலையில் அவரிடமிருந்து வாக்குமூலமொன்றை பெறுவதற்காக அவரிற்கு சி.ஐ.டி.யினர் அழைப்பு விடுத்திருந்த வேளை அவர் மெக்சிக்கோ சென்றமை பெரும் அரசியல் சர்ச்சையை ஏற்படுத்தியிருந்தது.

மேலும் முப்படைகளின் பிரதானியை கைதுசெய்வது தொடர்பாக அரசாங்கத்திற்குள் இரு வேறு கருத்துக்கள் நிலவுவதும் குறிப்பிடத்தக்கது.
SHARE:

0 comments: