Friday, October 12, 2018

பிரம்மாண்டமான முறையில் நடைபெற்ற ராணி இரண்டாம் எலிசபெத்தின் மகன் வழிப் பேத்தியின் திருமணம்

பிரித்தானிய மகாராணி எலிசபெத்தின் பேத்தியான இளவரசி யூஜீனி, தனது நீண்ட காதலனான ஜெக் ப்ரூக்ஸ்பேங்க்கை இன்று (வெள்ளிக்கிழமை) கரம்பிடித்தார்.

புனித ஜோர்ஜியஸ் தேவாலயத்தில் திருமண பந்தத்தில் இணைந்த பிரித்தானிய அரச தம்பதியர், குதிரை வண்டியில் வலம் வந்துள்ளனர்.

இதனை தொடர்ந்து மகாராணியின் தலைமையில் புதிய தம்பதியினருக்கு வரவேற்பு நிகழ்வு நடைபெறவுள்ளது.

அரசகுடும்பத்தினர், விருந்தினர்கள், நலன்விரும்பிகள், பாடகர்கள், நடிகர்கள் மற்றும் விளையாட்டு வீரர்கள் என பல பிரபலங்களும் இத்திருமணத்தில் கலந்துகொள்ளவுள்ளனர்.

அத்துடன் பொதுமக்களில் இருந்து வாக்கெடுப்பின் மூலம் தெரிவுசெய்யப்பட்ட ஆயிரத்து 200 பேர் கோட்டை முற்றத்திலிருந்து நேரடி ஒளிபரப்பின மூலம் திருமணத்தை கண்டுகளித்தனர்.

இந்த ஆண்டில் மிகவும் பிரமாண்டமாக நடைபெற்ற இரண்டாவது அரசகுடும்பத் திருமணம் இதுவென்பது குறிப்பிடத்தக்கது.

இளவரசி யூஜினி எலிசபெத் மகாராணியின் மூன்றாவது மகானான இளவரசர் அன்ட்ரூவின் முன்னாள் மனைவியின் மகள் என்பதும் சுட்டிக்காட்டத்தக்கது.

SHARE:

0 comments: