Saturday, June 2, 2018

வவுனியாவில் வீடு புகுந்து வாள்வெட்டு தாக்குதல் : ஒருவர் படுகாயம் - பொருட்கள் சேதம்

வவுனியாவில் வீடு புகுந்து வாள்வெட்டு தாக்குதல் : ஒருவர் படுகாயம் - பொருட்கள் சேதம்



வவுனியா கூமாங்குளம் பிள்ளையார் கோவில் வீதியில் அமைந்துள்ள வீடொன்றில் இன்று (02.06.2018) இரவு 9.00 மணியளவில் மேற்கொள்ளப்பட்ட வாள்வெட்டு தாக்குதலில் ஒருவர் படுகாயமடைந்து வைத்தியசாலையில் அனுமதிக்கப்பட்டதுடன் மோட்டார் சைக்கிள் தீக்கிரையாக்கப்பட்டுள்ளது. பொருட்களும் சேதமாக்கப்பட்டுள்ளது.

வவுனியா கூமாங்குளம் பிள்ளையார் வீதியுள்ள வீடொன்றில் இரவு 9.00 மணியளவில் பட்டா வாகனத்தில் வந்த 15க்கு மேற்பட்ட இனந்தெரியாத நபர்கள் வீட்டு வளாகத்திற்குள் சென்று அங்கு நின்ற 32 வயதுடைய இளைஞன் மீது வாள்வெட்டு தாக்குதல் மேற்கொண்டதுடன் அங்கு நிறுத்தி வைக்கப்பட்டிருந்த மோட்டார் சைக்கிலினை தீயிட்டு கொழுத்தி வீட்டின் யன்னல் கண்ணாடி மீது தாக்குதல் மேற்கொண்டுள்ளனர்.

 மேலும் கதவினையுடைத்து சுமார் 7லட்சம் ரூபா பணத்தினை கொள்ளையடித்துச் தப்பித்துச் சென்றுள்ளனர் என்று வீட்டின் உரிமையாளர் தெரிவித்துள்ளார்.

இதன் போது வீட்டினுள் யன்னல் அருகில் உறங்கிக்கொண்டிருந்த 2மாத கைக்குழந்தை தயார் கட்டிப்பிடித்து காப்பாற்றியதனால் மயிரிழையில் குழந்தைக்கு எதுவித பாதிப்புமின்றி தப்பித்துள்ளது.

இந்நிலையில் காயமடைந்த குறித்த இளைஞன் சிகிச்சைக்காக வவுனியா மாவட்ட பொது வைத்தியசாலையில் அனுமதிக்கப்பட்டுள்ளார்.

இச் சம்பவம் தொடர்பான மேலதிக விசாரணை வவுனியா பொலிஸார் மேற்கொண்டு வருகின்றனர்.

இதேவேளை இன்று தவசிகுளம் மற்றும் கூமாங்குளம் பகுதியில் இளைஞர் குழுக்கள் இரண்டுக்கிடையில் ஏற்பட்ட கோஷ்டி மோதலில் சுந்திரமூர்த்தி என்கின்ற 36 வயதுடைய இளைஞன் மீது வாளால் வெட்டியதில் குறித்த இளைஞன் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார் என்பதும் குறிப்பிடத்தக்கது.
வடமராட்சி கிழக்கில் தென்னிலங்கை மீனவர்களுடன் முறுகல்!

வடமராட்சி கிழக்கில் தென்னிலங்கை மீனவர்களுடன் முறுகல்!

வடமராட்சி கிழக்கில் கடற்தொழிலாளர்களால் முன்னெடுக்கப்படவிருந்து சுமந்திரன் மற்றும் சுமந்திரனின் சொம்புகளால் தடுத்து நிறுத்தப்பட்டுள்ளது.

இன்று சனிக்கிழமை தென்னிலங்கை மீனவர்கள் வாடி அமைத்து இருக்கும் இடத்திற்குச் சென்ற தமிழ் கடற்தொழிலாளர்கள் அங்கு தென்னிலங்கை மீனவர்களை வெளியேறுமாறு வார்ய்த் தக்கத்தில் ஈடுபட்டனர். இது தொடர்பான விபரங்களை முழுமையாகக் காணொளியில் பார்வையிடலாம்.
ரணிலின் பரிசு:காணாமல் போனோர் அலுவலகம்!

ரணிலின் பரிசு:காணாமல் போனோர் அலுவலகம்!


இலங்கை அரசினை ஜெனீவாவில் காப்பாற்றும் வேலைத்திட்டத்தை வேகமாக முன்னெடுக்கவே காணாமல் ஆக்கப்பட்டவர்கள் அலுவலகத்தின் பணிகள் முடக்கிவிடப்பட்டுள்ளது. கடந்த மூன்று ஆண்டுகளாக ஜெனீவாவிலிருந்து ரணில் மைத்திரி அரசை காப்பாற்ற முன்னின்று செயற்படுபவராக நிமல்கா உள்ளார்.இவரை போன்றவர்களை உள்ளடக்கி அமைக்கப்பட்டுள்ள அலுவலகம் இலங்கை அரசினது நன்றிக்கடனை தீர்க்கும் நடவடிக்கையன்றி தமிழ் மக்களிற்கு தீர்வுதரும் விடயமல்லவென அவதானிகள் தெரிவிக்கின்றனர்.

இதனிடையே காணாமல் போயுள்ள 100 பேரையாவது வெளிக்கொண்டு வாருங்கள் அல்லது இராணுவத்திடம் கையளித்து காணாமல் ஆக்கப்பட்டவர்களது பெயர்ப்பட்டியலை வெளியிடுங்கள் அவ்வாறு செய்தால் காணாமல் ஆக்கப்பட்டோர் தொடர்பான அலுவலகத்தின் மீது நம்பிக்கை கொள்வோம் என காணாமல் ஆக்கப்பட்டவர்களது உறவுகள் சவால் விடுத்துள்ளன.
முல்லைத்தீவு மாவட்டத்தில் காணமல் போனோர் அலுவலகத்தின் அமர்வு இன்று நடைபெற்றிருந்த நிலையில் இந்த அலுவலகம் எமக்கு தேவையில்லை எனவும் இந்த அலுவலகத்துக்கு எதிர்ப்பு தெரிவித்தும் காணாமல் ஆக்கபப்ட்டவர்களின் உறவுகள் காலை 8.30 தொடக்கம் மாவட்ட செயலகம் முன்பாக கவனயீர்ப்பில் ஈடுபட்டு வந்திருந்தன.

இவர்களின் போராட்டத்தை பார்வையிட்ட்டவாறு மாவட்ட செயலகத்துக்குள் நுழைந்த காணாமல் போனோர் அலுவலக தலைவர் உள்ளிட்ட அணியினர் வந்து குறித்த போராட்டத்தில் ஈடுபட்ட மக்களுடன் கலந்துரையாடினர்.
இதன்போது குறித்த மக்களுடன் கலந்துரையாடிய காணாமல் போனோர் அலுவலக தலைவர் உள்ளிட்ட அணியினர் அவர்களை குறித்த கலந்துரையாடலில் கலந்துகொண்டு அவர்களது கருத்துக்களை தெரிவிக்குமாறு இருப்பினும் உறவுகள் அதற்க்கு மறுப்பு தெரிவித்த நிலையில் தாங்கள் தமது கலந்துரையாடலை நிறைவு செய்து மீண்டும் தாங்கள் போராட்டம் நடத்தும் இடத்தில் வந்து தங்களுடன் கலந்துரையாடுவதாக தெரிவித்து சென்றனர்.


இதனை தொடர்ந்து அவர்களுடைய போராட்டத்தை தொடர்ச்சியாக முன்னெடுத்தனர்.

இதனை தொடர்ந்து மாவட்ட செயலகத்துக்குள் காணமல் போனோர் அலுவலகத்தின் தலைவர் சாலிய பீரிஸ் மற்றும் நிமல்;கா பெர்னாண்டோ,ஜெயதீபா புண்ணியமூர்த்தி ,கணபதிப்பிள்ளை வேந்தன், எஸ் லியனகே மிராக் ரகீம், மொகென்ரி பீரிஸ் உள்ளிட்ட அதிகாரிகள் கலந்துகொண்டு உறவுகளின் கருத்துக்களை கேட்டறிந்தனர் குறித்த சந்திப்பில் சுமார் 50 பேர் வரை கலந்துகொண்டு கருத்து தெரிவித்தனர்.

இதனை தொடர்ந்து காணமல் போனோர் அலுவலகத்தின் தலைவர் சாலிய பீரிஸ் உள்ளிட்ட அணியினர் போராட்டத்தில் ஈடுபட்ட மக்களை சென்று சந்தித்தனர்.
இதன்போது போராட்டத்தில் ஈடுபட்டு வந்த மக்கள் நாங்கள் சுமார் பத்து வருடங்களாக வீதிகளில் போராடிவருகிறோம் பல்வேறு ஆணைக் குழுக்களுக்கள் முன் சாட்சியமளித்தோம் எல்லாமே எமக்கு கண்துடைப்பாகவே இடம்பெறுகிறது எனவே இந்த அலுவலகத்தையும் நாம் நம்ப தயாராக இல்லை என தெரிவித்தனர்.

இந்த அலுவலகம் தொடர்பான பூரண விளக்கங்களை காணமல் போனோர் அலுவலகத்தின் தலைவர் சாலிய பீரிஸ் அவர்கள் வழங்கியபோது மக்கள் அந்த அலுவலகம் மீது நம்பிக்கை அற்றவர்களாக அலுவலகத்தை தாம் நம்புவதாக இருப்பின் காணமல் ஆக்கப்பட்ட எமது உறவுகள் 100 பேரையாவது வெளிக்கொண்டு வந்து எமக்கு காட்டுங்கள் அல்லது இராணுவத்திடம் கையளித்து காணாமல் ஆக்கப்பட்டவர்களது பெயர்ப்பட்டியலை வெளியிடுங்கள் அதன் பின்னர் உங்கள் அலுவலகத்தை நம்புகிறோம் என தெரிவித்தனர்.

மக்கள் கூறிய விடயங்களை கருத்திலெடுப்பதாக தெரிவித்து அவர்களுடன் கலந்துரையாடி சென்றதை அடுத்து போராட்ட காரர்களும் கலைந்து சென்றிருந்தனர்.

சரணடைந்தவர்களின் விபரம் வெளியிட முடியும் - காணாமல் போனவர்கள் அலுவலக தலைவா்

சரணடைந்தவர்களின் விபரம் வெளியிட முடியும் - காணாமல் போனவர்கள் அலுவலக தலைவா்



2009ம் ஆண்டு இறுதி யுத்தத்தில் இலங்கை அரச படைகளிடம் சரணடைந்தவா்கள் குறித்த விபரங்களை வழங்குமாறு தம்மிடம் கேட்டால் அதனை எழுத்துமூலம் வழங்க தாம் தயாராக உள்ளதாக காணாமல் போனவா்கள் அலுவலக தலைவா் சாலிய பீரிஸ் கூறியுள்ளார்.

 முல்லைத்தீவு மாவட்டத்திற்கு இன்று விஜயம் மேற்கொண்ட காணாமல்போனவர்கள் அலுவலகம் 2ஆம் கட்ட செயற்பாடுகளை மேற்கொண்டிருந்தது.

இதனை எதிர்த்து முல்லைத்தீவு மாவட்டத்தில் உள்ள காணாமல் ஆக்கப்பட்டவர்களின் உறவினர்கள் போராட்டம் நடத்தியதுடன், 2009ம் ஆண்டு போரின் இறுதியில் இலங்கை அரச படைகளிடம் சரணடைந்தவர்களின் பெயர் பட்டியலை வெளியிடுமாறும், அதற்கு பின்னர் சாட்சியமளிக்க தாம் தயார் எனவும் கூறியிருக்கின்றனர்.

காணாமல் ஆக்கப்பட்டவர்களின் உறவினர்களுடைய மேற்படி கூற்று தொடர்பாக பதிலளிக்கும் போதே சாலிய பீரிஸ் மேற்கண்டவாறு கூறியுள்ளார். இது தொடர்பாக மேலும் அவர் கூறுகையில்,

“காணாமல்போனவர்களுடைய உறவினர்களின் உணர்வுகளை நான் நன்றாக புரிந்து கொள்கிறேன்.
 அதேபோல் காணாமல்போனவர்களை கண்டறியலாம். கடந் த காலங்களில் இடம்பெற்ற காணாமல்போனவர்கள் தொடர்பான ஆணைக்குழுக்களைபோல் அல்லாது காணாமல்போனவர்கள் அலுவலகம் அமையாது. அதனை மக்கள் நம்பவேண்டும்” - என்றார்.
தீயிட்டு கொழுத்துவோம்: தென்னிலங்கை மீனவர்கள் சவால்!

தீயிட்டு கொழுத்துவோம்: தென்னிலங்கை மீனவர்கள் சவால்!



வடமராட்சி கிழக்கில் மாபெரும் கண்டண ஆர்ப்பாட்டமொன்றிற்கு இன்று சனிக்கிழமை மக்கள் தயாராகியிருந்த நிலையில் அவசர அவசரமாக களமிறங்கிய எம்.ஏ.சுமந்திரனின் கால அவகாசம் கோரி அதனை முடக்கியுள்ளார்.

இதனிடையே தம்மை வெளியேற்ற முற்பட்டால் உள்ளுர் மீனவர்களையும் அவர்களிற்கு தலைமை தாங்கிவரும் கே.சிவாஜலிங்கம் உள்ளிட்ட அனைவரையும் தீயிட்டு எரிக்கப்போவதாக தென்னிலங்கை மீனவர்கள் எச்சரித்துள்ளனர்.

வடமராட்சி கிழக்கு தாளையடி கடற்பரப்பில் நூற்றுக் கணக்கான கொட்டகைகளை அமைத்து வெளி மாவட்ட மீனவர்கள் அத்தமீறி கடலட்டை பிடித்துவருகின்றனர்.புத்தளம் மற்றும் உடப்பு பகுதிகளில் இருந்து வந்து அட்டைத் தொழிலை ஆயிரத்து 500க்கும் மேற்பட்டவர்கள் மேற்கொண்டு வருகின்றனர்.

இதனால் வடமராட்சி கிழக்கு மீனவர்களின் வாழ்வாதாரம் பாதிக்கப்பட்டுள்ளது.எனவே குறித்த அட்டை வாடிகள் அகற்றப்பட வேண்டுமெனக் கோரியே இன்று கண்டண ஆர்ப்பாட்டம் மேற்கொள்ளப்பட திட்டமிடப்பட்டிருந்தது.
இந்நிலையில் அவசர அவசரமாக அங்கு வந்திருந்த எம்.ஏ.சுமந்திரன் நாளை தான் மீன்பிடி அமைச்சரை சந்திப்பதாகவும் தீர்வை பெற்றுத்தருவதாகவும் உறுதி கூறியிருந்தார்.
இதனிடையே அதன் பின்னரும் தீர்வில்லையெனில் புதன் கிழமை முதல் பிரதேச செயலகத்தை முடக்கும் போராட்டத்தை ஆரம்பிக்கப்போவதாக மீனவர்கள் எச்சரித்திருந்தனர்.
இதனிடையே ஏ.சுமந்திரன் இன்றைய போராட்டத்தை முடக்கவே அங்குவருகை தந்திருந்ததாக மீனவ அமைப்பினர் குற்றஞ்சாட்டியிருந்தனர்.

சந்திப்பின் பின்னர் தென்னிலங்கை மீனவர்களை அங்கிருந்த வெளியேறுமாறு கே.சிவாஜிலிங்கம் தலைமையில் சென்ற மீனவர்கள் கோரியபோதே அனைவரையும் தீவைத்து கொழுத்தப்போவதாக ஆயிரக்கணக்கில் திரண்டு வந்த தென்னிலங்கை மீனவர்கள் மிரட்டியதாக வடமாகாண கடற்றொழில் மீனவ சம்மேளனத்தலைவர் வே.தவச்செல்வம் பதிவு இணையத்திற்கு தெரிவித்தார்.

இதேவேளை வழமை போல சுமந்திரனின் சொம்புகள் கடற்றொழில் திணைக்களத்தை முடக்க அவர் எச்சரிக்கை விடுத்திருப்பதாக செய்திகளை பரப்புவது போராடும் மக்களை முடக்கும் சதியேயென வடமராட்சி கிழக்கு மீனவ சங்கப்பிரதிநிதிகள் குற்றஞ்சுமத்தியுள்ளனர்.   

320,000 யூரோ ஏலத்தில் விற்கப்பட்டது உலகின் மிகப்பெரிய முத்து!!

320,000 யூரோ ஏலத்தில் விற்கப்பட்டது உலகின் மிகப்பெரிய முத்து!!

சிலீப்பிங் லயன் என்று அழைக்கப்படும் உலகின் மிகப்பெரிய நன்னீர் முத்து, நெதர்லாந்து நாட்டில் 320,000 யூரோக்களுக்கு ($ 374,000) ஏலத்தில் விற்கப்பட்டுள்ளது.

இந்த முத்து, இது 7cm (2.75in) நீளம் மற்றும் 153g (5.4oz) க்கும் அதிகமான எடையைக் கொண்டுள்ளது. குறித்த முத்து  கேதரின் தி கிரேட் என்பவருக்குச் சொந்தமானது.

240 ஆண்டுகளின் பின்னர் இந்த முத்து முதல் முதலாக ஏலத்திற்கு விடப்பட்டது என ஹேக்கின் விண்டூஹூயிஸ் ஏல வீடு கூறுகிறது.

சிலீப்பிங் சிங்கம் 1700 மற்றும் 1760 ஆம் ஆண்டுகளுக்கு இடையில் சீனா நன்னீர் ஆற்றில் உருவானதாக கருதப்படுகிறது. இது இயற்கையாக உருவானது.

விண்டூஹூயிஸ் பட்டியலின் படி, சிலீப்பிங் சிங்கம் டச் ஈஸ்ட் இந்தியா கம்பெனி மூலம் ஐரோப்பாவிற்கு வந்தது எனக் கூறப்படுகிறது.


ஹென்றிக் கோனராட் சாண்டர், நிறுவனத்தின் கணக்காளர் ஜெனரல், ஸ்லீப்பிங் லயன் முதல் ஐரோப்பிய உரிமையாளர் என்று கருதப்பட்டது.

அவரது இறப்பைத் தொடர்ந்து, 1778 ஆம் ஆண்டில் இந்த முத்து ஆம்ஸ்டர்டாமில் ஏலமிட்டது மற்றும் ரஷ்ய பேரரசி கேதரின் தி கிரேட் வாங்கினார்.

1979 ஆம் ஆண்டில் ஆம்ஸ்டர்டாம் பேர்ல் சொஸைட்டால் வாங்கப்பட்டதற்கு முன்னர், வர்த்தகர்கள், நகைக்கடைகள் மற்றும் உயர்குடிப்பாளர்களால் சொந்தமான ஐரோப்பாவைச் சுற்றியுள்ள அடுத்த இரண்டு நூற்றாண்டுகள் இந்த முத்து சுற்றி வந்துள்ளது.
கடத்தப்பட்ட 8 மாதக் குழந்தை புதுக்குடியிருப்பில் மீட்பு! கடத்தியவர் கைது!

கடத்தப்பட்ட 8 மாதக் குழந்தை புதுக்குடியிருப்பில் மீட்பு! கடத்தியவர் கைது!

வவுனியா குச்சென் வீதியில் கடந்த 31ஆம் நாள் கடத்தப்பட்ட 8 மாதக் குழந்தை மீட்கக்பட்டுள்ளது. இன்று சனிக்கிழமை மதியம் முல்லைத்தீவு, புதுக்குடியிருப்பில் குறித் குழந்தை மீட்க்கப்பட்டதோடு, குழந்தையைக் கடத்திய நபர்களைக் காவல்துறையினர் கைது செய்துள்ளனர்.

வெளிநாட்டில் உள்ள குறித்த குழந்தையின் தந்தை குழந்தையை செல்பேசியில் காண்பிக்க தாய் மறுத்ததன் காரமாகவே குழந்தையைக் கடத்த நோிட்டது எனவும் குழந்தை சுகமாகவும் பத்திரமாகவும் இருப்பதாக காவல் நிலையத்திற்கு செல்பேசி மூலம் வழங்கிய தகவலைத் தொடர்ந்தே புதுக்குடியிருப்பிப்புப் பகுதியில் குறித்த குழந்தை மீட்கப்பட்டது.

வவுனியா குட்செட் வீதியில் 1ம்  ஒழுங்கையில் உள்ள வீடொன்றினுள் புகுந்த மர்ம கும்பல் தாயின் அரவணைப்பிலிருந்த 8 மாத ஆண்குழந்தையான வானிஷன் எனும் குழந்தையை கடந்த (31.05.2018) அதிகாலை 2.00 மணியளவில் வெள்ளை வேன் ஒன்றில் வந்த நபர்கள் கடத்திச் சென்றனர்.

குறித்த குழந்தையின் தந்தை வெளிநாடு ஒன்றில் வசித்து வருவதாகவும், தாயிற்கும் தந்தைக்கும் இடையில் கருத்து முரண்பாடுகள் இருப்பதாகவும்,  இருவரும் பிரிந்து வாழ்வதுடன் தந்தை குழந்தையை கடத்துவதாக எச்சரிக்கை விடுத்திருந்தார் என குழந்தையின் தாயார் தெரிவித்திருந்தமை நினைவூட்டத்தக்கது.
தொடர்ந்து முறுகலில் வவுனியா பேரூந்து நிலையம்?

தொடர்ந்து முறுகலில் வவுனியா பேரூந்து நிலையம்?


வவுனியா புதிய பேரூந்து நிலையத்தினை சுமூகமாக இயக்குவது தொடர்பில் தொடர்ந்தும் குழப்ப நிலை நீடிக்கின்றது.

நேற்றைய தினமான யூன் முதலாம் திகதி முதல் இணைந்த பஸ் சேவையை மேற்கொள்வதற்கு வடமாகாணசபையினால் அறிவுறுத்தல் வழங்கப்பட்டுள்ளது.

இந்நிலையில் தனியார் பேரூந்து சேவையை ஆரம்பிக்க ஏதுவாக புதிய பேரூந்து நிலையம் சென்றபோது இ.போ.ச சாரதிகள் மற்றும் தனியார் பேரூந்து சாரதிகளிடையே முரண்பாடு ஏற்பட்டுள்ளது.அதனையடுத்து இணைந்த சேவை மேற்கொள்வதில் குழப்ப நிலை ஏற்பட்டுள்ளது.

இணைந்த சேவை மேற்கொள்ளுவதற்கான அறிவித்தல் தலைமை அலுவலகத்திலிருந்து வழங்கப்படவில்லை என இ.போ.ச ஊழியர்கள் தரப்பில் தெரிவிக்கப்பட்டுள்ளது. இந் நிலையில் தனியார் , இ.போ.ச பேரூந்துனள் பேரூந்து நிலையத்தில் தரித்து நிறுத்தாமல்; நிலையத்திற்கு முன்பாக வெளிசெல்லும் பாதையில் தரித்து பயணிகளை ஏற்றி வருகின்றனர்.

இதன் போது, தனியார் பேரூந்து ஒன்று பஸ் நிலையத்தில் வெளிச்செல்லும் பாதையூடாக உட்செல்ல முயன்ற சமயத்தில் மீண்டுமொரு குழப்ப நிலை ஏற்பட்டது.

தமது பயணங்களை மேற்கொள்ளச் சென்ற பயணிகள் பெரும் இக்கட்டான நிலையிலுள்ளதுடன், இணைந்சேவை மேற்கொள்வதில் இழுபறி நிலை காணப்படுகின்றது.தற்போது, காவல்துறை; பாதுகாப்பு கடமையில் ஈடுபட்டுள்ளனர். எனினும்இ.போ.ச , தனியார்  பேரூந்து பிரச்சினை சுமுகநிலைக்கு வரவில்லை.

இரு தரப்புக்களின் பின்னாலும் அரசியல் சக்திகள் உள்ளதுடன் அவை முதலமைச்சரிற்;கு இவ்விடயத்தில் தலையிடியை கொடுக்க முற்பட்டுள்ளதாக சொல்லப்படுகின்றது. 

உயிரிழந்த ரஷ்ய விமானி 30 ஆண்டுகளுக்குப் பின் நாடு திருப்பினார்! அதிர்ச்சியில் குடும்பம்

உயிரிழந்த ரஷ்ய விமானி 30 ஆண்டுகளுக்குப் பின் நாடு திருப்பினார்! அதிர்ச்சியில் குடும்பம்

ஆப்கானிஸ்தானுக்கும் ஒருங்கிணைந்த சோவியத் ரஷியாவுக்கும் இடையே கடந்த 1979 முதல் 1989-ம் ஆண்டு வரை போர் நடந்தது. 10 ஆண்டுகளுக்கு பிறகு அதாவது 1989-ம் ஆண்டு போர் முடிவுக்கு வந்தது.

சோவியத் ரஷிய படைகள் வாபஸ் பெறப்பட்டன. அப்போது 300 வீரர்கள் மாயமாகிவிட்டதாக அறிவிக்கப்பட்டது. இந்த நிலையில் 30 வீரர்கள் மட்டும் தங்களது நாட்டுக்கு திரும்பிவிட்டனர். மற்றவர்கள் கதி என்ன என்று தெரியாமல் இருந்தது. அவர்கள் போரில் இறந்து இருக்கலாம் என கருதப்பட்டது.

இதற்கிடையே 30 ஆண்டுகளுக்கு பிறகு விமானி ஒருவர் ரஷியா திரும்பினார். அவரது பெயர் செர்ஜி பேன்டலிக். தெற்கு ரஷியாவின் ரோஸ்டல் மாகாணத்தை சேர்ந்த இவர் வடக்கு காபூலில் பக்ராம் விமான படை தளத்தில் முகாமிட்டிருந்தார். அங்கிருந்து புறப்பட்ட போது அவரது போர் விமானம் சுட்டு வீழ்த்தப்பட்டது. எனவே அவர் இறந்து இருக்கலாம் என கருதப்பட்டது.

ஆனால், அவர் மரணம் அடையவில்லை. தற்போது உயிருடன் திரும்பிவிட்டார். மாயமான போது அவரது வயது 30. தற்போது இவருக்கு 60 வயதாகிறது.

இவருக்கு 31 வயதில் ஒரு மகள் இருக்கிறார். இவர் காணாமல் போன சில மாதங்களுக்கு முன்பு தான் பிறந்தாள். இவரது தாயாரும், தங்கையும் இன்னும் உயிருடன் உள்ளனர். அவரை பார்த்ததும் குடும்பத்தினர் கட்டித் தழுவி ஆனந்த கண்ணீர் விட்டனர்.

தனது இறுதி காலத்தை ஆப்கானிஸ்தானில் தங்கி கழிக்க போவதாக விமானி பான்டலுக் தெரிவித்தார். ஏனெனில் ஆப்கானிஸ்தான் மக்கள் மிகவும் அன்பானவர்கள். உபசரிப்பதில் சிறந்தவர்கள் என்றார்.
காணாமல் போனோர் தொடர்பான அலுவலகத்தினை புறக்கணித்து போராட்டம்!

காணாமல் போனோர் தொடர்பான அலுவலகத்தினை புறக்கணித்து போராட்டம்!


இலங்கை அரசினால் தோற்றுவிக்கப்பட்டுள்ள காணாமல் போனோர் தொடர்பான அலுவலகத்தினை புறக்கணித்து முல்லைதீவில் வலிந்து காணாமல் ஆக்கப்பட்டோரது குடும்பங்கள் போராட்டத்தை முன்னெடுத்துவருகின்றன.

காணாமல் போனோர் தொடர்பான அலுவலக பணிகள் இன்று 2ம் திகதி முல்லைத்தீவிலும் 13ஆம் திகதி திருகோணமலையிலும் 23ஆம் திகதி கிளிநொச்சியிலும் பொதுமக்கள் சந்திப்புக்களை மேற்கொள்ள உள்ளதாக ஏற்கனவே அறிவிக்கப்பட்டிருந்தது.

அதேநேரம், காணாமல்போனார் தொடர்பான அலுவலகத்தின் 12 பிராந்திய காரியாலயங்களில் 8 காரியாலயங்கள் வடக்கு, கிழக்கு மாகாணங்களில் அமைக்கப்படவுள்ளன.

யாழ்ப்பாணம் கிளிநொச்சி முல்லைத்தீவு மன்னார் வவுனியா மட்டக்களப்பு திருகோணமலை அம்பாறை ஆகிய வடக்கு - கிழக்கு மாவட்டங்களிலும், கண்டி, குருநாகல், மொனராகலை மற்றும் மாத்தறை ஆகிய ஏனைய மாவட்டங்களில் இந்தப் பிராந்திய காரியாலயங்கள் அமைக்கப்படவுள்ளதாக அறிவிக்கப்பட்டிருந்தது.

இந்நிலையில் இன்றைய அமர்வை புறக்கணித்துள்ள முல்லைதீவு மாவட்ட வலிந்து காணாமல் ஆக்கப்பட்டோரது குடும்பங்கள்  காணாமல் போனோர் தொடர்பான அலுவலகத்தின் அதிகாரிகளது அழைப்பினையும் நிராகரித்திருந்தனர்.

முன்னதாக மக்கள் சந்திப்பிற்காக வருகை தந்திருந்த காணாமல் போனோர் தொடர்பான அலுவலகத்தின் அதிகாரிகள் வெளியே கவன ஈர்ப்பு போராட்டத்திலீடுபட்டுள்ள மக்களை சந்தித்துப்பேசினர்.

போராட்டத்திலுள்ளவர்கள் அமர்வினில் தமது நிலைப்பாட்டை வெளிப்படுத்த அழைப்பு விடுத்த போதும் அவர்கள் அதனை நிராகரித்திருந்தனர்.

இந்நிலையில் மக்கள் சந்திப்பின் பின்னராக போராட்டகாரர்களை சந்தித்து அவர்களது நிலைப்பாட்டை பதிவு செய்வதாகள காணாமல் போனோர் தொடர்பான அலுவலகத்தின் அதிகாரிகள் தெரிவித்துள்ளனர்.

இதனையடுத்து அவர்களது வருகையினை எதிர்பார்த்தும் தமது புறக்கணிப்பினை வெளிப்படுத்தவும் மக்கள் தொடர்ந்தும் கவனயீர்ப்பு போராட்டத்தில் ஈடுபட்டுவருகின்றனர்.

பிரெஞ்சு நாடாளுமன்றத்தில் நடைபெற்ற ஈழத்தமிழர் மாநாடு

பிரெஞ்சு நாடாளுமன்றத்தில் நடைபெற்ற ஈழத்தமிழர் மாநாடு

கடந்த வியாழக்கிழமை 31.05.2018 அன்று ' ஈழத்தமிழர்கள் இறைமையுள்ள மக்களா?' என்ற தலைப்பில் பிரெஞ்சு நாடாளுமன்ற மண்டபத்தில் இந்த மாநாடு இடம்பெற்றது.

கம்யூனிஸ்ட்கட்சி நாடாளுமன்ற உறுப்பினரும், தமிழ் மக்கள்  நலன் பேணும் நாடாளுமன்ற உறுப்பினர் குழுவின் தலைவருமான திருவாட்டி Marie George Buffet,  உலகத்தில் மக்களின் விடுதலைக்காக போராடி உயிர் நீத்த மக்களை நினைவு கூர்ந்து ஒருநிமிட அமைதி வணக்கத்துடன்  மாநாட்டைத் தொடக்கிவைத்து உரையாற்றினார். தமிழரின் தாயகப்பகுதியில் இருந்து சிறிலங்காப்படையினர் வெளியேறவேண்டும். சர்வதேச சுயாதீன விசாரணைநடத்தப்படவேண்டும். மக்களின் பாதுகாப்பு உறுதிப்படுத்தவேண்டும்.போன்ற விடயங்களை வலியுறுத்தினார் அத்துடன் இவ்வாறு நாம் தொடர்ச்சியாக நடாத்தும் நிகழ்வுகள் மூலமாக பிரான்சு அரசின் கடமை பாட்டை முக்கியப்படுத்துவதோடு, தமிழ் மக்களின் பிரச்னைக்கு பிரஞ்சு அரசு முக்கியமாக கவனம் செலுத்த வேண்டும் என்று அதன் அடிப்படையில் தமிழருக்கான பாராளுமன்ற குழு இயங்கும் என்றார்.

ஐக்கிய ஜனநாயக கட்சியின் தலைவர் நாடாளுமன்ற உறுப்பினர் திரு. Jean Christophe Lagarde உரை நிகழ்த்தியபோது, பிரான்சின்  சனநாயகப் பெறுமதிகளை

ஆதர்சமாகக் கொண்டு நாம் தமிழரது பிரச்சனையில் முன்னகர முடியும் என்றார். சர்வதேசசட்டவிதிகளை நடைமுறைப்படுத்தி

இலங்கையில் அமைதியினைக்கொண்டு வரமுடியும் என்றும், பிரெஞ்சு ஆட்சியாளருக்கும், ஐரோப்பிய ஒன்றியத்திற்கும் மாநாட்டில் பேசப்படும்  விடயங்கள் எடுத்துச்செல்லப்படும் என்றார்.



பிரான்சு தமிழீழ மக்கள் பேரவையின் சார்பில் உரை நிகழ்த்திய   திரு.திருச்சோதி அவர்கள், இன்றைய உலகத்தில் நாடுகள்  நாடுகளுக்க்கான இறைமையை முன்வைத்து  சர்வதேசக்குற்றங்களில் இருந்து  தமக்கு பாதுகாப்பு தேடிக்கொண்டு இருக்கும் சூழலில், இறைமை என்பது மக்களுக்குரியதா அல்லது நாடுகளுக்கு உறியதா என்ற கேள்வி பிரதானமாக எழுகிறது. அதில் சிறி லங்கா அரசை இன்று தமிழருக்கு எதிரான இனப்படுகொலைக்கு சர்வதேச நாடுகள் நீதிகோரும் விடயத்தில் சிறி லங்கா அரசு, சிறி லங்கா வின் பிரச்சனை உள்நாட்டு பிரச்சனை என்றும் அதட்கான நீதியை வழங்கும் திறமை தம்மிடம் இருக்கிறது என்று நாட்டின் இறைமையை வைத்து தம்மை பாதுகாத்துக்கொண்டு இருக்கும் சூழலில், 3000 வருடத்துக்கு மேலாக அந்த நாட்டில் வாழ்ந்து வரும் ஈழத் தமிழர்களின் இறைமை எங்கே போய் விட்டது என்ற கேள்வியை கேட்க வேண்டிய சூழல் இன்று வந்திருக்கிறது.   தமிழர்கள் மூவாயிரம் ஆண்டுகளுக்கு மேலாக இலங்கையில் வசித்து வருகிறார்கள என்பதை வரலாற்றுபூர்வமாக எடுத்துரைத்து, இறைமை மக்களுக்கா அல்லது அரசுக்கா உரித்துடையது என்று கேள்வி எழுப்பினார்! காலனித்துவ காலத்தில் பிரித்தானிய அரசு தமிழர்களின் இறைமையை பறித்து சிறி லங்கா அரசிடம் தமிழர்களின் இறைமைய கையளித்ததில் இருந்து தமிழர்களை அழிக்க சிங்கள  பௌத்த சிறி லங்கா அரசு ஆரம்பித்தது, தமிழீழ விடுதலை புலிகள் தமிழ் பகுதிகளில் ஒரு இடைக்கால அரசை உருவாக்கி தமிழீழ நடைமுறை அரசை நடாத்திய போது தமிழீழ மக்கள் தமது இறைமையை மீண்டும் பெற்றார்கள் என்று கூறலாம், அந்த இறைமை 2009 யில் மீண்டும் தமிழர்களிடம் இருந்து பறிக்கப்பட்டு இன்று தமிழீழ மக்கள், தமது இறைமையை இழந்து சிறி லங்கா அரசின், சிறி லங்காவின் அத்தனை படைப்பிரிவுகள் ஆக்கிரமிப்பில் வாழும் மக்களாக வாழ வைக்கப்பட்டு இருக்கிறார்கள்.

சிறி லங்கா வின் இறைமைக்கு யாரும் தலையிட முடியாது என்று சர்வதேசத்துக்கு சவால் விட்டுக்கொண்டு இருக்கிறார்கள், இந்த சூழலில் சென்ற மார்ச் மாதம்  ஐக்கிய நாடுகள் மனிதவுரிமை சபையில் பிரித்தானிய அரச ராஜதந்திரிகளை சந்திக்கும் போதும் அவர்கள் கூறிய ஒரு வாதம் ' சிறி லங்கா இறைமை உள்ள அரசு, அதில் தங்கள் விரும்பியது போல் தலையிட முடியாது என்பது' , அன்று அவர்களிடம் ' தமிழர்களின் இறைமையை இல்லாமல் ஆகியவர்கள் யார் என்பதை நீங்கள் சிந்திக்க வேண்டும் என்ற கூற்றுடன், சிறி லங்கா என்ற தீவில் 3000 வருட சரித்திரத்தை கொண்ட தமிழர்கள், எங்களுக்கான இறைமையை வலியுத்த வேண்டும், அதை எவ்வாறு மீட்டெடுப்பது என்ற கேள்வி ஆய்வாளர்கள், அரசுகள் முன் வைக்கப்பட்டது.

இந்த மாநாட்டில்  அண்மையில் சுய ஆட்சிக்கான சர்வஜன வாக்களிப்பை நடாத்தி பிரிந்து செல்வதுக்கான மக்கள் ஆணையை பெற்ற  இராக் குர்திஸ்தான் தன்னாட்சியை கொண்டு இயங்கி கொண்டிருக்கும் அரசின் பிரான்சு தூதரகம் பிரதிநிதி இந்த மாநாட்டில் கலந்து கொண்டு எமக்கான ஆதரவை அவர்கள் தந்திருந்தார்கள்.

இராக் குர்திஸ்தானை பிறப்பிடமாக கொண்ட சமூக விஞ்ஞானத்துறை ஆய்வாளரான குர்திஸ்தான் நாட்டைச் சேர்ந்த முனைவர் யுனநட டீயமயறயn நாடற்ற தேசிய இனங்கள் தொடர்பில் தன் கருத்துரைகளை வழங்கினார். குறிப்பாக தமிழ்- குர்திஸ் மக்களின் போராங்களை ஒப்பீடு செய்து கருத்துகளைப் பரிமாறினார். எமது உரிமையை எமது இறைமையை வலியுறுத்துவத்துக்கான கருத்துக்களை முன் வைத்தார்.

பிரித்தானியாவில் இருந்து தாம் ஆய்வு செய்து பிரித்தானிய பாராளுமன்றத்தில் வெளியிட்ட  அரசு மற்றும் அரசியலில் சிறலங்கா, உயிரியல் மற்றும் பாதுகாப்பு கலந்து கொண்ட முனைவர் சிறிஸ்கந்தராசா, இலங்கை அரசியல் யாப்பு மற்றும் இறையாண்மை குறித்த தனது விமர்சனப் பார்வையை முன்வைத்தார். என்ற பெயரில் வெளியிட்ட புத்தகத்தை வெளியிட்டதோடு அதில் சிறி லங்கா நாடு என்ற அடிப்படையில் இருந்து சிறி  லங்கா தவறி விட்டது, இறைமை என்ற கோட்பாட்டிலும், சிறி லங்காவின் யாப்பை ஆய்வு செய்தது இருந்து அந்த நாடு தமது நாட்டுக்கான அந்தஸ்தில் இருந்து தவறி விட்டது  சிறி லங்காவில் தமிழர்க்கு ஆனா பாதுகாப்பை  வழங்க போவதில்லை, ஆகவே சர்வதேசம் தலையிட்டு தமிழருக்கான பாதுகாப்பை பொறுப்பு ஏற்கவேண்டும் என்ற கருத்தை முன்வைத்தார்.

முனைவர் Ines Hassan அவர்கள்  ஜனநாயகம் சுயநிர்ணய உரிமை மற்றும் முனைவர் சிறிஸ்கந்தராஜாவின் புத்தகத்தை ஆய்வுக்குள் உள்ளாகி அதில் குறிப்பிடப்பட்டிருந்த முக்கிய விடயத்தை இறைமை, சுயநிர்ணய உரிமை ஆகியவற்றை வலியுறுத்தினார்.

அவரை தொடர்ந்து ஜெனீவா பல்கலைகழகத்தில்  இருந்து வந்திருந்த கனடாவை சேர்ந்த திரு Lorenzo Fiorito தமிழ் மக்களின் இறைமை தமிழ் மக்களின் பிரதேச உரிமை ஆகியவற்றை ஆய்வுக்குள் உட்படுத்தி தமிழருக்கான அரசியல் தீர்வு தமிழீழம் என்பதை வலியுறுத்தினார்.

அத்துடன் வழக்கறிஜர்கள், மருத்துவர்கள், வேற்றுக் கட்டமைப்பு பிரதிநிதிகள் பங்கு பற்றி தமது கருத்துக்களை முன்வைத்தனர்.

இந்த மாநாட்டில் பெருமளவில் புலம் பெயர் இளம் தலைமுறையினர் பங்கேற்று ஆர்வத்தோடு தமது கருத்துகளைப் பகிர்ந்து கொண்டது நம்பிக்கை அளிப்பதாக உள்ளது!






















வன்னியில் அதிகரிக்கும் மனவழுத்தம்!

வன்னியில் அதிகரிக்கும் மனவழுத்தம்!

வன்னியில் 30 சதவீதமாக இருந்த மனவழுத்தம் கொண்டோரின் எண்ணிக்கை, யுத்தம் நிறைவடைந்த பின்னர் 48 சதவீதமாக அதிகரித்திருப்பதாக ஆய்வுகள் தெரிவிக்கின்றன.குறிப்பாக சிறார்களும் அதிக அளவில் இதனால் பாதிக்கப்பட்டுள்ளமையும் கண்டறியப்பட்டுள்ளது.

முன்னாள் யுத்தப் பிரதேசத்தில் வாழ்கின்ற மக்கள் பெருமளவில் மன அழுத்தம் உள்ளிட்ட உளரீதியான தாக்கங்களுக்கு ஆளாகியுள்ளனர். அங்கு ஆறு லட்சத்துக்கும் அதிகமான மக்கள் வாழ்கின்ற போதும், இரண்டு உளவியலாளர்கள் மாத்திரமே இருக்கின்றனர்.

கிளிநொச்சியில் இயங்கும் தன்னார்வ அமைப்பு ஒன்றின் தகவலுக்கு அமைய, வடக்கு கிழக்கில் மாதாந்தம் 30 பெண்கள் தற்கொலைக்கு முயற்சிப்பதாகவும் தெரிவிக்கப்பட்டுள்ளது.

வலிந்து காணாமல் ஆக்கப்பட்டோர் விவகாரம்,அரசியல் கைதிகள் விவகாரம் ,குடும்ப தலைவர்கள் இழப்பு என பல காரணங்களால் இத்தகைய நெருக்கடி நிலை ஏற்பட்டுள்ளதாக தெரியவருகின்றது.

வடக்கில் போதிய அளவு உளவியல் மருத்துவ நிபுணர்கள் இல்லாதுள்ளமை பற்றி சுட்டிக்காட்டப்பட்டுவருகின்ற போதும் அது தொடர்பில் சுகாதார அமைச்சு அக்கறையற்றிருப்பதாகவும் சொல்லப்படுகின்றது.

யாழில் போராட்டத்தில் ஈடுபட்ட மக்களை அச்சுறுத்திய இந்திய றோ உளவாளிகள்

யாழில் போராட்டத்தில் ஈடுபட்ட மக்களை அச்சுறுத்திய இந்திய றோ உளவாளிகள்


இலங்கையின் வடக்கில் போராட்டத்தில் ஈடுபடும் மக்களை புகைப்படம் எடுத்தல் மற்றும் காணொளிகளை எடுத்து  இலங்கை புலனாய்வுப் பிரிவு அச்சுறுத்திவந்த நிலையில் இந்தியப் புலனாய்வுப் பிரிவினரும் யாழ்ப்பாணத்தில் வெளிப்படையாக மக்களை அச்சுறுத்தும் நடவடிக்கையில் ஈடுபட்டுள்ளனர்.

யாழில்.உள்ள இந்திய துணைத்தூதரகம் முன்பாக போராட்டத்தில் ஈடுபட்டவர்களை யாழ். பொலிசார் மற்றும் இந்திய துணைத்தூதரகத்தில் பணியாற்றும் இந்திய புலனாய்வு  உத்தியோகஸ்தர்கள் மற்றும் அங்கு கடமையாற்றும் அதிகாரிகள், பாதுகாவலர்கள் புகைப்படங்கள் மற்றும் காணொளிகளை எடுத்து அச்சுறுத்தியுள்ளனர்.


தூத்துக்குடி படுகொலையை கண்டித்தும் , பாதிக்கப்பட்ட மக்களுக்கு நீதியை வழங்க கோரியும் யாழில் உள்ள இந்திய துணைத்தூதரகம் முன்பாக நேற்று (01.06.2018) வெள்ளிக்கிழமை காலை சமூக நீதிக்கான வெகுஜன அமைப்பின் ஏற்பாட்டில் கண்டன போராட்டம் முன்னெடுக்கப்பட்டது.

அதன் போது இந்திய துணைத்தூதரகத்திற்கு வெளியே யாழ்.பொலிசார் பாதுகாப்பு வழங்கி இருந்தனர்.

போராட்டம் ஆரம்பமானதை தொடர்ந்து பாதுகாப்பு பணியில் ஈடுபட்டு இருந்த யாழ்.பொலிசார் தமது கையடக்க தொலைபேசிகளில் போராட்டக்காரர்களை புகைப்படம் மற்றும் காணொளிகளை எடுத்தனர்.

அதேவேளை துணைத்தூதரகத்தினுள் பாதுகாப்பு பணியில் ஈடுபட்டிருந்த இந்திய பாதுகாப்பு படையினர் மற்றும் துணைத்தூதரக அதிகாரிகளும் துணைத்தூதரக வாளாகத்தினுள் நின்று போராட்டக்காரர்களை புகைப்படம் மற்றும் காணொளி எடுத்தனர். 
அரச பயங்கரவாத்தை மறைக்கவே பயங்கரவாத தடைச்சட்டம் உருவாக்கப்பட்டது

அரச பயங்கரவாத்தை மறைக்கவே பயங்கரவாத தடைச்சட்டம் உருவாக்கப்பட்டது



பயங்கரவாத தடைச்சட்டம் என்பதே பயங்கரவாதம். அரச பயங்கரவாத்தை மறைக்கவே பயங்கரவாத தடைச்சட்டம் உருவாக்கப்பட்டது. அதனை கொண்டு வந்தவர்கள் பயங்கரவாதிகள்.என அரசியல் கைதிகளை விடுதலை செய்வதற்கான தேசிய அமைப்பின் செயற்பாட்டாளர் அருட்தந்தை மா. சக்திவேல் தெரிவித்தார்.
அடையாளம் கொள்கை ஆய்வுக்கான நிலையத்தின் ஏற்பாட்டில் யாழ்.பல்கலை கழகத்தில் இன்று வெள்ளிக்கிழமை மாலை நடைபெற்ற அரசியல் கைதிகளின் விடுதலை முழுமையான சட்டக் கொள்கை நிலைப்பாட்டை நோக்கி எனும் தொனிப்பொருளில் நடைபெற்ற கலந்துரையாடலின் போதே அவ்வாறு தெரிவித்தார்.
மேலும் தெரிவிக்கையில் ,

குற்றங்களுக்காக கைது செய்யப்படவில்லை.
பயங்கரவாத தடை சட்டத்தின் கீழ் கைது செய்யப்பட்டவர்கள் குற்றங்களுக்காக கைது செய்யப்படவில்லை. கைது செய்யப்பட்ட பின்னரே குற்றங்கள் சுமத்தப்பட்டன
ஒப்புதல் வாக்கு மூலங்கள் சித்திரவதைகள் மூலம் அவர்களுக்கு தெரியாத மொழிகளில் பெறப்பட்டுள்ளன. அதில் பலர் தமது கையொப்பம் வைக்கவில்லை என்கின்றார்.

ஆனந்த சுதாகரனின் மனைவியை கொன்றது பயங்கரவாத தடைச்சட்டமே
அரசியல் கைதியான ஆனந்த சுதாகரனின் மனைவியை , பயங்கரவாத தடைச்சட்டமும் சட்டமா அதிபர் திணைக்களமே கொலை செய்தது 98குற்றசாட்டில் 4 குற்றசாட்டுக்கு 10 ஆண்டு சிறைத்தண்டனையும் ஏனைய 94 குற்ற சாட்டுக்கும் தலா ஆயுள் தண்டனையாக 94 ஆயுள் தண்டனை விதிக்கப்பட்டள்ளது.
ஏற்கனவே நோய்வாய்பட்டு இருந்த ஆனந்தசுதாகரின் மனைவி கேட்டே மேலும் நோய்வாய்ப்பட்டு இறக்கின்றார். ஆகவே அவரை படுகொலை செய்யதது சட்டமா அதிபர் திணைக்களமே.

அரசியல் கைதிகளை வைத்து அரசியல்.
அரசியல் கைதிகளின் விடயம் அரசியல் விடயமாக உள்ளது. அரசியல் கைதிகள் இல்லை என்பதும் , அரசியல் கைதிகள் இருக்கின்றார்கள் என்பதும் கூட அரசியல் தான்

சிங்கள மக்கள் பயங்கரவாதிகளாக பார்க்கவில்லை.
முன்னாள் ஜனாதிபதி மஹிந்த விடுதலைப்புலிகள் உறுப்பினர்கள் 12 ஆயிரம் பேருக்கு புனர்வாழ்வு அளித்து விடுதலை செய்யாதார். அதில், 600 பேருக்கு புணர்வாழ்வு அளித்து அவர்களை விடுதலை செய்ய முன்னர் தெற்கிலே கதிர்காமம் உட்பட பல இடங்களுக்கு அழைத்து சென்று இருந்தார்கள்.
சிங்கள மக்கள் அவர்களை பயங்கரவாதிகளாக பார்க்க வில்லை. புலிகளை சிங்கள மக்கள் பயங்கரவாதிகளாக பார்த்திருந்தால் , அவர்கள் சென்ற போது எதிர்ப்பு தெரிவித்து இருப்பார்கள் பஸ்க்கு கல் எறிந்து இருப்பார்கள் , வீதியில் மறியல் செய்து இருப்பார்கள். ஆனால் அவ்வாறு எதுவும் நடக்க வில்லை. ஏனெனில் சிங்கள மக்கள் அவர்களை பயங்கரவாதிகளாக பார்க்க வில்லை.

கிழக்கில் பொலிசை கொன்றவர் எங்கே ?
கிழக்கு மாகாணத்தில் பொலிஸாரை கொன்றவர் என குற்றம் சாட்டப்படும் நபர் இப்ப எங்கே இருக்கின்றார் ? அவர் அரசியல் ரீதியாக விடுவிக்கப்பட்டு யாருக்கு அருகில் இருக்கின்றார் என்பது எல்லோருக்கும் தெரிந்த விடயம்.

ஆயுதம் கொடுத்தவர் எங்கே ?
அதே போன்று பயங்கரவாதிகளுக்கு ஆயுதம் கொடுத்தார், பணம் கொடுத்தார் என நாடாளுமன்றில் பேசப்பட்டு ஹன்சட்டில் உள்ளது. ஆனால் அவர் இப்ப எங்கே ? அவர் பயங்கரவாதி இல்லையா ?

தமிழர்களை ஒடுக்கவே பயங்கரவாத தடைச்சட்டம்.
தமிழர்களை இனவழிப்பு செய்தவர்கள் பயங்கரவாதிகளே தொடர்ந்து எம்மை அழிக்கவும் ஒடுக்கவுமே பயங்கரவாத தடைச்சட்டம் உள்ளது.
பயங்கரவாத தடைச்சட்டம் ஊடாக அவர்கள் தண்டிக்க விரும்புவது அரசியல் கைதிகளாக உள்ளவர்களை மாத்திரம் இல்லை. ஒட்டு மொத்த தமிழர்களையும் தண்டிக்கவுள்ளனர்.

நிபந்தனையற்ற விடுதலை வேண்டும்.
அரசியல் கைதிகளுக்கு பொது மன்னிப்பு வழங்கு, புனர்வாழ்வு அளி என கேட்டால் அவர்கள் குற்றம் செய்தவர்கள் என நாம் ஏற்பதாக இருக்கும். எனவே நாம் கேட்க வேண்டியது நிபந்தனையற்று அவர்களை விடுதலை செய்ய வேண்டும் என்பதே.

தமிழ் அரசியல் வாதிகள் பயங்கரவாதிகள்.
எங்கள் அரசியல்வாதிகளுக்கும், அவர்களுக்கு பின்னால் போகின்றவர்கள் பயங்கரவாதிகள் அவர்களுக்கு எதிராக பயங்கரவாத தடைச்சட்டத்தை பிரயோகித்து புனர்வாழ்வு அளிக்க வேண்டும்.
ஆங்கிலயர் ஆட்சியில் பயங்கரவாதிகள். என தூக்கிலிடப்பட்டவர்கள் சுதந்திரத்தின் பின்னர் தேசப்பற்றாளர்கள் ஆனார்கள். அதே போன்று அவர்களுக்கு பயங்கரவாதிகளாக தெரிபவர்கள் எங்களுக்கு தேசப்பற்றாளர்
தமிழர்களை அடக்கவே பயங்கரவாத தடைச்சட்டத்தை கொண்டு வந்தார்கள். தற்போது கொண்டு வர போகின்ற சட்டம் பொருளாதர கொள்கையை எதிர்ப்பவர்களை ஒடுக்கும் நோக்கத்திற்காக.

அரசியல் கைதிகள் 108
தகவல் அறியும் உரிமை சட்டத்தின் ஊடாக அரசியல் கைதிகள் எத்தனை பேர் தடுத்து வைக்கப்பட்டு உள்ளார்கள் என கேட்ட போது , அரசியல் கைதிகள் என இல்லை. பயங்கரவாத தடை சட்டத்தின் கீழ் கைது செய்யப்பட்ட 108 பேர் உள்ளனர் என பதில் அளிக்கப்பட்டு உள்ளது.

தமிழ் அரசியலில் தழம்பல் நிலை.
தமிழர்கள் மத்தியில் அரசியல் தழம்பல் நிலை உள்ளமையால் தான் யார் யாரோ வந்து நம் மத்தியில் அரசியல் செய்து விட்டு போகின்றார்கள்.

தீர்ப்பு வழங்கப்படவில்லை..
பயங்கரவாத தடைசட்டத்தின் கீழ் கைது செய்யப்பட்டவர்கள் தண்டனைக்காலத்தை அனுவித்து விரைவில் விடுதலையடையலாம் என குற்றத்தை ஒப்புக்கொண்டவர்களுக்கு கூட தீர்ப்பு வழங்கப்படமால் காலங்கள். இழுத்தடிக்கப்படுகின்றன.

கூட்டமைப்பு ஏன் மௌனம் காக்கிறது ?
அரசியல் கைதிகள் என எவரும் இல்லை என ஜனாதிபதி கூறியுள்ள நிலையில் அரசியல் கைதிகளின் விடுதலையை வலியுறுத்துகின்றோம் என கூறிய கூட்டமைப்பினர் மௌனம் காப்பது ஏன் என்பது புரியவில்லை என மேலும் தெரிவித்தார்.
ஸ்ரீலங்காவில்  இன்புழுவென்சா வைரஸ் காய்ச்சலினால் 14 குழந்தைகள் உயிரிழப்பு

ஸ்ரீலங்காவில் இன்புழுவென்சா வைரஸ் காய்ச்சலினால் 14 குழந்தைகள் உயிரிழப்பு

ஸ்ரீலங்காவில் பரவிவரும் இன்புழுவென்சா வைரஸ் காய்ச்சலினால் பீடிக்கப்பட்டு உயிரிழந்துள்ள குழந்தைகளின் எண்ணிக்கை 14 ஆக அதிகரித்துள்ளது.

கராப்பிட்டிய போதனா வைத்தியசாலையில் சிகிச்சைபெற்று வந்த எட்டு மாத ஆண் குழந்தையொன்று கடந்த புதன் கிழமை இரவு உயிரிழந்துள்ளது.

அந்த மரணத்துடனேயே குறித்த வைரஸ் காய்ச்சலினால் உயிரிழந்த குழந்தைகளின் எண்ணிக்கை 14 ஆக உயர்வடைந்துள்ளது. அந்தக் குழுந்தை ஆறு வார காலம் அவசர சிகிச்சைப் பிரிவில் சிகிச்சை பெற்று வந்த நிலையிலேயே கடந்த புதன் கிழமை இரவு உயிரிழந்துள்ளது.

வலஸ்கல பிரதேசத்தைச் சேர்ந்த இரட்டைக் குழந்தைகளில் ஒரு குழந்தையை இவ்வாறு உயிரிழந்துள்ளது.

இன்புழுவென்சா எடினோ உள்ளிட்ட வைரஸ் தொற்றுக்கு இலக்காகி மே மாதம் முதலாம் திகதியிலிருந்து 31 ஆம் திகதி வரையான காலப்பகுதியில் கராபிட்டிய போதனா வைத்தியசாலை, அவசர சிகிச்சைப் பிரிவு மற்றும் சிறுவர் வாடுகளில் சிகிச்சை பெற்றுவந்த நிலையில் 13 குழுந்தைகள் உயிரிழந்துள்ளதாக கராபிட்டிய போதனா வைத்தியசாலையின் பணிப்பாளர் தெரிவித்துள்ளார்.

இதேவேளை கராப்பிட்டிய வைத்தியசாலையின் அவசர சிகிச்சைப்பிரிவில் சிகிச்சை பெற்று வந்த குழந்தையொன்று வைரஸ் காய்ச்சல் உச்ச நிலையடைந்ததையடுத்து ரிட்ஜ்வே சிறுவர் வைத்தியசாலையில் அனுமதிக்கப்பட்ட பின்னர் உயிரிழந்துள்ளதாகவும் அவர் மேலும் குறிப்பிட்டுள்ளார்.

இதேவேளை குறித்த வைரஸ் காய்ச்சலுக்கு இலக்காகி மத்தறை மாவட்டத்தைச் சேர்ந்த எட்டு குழந்தைகளும் காலி மற்றும் அம்பாந்தோட்டை மாவட்டங்களைச் சேர்ந்த தலா மூன்று குழந்தைக்ளும் உயிரிழந்துள்ளமை குறிப்பிடத்தக்கது.
படுகொலையாளிக்கு அடைக்கலம்கொடுத்த கூட்டுப்படைத்தளபதியை கைது செய்ய முஸ்தீபு

படுகொலையாளிக்கு அடைக்கலம்கொடுத்த கூட்டுப்படைத்தளபதியை கைது செய்ய முஸ்தீபு

கொழும்பில் 10 ஆண்டுகளுக்கு முன்னர் 11 இளைஞர்களைக் கடத்தி காணாமல் ஆக்கிய சம்பவத்துடன் தொடர்புடைய, குற்றவாளிக்கு அடைக்கலம் கொடுத்தார் என்ற குற்றச்சாட்டில், சிறிலங்காவின் உயர்மட்டப் படை அதிகாரி ஒருவர் அடுத்த சில நாட்களுக்குள் கைது செய்யப்படவுள்ளார்.

சிறிலங்கா காவல்துறை தலைமையக வட்டாரங்களை மேற்கோள்காட்டி, கொழும்பு ஆங்கில ஊடகம் ஒன்று இந்தச் செய்தியை வெளியிட்டுள்ளது.

இந்த வழக்கில் முக்கிய சந்தேக நபரான, லெப்.கொமாண்டர் சந்தன பிரசாத் ஹெற்றியாராச்சியைக் கைது செய்வதற்கு திறந்த பிடியாணை பிறப்பிக்கப்பட்டுள்ளது.

இவருக்கு உதவிய சந்தேக நபர்களையும் கைது செய்யுமாறு, கோட்டே நீதிவான் லங்கா ஜெயரத்ன உத்தரவிட்டுள்ளார் என்றும் அந்தச் செய்தியில் தெரிவிக்கப்பட்டுள்ளது.

நேற்று முன்தினம் இந்த வழக்கு விசாரணைக்கு எடுக்கப்பட்ட போது, லெப்.கொமாண்டர் சந்தன பிரசாத் ஹெற்றியாராச்சி நாட்டை விட்டுத் தப்பிச் செல்வதற்கு, முன்னாள் கடற்படைத் தளபதியும், தற்போதைய கூட்டுப் படைகளின் தளபதியுமான அட்மிரல் ரவீந்திர விஜேகுணரத்ன உதவியாகவும், உடந்தையாகவும் இருந்தார் என்று குற்றப் புலனாய்வுப் பிரிவினர் அறிக்கை சமர்ப்பித்திருந்தனர் என்பது குறிப்பிடத்தக்கது.

இந்த நிலையில், கைது செய்யப்படவுள்ள படை அதிகாரியின் பெயரை கொழும்பு ஊடகம் வெளியிடாத போதிலும், அட்மிரல் ரவீந்திர விஜேகுணத்னவாக இருக்கலாம் என்று சந்தேகிக்கப்படுகிறது.
கோத்தாவிற்கு எதிரான வழக்கிலிருந்து நான்கு நீதிபதிகள் விலகல்

கோத்தாவிற்கு எதிரான வழக்கிலிருந்து நான்கு நீதிபதிகள் விலகல்


சிறிலங்காவின் முன்னாள் பாதுகாப்புச் செயலர் கோத்தாபய ராஜபக்சவின் அடிப்படை உரிமை மீறல் வழக்கை விசாரிக்கும்  குழுவில் இருந்து இதுவரை நான்கு நீதியரசர்கள் விலகியுள்ளனர்.

நிதிக் குற்றப் புலனாய்வுப் பிரிவினரால், காரணமின்றித் தாம் கைது செய்யப்படக் கூடும் என்று உச்சநீதிமன்றத்தில் கோத்தாபய ராஜபக்ச அடிப்படை உரிமை மீறல் மனுவைத் தாக்கல் செய்திருந்தார்.

மிக்  விமானக் கொள்வனவு மற்றும் சில விவகாரங்கள் தொடர்பாக, தமக்கு எதிராக காரணமின்றி குற்றச்சாட்டுகள் சுமத்தப்படுவதாகவும் அவர் கூறியிருந்தார்.

இந்த வழக்கை விசாரணை செய்வதில் இருந்து முதலில் ஒரு நீதியரசரும், அதையடுத்து இரண்டு நீதியரசர்களும், நேற்று மற்றொரு நீதியரசரும் விலகிக் கொண்டனர்.

இதுவரையில் நீதியரசர்கள் ஈவா வணசுந்தர, புவனேக அலுவிகார, பிரியந்த ஜயவர்த்தன, முர்து பெர்னான்டோ ஆகியோரே, இந்த வழக்கை விசாரிப்பதில் இருந்து தனிப்பட்ட காரணங்களுக்காக விலகிக் கொண்டுள்ளனர்.

இந்த வழக்கில் கோத்தாபய ராஜபக்சவை கைது செய்வதற்கு ஏற்கனவே இடைக்கால தடை உத்தரவு பிறப்பிக்கப்பட்டுள்ளது. வழக்கு வாதங்களுக்காக நாள் குறிக்கப்பட்ட நிலையிலேயே, நீதியரசர்கள் அடுத்தடுத்து விலகியுள்ளனர்.
பனங்காட்டான் எழுதிய ''மைத்திரியின் ஓலமும் சம்பந்தனின் விரக்தியும்: ஒற்றைத் தண்டவாள இருதடப் பயணங்கள்''

பனங்காட்டான் எழுதிய ''மைத்திரியின் ஓலமும் சம்பந்தனின் விரக்தியும்: ஒற்றைத் தண்டவாள இருதடப் பயணங்கள்''

எதிர்கட்சித் தலைவர் என்ற ஆசனத்தில் அமர்ந்தவாறு அரசாங்கத்துக்குச் சாமரை வீசிக் கொணடி;ருக்கும் சம்பந்தனால் மட்டுமே மைத்திரி – ரணில் பிரச்சனையை தீர்க்க முடியும். இலங்கையின் அரசியல் பரப்பில் வேறு எவராலும் இது முடியாது.

இலங்கை என்கின்ற நாட்டை அரசியல் ரீதியாக இரு வேறு தேசங்களாகப் பார்க்க வேண்டுமென்னும் நிலைப்பாட்டை மே 18 கொண்டுவந்துவிட்டது.

தமிழ் மக்கள் தங்கள் தாயகத்தில் அழுது புலம்பிச் சுடரேற்றி முள்ளிவாய்க்கால் நினைவேந்தலில் மூழ்கிக் கிடக்க, தென்னிலங்கை போர்வெற்றி நாளென்று கூறி சிங்கள பௌத்த மமதையில் கொண்டாட்டம் நடத்தியது.

பிளவுபடாத பிரிக்க முடியாத ஒரே நாடு என்ற பம்மாத்தில் தமிழ்த் தலைமை கீழிறங்கிப் பேரம் பேச, சிங்கள இனவெறித் தலைமை தமிழரெவரும் கொல்லப்படவில்லை, ஜெனிவாவில் இராணுவம்மீது போர்க்குற்றம் சுமத்தப்படவில்லையென்று வாய்வீச்சு நடத்துகிறது.

இலங்கை பிளவுபடாத ஒரே நாடு என்றால் மே 18ம் திகதி நாடு பூராவும் ஒரே குரலில் முள்ளிவாய்க்கால் நினைவேந்தல் நிகழ்ந்திருக்க வேண்டுமே!

அவ்வாறு நடைபெறாமல் ஒருபுறம் ஓலமும், மறுபுறம் வெற்றிக் களிப்புமென்றால் இதனை என்னென்று சொல்லலாம்.

தமிழர்களின் களக்கவிஞன் பாடிய, “நீங்கள் வேறு நாடையா, நாங்கள் வேறு நாடு” என்பது ஏற்றுக் கொள்ளப்படாவிட்டாலும், பௌதிக ரீதியாக அவ்வாறாகிவிட்டது என்று கூறினால் தவறிருக்க முடியாது.

இந்தப் பின்னணியில் இருவேறு குரல்களின் தாற்பரியத்தை இங்கு கவனிப்போம்.

ஒரு குரலுக்குரியவர் பேரினவாதத்தின் நிகழ்காலத் தலைவரான ஜனாதிபதி மைத்திரிபால சிறிசேன. மற்றைய குரலுக்குரியவர், பிரிக்க முடியாத ஒருமித்த நாடே தீர்வென்று அழுங்குப்பிடியாக நிற்கும் கூட்டமைப்பின் தலைவரான இரா.சம்பந்தன்.

முதலாமவரின் குரல் அவரது கோபம், சீற்றம் என்பவற்றின் மொத்தவடிவமாக அமைந்துள்ளது.

இரண்டாமவரின் குரல், இதுவரை கொண்டிருந்த நம்பிக்கையிழந்த நிலையில் கிளம்பும் விரக்தியாக அமைந்துள்ளது.

2015ம் ஆண்டு ஜனாதிபதித் தேர்தலில் மகிந்த ராஜபக்சவை வீட்டுக்கு அனுப்பும் படலத்துக்கு காற்கோள் இட்டவர் சோபித தேரர் என்ற பௌத்த பிக்கு.

பொது வேட்பாளராக மைத்திரியை மகிந்தவிடமிருந்து பிரித்து இழுத்து வந்து, ரணிலுடன் இணைத்து வெற்றிக்கு வழி வகுத்தவர் இந்தத் தேரரே.

அமரராகிவிட்ட தேரரின் பிறந்த தினத்துக்கான நிகழ்வு கொழும்பில் சில நாட்களுக்கு முன்னர் நடைபெற்றது.

இதற்கு ஜனாதிபதியை அழைக்காது இருட்டடிப்புச் செய்யும் வகையில், அவருக்கு அழைப்பு அனுப்பப்படவில்லையாயினும், இதனை அறிந்த அவர் தாமாகச் சென்று கடும் கோபத்துடன் உரை நிகழ்த்தியதால் அது மிகச் சூடாக அமைந்தது.

அவரது சீற்றத்தின் அளவினை உரை அப்பட்டமாக எடுத்துக் காட்டியது.

எவரையும் பெயர் குறிப்பிட்டு உரை அமையவில்லையாயினும், பிரதமர் ரணிலையும் அவரது ஐக்கிய தேசிய கட்சியையும் அவர் தூள்தூளாக கிழித்துத் தள்ளினார்.

முன்னைய ஜனாதிபதி காலத்திலிருந்த உயர்ரக வாகனங்களை மகிந்தவும் ரணிலும் பங்கு போட்டுவிட்டு, தமக்கு தரமற்ற வாகனங்களை விட்டது,

தேர்தலில் தோல்வியடைந்த மகிந்தவை இரவோடிரவாக விமானப்படை விமானங்களில் வீட்டுக்கு அனுப்பி வைத்தது,

தம்மைக் கேட்காமலே முதல் நூறு நாள் வேலைத்திட்டத்தை அறிவித்தது,

அரசாங்க வங்கிகளை மூடி தனியார் வங்கிகளை விரிவுபடுத்த ரகசியமாக திட்டம் போட்டது,

கடந்த மூன்று ஆண்டுகளாக செய்து முடிக்க வேண்டிய பல வேலைகளை ஏதோ காரணங்களால் செய்யாது விட்டது,

ரணில் தரப்பினால் அமைச்சரவைக்குக் கொண்டு வரப்பட்ட பல பிரேரணைகளை தாம் தடுத்து நிறுத்தியது என்று அழாக்குறையாக உள்வீட்டு விடயங்கள் பலவற்றை தமது உரையில் மைத்திரி சொல்லி முடித்தார்.

அமைச்சரவை முடிவுகளை கூட்டுப் பொறுப்பு என்று சொல்வார்கள். அவைபற்றி எவரும் வெளியில் வாய் திறக்கக்கூடாது.

ஆனால், அமைச்சரவையின் தலைவராக இருக்கும் ஜனாதிபதியே பொதுவெளியில் அமைச்சரவை விவகாரங்களை விமர்சித்தது முறையா என்ற கேள்வி இங்கு எழுகிறது.

கோபத்தின் உச்சியில் உணர்ச்சிவயப்பட்ட நிலையில் அவர் இந்த உரையை நிகழ்த்தியதாலேயே இவ்வாறு பல விடயங்களைப் போட்டுடைத்தாரென்று அரசியல் வட்டாரங்கள் கருதுகின்றன.

அரசுக்குள் இடம்பெற்றுவரும் இருமுனைப் போராட்டம் (மைத்திரி எதிர் ரணில்), இப்போது கூட்டரசை பிளவு நிலைக்குக் கொண்டுவந்துள்ளது.

தமக்கெதிராகக் கொண்டு வரப்பட்ட நம்பிக்கையில்லாப் பிரேரணையை ரணில் விரும்பி வரவேற்ற காரணம் இப்போது பகிரங்கமாகியுள்ளது.

ஏற்கனவே பிளவுபட்டிருந்த சுதந்திரக் கட்சியில் மேலும் 16 பேர் இப்போது தனிக்குழுவாக மாறியுள்ளனர்.

இவ்வாறான நடவடிக்கைகள் மைத்திரியை பலமிழக்கச் செய்யும் என்பதும், தம்மை மேலும் பலப்படுத்தும் என்பதும் ரணிலுக்கு நன்கு தெரியும்.

காலங்கடந்து இதனைப் புரிந்திருக்கும் மைத்திரி, இப்போது வெளியரங்க நிகழ்வுகளில் தமது சோகத்தைப் புலம்பும் நிலைக்குத் தள்ளப்பட்டுள்ளார்.

மைத்திரியின் கருத்துக்கு ரணில் இதுவரை எந்தப் பதிலும் அளிக்கவில்லை.

மைத்திரியின் உரை சம்பந்தமாக எவரும் எந்தக் கருத்தும் தெரிவிக்கக் கூடாதென்று தமது கட்சியின் ஒவ்வொருவருக்கும் அவர் உத்தரவும் பிறப்பித்துள்ளார்.

ரணிலின் இந்த எதிர்பாராத முடிவு அவர் ஏதோவொரு முடிவுக்கு வந்துள்ளாரென்பதை தெரிய வைக்கிறது.

அரசியலில் மௌனம் என்பது பல்லாயிரம் அர்த்தங்களை உள்ளடக்கிய பயங்கர ஆயுதம் என்பது அதில் பயணிக்கும் ஒவ்வொருவருக்கும் தெரியும்.

இதன் பிரதிபலிப்பாக நாடாளுமன்றம் அதன் ஆயுட்காலத்துக்கு முன்னராகவே கலைக்கப்பட்டு திடீர்த் தேர்தல் நடத்தப்படலாமென கொழும்பு ஊடகங்கள் ஊகம் வெளியிட ஆரம்பித்துவிட்டன.

இது தெற்கின் அரசியல் நிலை!

இப்படித்தான் தமிழர் தரப்பின் அரசியல் பயணமும் நடைபெற்றுக் கொண்டிருக்கிறது. புதிய அரசியலமைப்பு, வழிகாட்டற் குழுவின் அறிக்கை, இனப்பிரச்சனைத் தீர்வு என்பன வெறும் அறிக்கை அளவிலேயே சட்டம் போட்டுச் சுவரில் கொழுவும் நிலைக்கு வந்துவிட்டன.

2015 ஜனாதிபதித் தேர்தலில் ரணிலை நம்பி மைத்திரியை ஆதரித்தவர்கள் கூட்டமைப்பினர். சம்பந்தனும் அவரது தமிழரசுக் கட்சியுமே இதில் முன்னிலை வகித்தவர்கள்.

அந்த நம்பிக்கையிலேயே 2016 இறுதிக்குள் நிச்சயம் தீர்வு வருமென்று சம்பந்தன் கூறி வந்தார்.

பின்னர் 2017 தைப்பொங்கல், தீபாவளி, அடுத்த புத்தாண்டு என்று நம்பிக்கைக்கான கால எல்லையை அனுமார் வால்போல சம்பந்தன் தாமாகவே இழுத்துச் சென்றார்.

சில மாதங்களுக்கு முன்னர் சம்பந்தனின் லெப்டினன்ட் சுமந்திரன் கனடாவிலுள்ள தொலைக்காட்சி ஒன்றுக்கு வழங்கிய செவ்வியில் ஒரு கருத்தைத் தெரிவித்திருந்தார்.

தமிழர் பிரச்சனைக்கு அரசியல் தீர்வொன்று இக்காலத்தில் கிடைத்தால் தமது பணி முடிந்ததென்று கூறி தாம் அரசியலிலிருந்து சென்றுவிடுவதாகச் சொன்னார்.

தற்செயலாக இது எதுவும் நடைபெறவில்லையெனில் அதற்கான பொறுப்பை ஏற்றுக் கொண்டு அரசியலிலிருந்து தாம் விடைபெற எண்ணுவதாகவும் கூறினார்.

ஆக, இரண்டில் எது நடந்தாலும் சுமந்திரன் அடுத்த பொதுத்தேர்தலில் போட்டியிட மாட்டாரென்று நம்பலாமா? சொன்னதைச் செய்வாரா?

அரசியலில் இதுவெல்லாம் சகஜமென்று கனவுலக நாயகரொருவர் சும்மாவா சொன்னார்?

இதுபோகட்டும்! இப்போது சம்பந்தன் என்ன நிலைப்பாட்டில் இருக்கிறார்?

சில தினங்களுக்கு முன்னர் இலங்கை சென்ற அமெரிக்க காங்கிரஸ் உறுப்பினர்கள் குழுவொன்று சம்பந்தனை சந்தித்து உரையாடியது.

இதன்போது தமிழர் பிரச்சனைக் கதையை ஆதியோடந்தமாக தெரிவித்த சம்பந்தன் இறுதியில் தெரிவித்த கருத்து இது.

“குறிப்பிட்ட கால எல்லைக்குள் புதிய அரசமைப்புப் பணிகள் இடம்பெறாவிட்டால் தமிழ் மக்களும் கூட்டமைப்பினரும் தமது நிலைப்பாட்டை மீளாய்வு செய்ய நிர்ப்பந்திக்கப்படுவர்” என்பது.

அந்தக் கால எல்லை என்னவென்பதை அவர் மூடுமந்திரமாகவே வைத்துள்ளார்.

தற்போது தெற்கில் என்ன நடைபெறுகிறது என்று சம்பந்தன் இக்குழுவுக்கு பின்வருமாறு தெரிவித்தார்.

“ஒரு புதிய அரசியலமைப்பின் தேவையையும் அதனால் ஏற்படக்கூடிய நன்மையையும் சிங்கள மக்கள் மத்தியில் இதுவரை கொண்டு சேர்க்கவில்லை. அனைத்து மக்களையும் நியாயமாகவும், சமத்துவமாகவும் நோக்க வேண்டிய சிங்களத் தலைவர்களில் சிலர் கடும்போக்காளர்களைத் திருப்திப்படுத்துவதிலேயே குறியாக இருக்கிறார்கள்” என்பது.

இறுதியில் சம்பந்தன் கூறிய கருத்து சிங்கள் ஆட்சித் தரப்பின் சமகால இடிபாட்டை எடுத்துக்கூறுவது.

“அடிப்படை பிரச்சனைகளுக்குத் தீர்வு காணவேண்டுமெனில் ஜனாதிபதியும் பிரதமரும் சேரந்து பயணிக்க வேண்டும்” என்பது.

சோபித தேரர் நிகழ்வில் ஜனாதிபதி மைத்திரிபால எடுத்துக் கூறியதும், பிரதமர் ரணில் இதற்குப் பதிலளிக்காது இருப்பதும், சம்பந்தன் இப்போது தெரிவித்திருப்பதும் ஒன்றையே மையமாகக் கொண்டது.

எதிர்கட்சித் தலைவர் என்ற ஆசனத்தில் அமர்ந்தவாறு அரசாங்கத்துக்குச் சாமரை வீசிக் கொண்டிருக்கும் சம்பந்தனால் மட்டுமே மைத்திரி – ரணில் பிரச்சனையை தீர்க்க முடியும். இலங்கையின் அரசியல் பரப்பில் வேறு எவராலும் இது முடியாது.

இது முடியாமல் போகுமானால் மைத்திரியின் ஓலமும், ரணிலின் மௌனமும், சம்பந்தனின் விரக்தியும் எங்கோ ஓரிடத்தில் ஒன்று சேரும்.

-பனங்காட்டான்-
சிறையிலுள்ள கணவனுக்கு கஞ்சா கொடுத்த மனைவிக்குப் பிணை

சிறையிலுள்ள கணவனுக்கு கஞ்சா கொடுத்த மனைவிக்குப் பிணை


யாழ்ப்பாணம் சிறைச்சாலையில் தடுத்துவைக்கப்பட்டுள்ள சந்தேகநபருக்கு கஞ்சா எடுத்துச் சென்ற குற்றச்சாட்டில் கைது செய்யப்பட்ட அவரது மனைவி யாழ்ப்பாணம் நீதிவான் நீதிமன்றால் நிபந்தனையுடனான பிணையில் விடுவிக்கப்பட்டார்.

20 கிலோ கிராம் கஞ்சா மற்றும் 2 கிலோ கிராம் கஞ்சா போதைப்பொருளை உடமையில் வைத்திருந்த இருவேறு குற்றச்சாட்டுக்களில் கைது செய்யப்பட்ட சந்தேகநபர் ஒருவர் நீண்ட நாள்களாக யாழ்ப்பாணம் சிறைச்சாலையில் தடுத்துவைக்கப்பட்டுள்ளார்.

சிறைச்சாலைக்குள் அவரை சந்திப்பதற்காக அவரது மனைவி நேற்று (31) சென்றுள்ளனர். அதன்போது சந்தேகநபருக்கு அவரது மனைவி எடுத்துச் சென்ற வெற்றிலை சரையிலிருந்து 4 கிராம் கஞ்சாவை சிறைக்காவலர்கள் சோதனையின் மீட்டனர்.

அதனையடுத்து அந்தப் பெண் சிறைக்காவலர்களால் கைது செய்யப்பட்டு யாழ்ப்பாணம் பொலிஸாரிடம் ஒப்படைக்கப்பட்டார்.

4 கிராம் கஞ்சாவை உடமையில் வைத்திருந்தார் என்ற குற்றச்சாட்டில் பெண் சந்தேகநபர், பொலிஸாரால் இன்று யாழ்ப்பாணம் நீதிவான் நீதிமன்றில் முற்படுத்தப்பட்டார்.

"கஞ்சா வைத்திருந்த குற்றச்சாட்டில் யாழ்ப்பாணம் சிறைச்சாலையில் தடுத்துவைக்கப்பட்டுள்ள சந்தேகநபரை அவரது மனைவியான இந்தப் பெண்ணே பொலிஸாரிடம் தகவல் வழங்கிப் பிடித்துக் கொடுத்தார்.

சிறைச்சாலைக்கு கஞ்சா எடுத்துச் செல்ல அவரது கணவரின் வற்புறுத்தலே காரணம். அத்துடன், இந்தப் பெண் 2 பெண் பிள்ளைகளின் தாயார். இவற்றைக் கருத்திற்கொண்டு பெண்ணை பிணையில் விடுவிக்கவேண்டும்" என்று பெண் சார்பில் மன்றில் விண்ணப்பம் செய்யப்பட்டது.

அதனை ஆராய்ந்த யாழ். நீதிமன்ற மேலதிக நீதிவான் வி.இராமகமலன், நிகழ்வு - குடும்ப சூழலைக் கருத்திற்கொண்டு பெண்ணை பிணையில் விடுக்க உத்தரவிட்டார்.

இதேவேளை, 2 கிலோ கஞ்சாவை உடமையில் வைத்திருந்த குற்றச்சாட்டில் கைது செய்யப்பட்ட இளைஞனை வரும் 4ஆம் திகதிவரை விளக்கமறியலில் வைக்க நீதிமன்று உத்தரவிட்டது.
தாயகம் திரும்பியும் அவலம்!

தாயகம் திரும்பியும் அவலம்!


தாயகம் திரும்பிய ஈழ தமிழ் மக்களை இலங்கை காவல்துறை பிரித்துவைத்துள்ளனர். தமிழ்நாட்டின் கடலூரில் அகதிகளாகத் தஞ்சம் புகுந்திருந்த ஆறு ஈழத்தமிழர்கள் இராமேஸ்வரத்திற்கும் ஈழத்தின் தலைமன்னாருக்கும் இடையே இருக்கும் மணற் திட்டு ஒன்றில் அநாதரவாகக் கைவிடப்பட்டிருந்தார்கள். இலங்கைக் கடற்படை இவர்கைளப் புதன்கிழமை நண்பகல் அளவில் கைதுசெய்தது. இவர்களில் 27 வயது தாய் ஒருவரும் அவரின் 7 வயதும் 9 வயதும் நிரம்பிய இரண்டு ஆண் சிறுவர்களும் அடங்குகிறார்கள். தற்போது அவர்கள் இலங்கை நீதித்துறையினால் வௌ;வேறு இடங்களில் பிரித்தது வைக்கப்பட்டுள்ளார்கள். 

அவரின் இரண்டு சிறார்களும் அவரது பிள்ளைகள் தானா என்று ஐயம் எழுவதாக இலங்கைப் பொலிஸார் குற்றச்சாட்டை எழுப்பியுள்ளனர்.மேலும் மனிதக் கடத்தல் குறித்த விடயமாக இதைத் தாம் சந்தேகிப்பதாகவும் தலைமன்னார் பொலிஸார், மன்னார் நீதவானிடம் முறையிட்டிருக்கிறார்கள்.

இலங்கை பொலிஸாரின் இந்த குற்றச்சாட்டின் விளைவாக, குறித்த இரண்டு சிறுவர்களையும் சிறுவர் விடுதியொன்றில் தற்காலிகமாகக் கையளிக்குமாறும் மற்றையவர்களை வவுனியா சிறையில் எதிர்வரும் 8ம் திகதி வரையும் காவலில் வைக்குமாறும் மன்னார் நீதிமன்ற நீதவான் ஏ அலெக்ஸ்ராஜா உத்தரவிடும் நிலை ஏற்பட்டுள்ளது.

மீள்திரும்பியிருக்கும் அகதிகளாக அன்றி மனிதக் கடத்தலுக்கு உட்படுத்தப்படுபவர்களாக இவர்கள் சந்தேகக் கண்கொண்டு பார்க்கப்படும் நிலை தோன்றியிருப்பது மக்களிடையே அச்சத்தை தோற்றுவித்துள்ளது.

தாயார் சுமதி சுலோஜன் (27) பேசாலையைப் பிறப்பிடமாகக் கொண்டவர். அவரது கணவர் திருகோணமலையைச் சேர்ந்தவர். அவர் அகதியாக அவுஸ்திரேலியா சென்றிருந்த நிலையில் அவரும் இரண்டு பிள்ளைகளும் தமிழகத்தின் கடலூரில் அகதி வாழ்க்கை வாழ்ந்திருந்தார்கள்.


இவர்களுடன் பேசாலையைப் பிறப்பிடமாகக் கொண்ட பெருமாள் இந்திரகுமார் (36), உயிலங்குளத்தைப் பிறப்பிடமாகக் கொண்ட ராஜதுரை யுவராஜ் (28), நடராஜா பாக்கியநாதன் (28) ஆகிய மூன்று ஆண்களும் இலங்கைகக் கடற்படையினரால் கைதுசெய்யப்பட்டிருந்தனர்.